Jeremiah 32:30 - Tedim Bible

³⁰ Bang hang hiam cih leh Israel mite leh Judah mite in a neu lai pek uh a, kipan ka muhna-ah siatna bekbek a bawl uh a, keimah Topa in kong cih-inah, Israel mite in a khut uh tawh milim a bawlna uh hangin kei hong heh sak uh hi.

Tedim Bible Revision 2017

³⁰ Bang hang hiam cih leh Israel mite le Judah mite in a neu lai pek uh a kipan ka muhna ah a sia bekbek a gamta uh hi. Keimah Topa in kong cih in ah, Israel mite in a khut uh tawh milim a bawlna uh hangin kei hong hehsak uh hi.

Jeremiah 32:30 Referans Kwoze

Jeremiah 25:7

Ahih hangin Topa in kong cih-inah, note in ka thu nong ngai kei uh a, note’ daan thuak nading mahin na khut uh tawh milim bawlin nong hehsak uh hi.

Jeremiah 22:21

Na daupai laitak-un kong hopih hangin na hong ngai nuam kei uh hi. Na neu tung-ua kipan nong tua cih ngitnget uh a, ka thu nong mang ngei kei uh hi.

Jeremiah 3:25

Tua ahih manin, zumin lum ni: i minsiatna silh ni. Bang hang hiam cih leh i neulai akipan tu ni ciang dong eite leh i pu i pate in Topa i Pasian’ tungah i mawh khin zo hi. Topa i Pasian’ thu i mang kei khin zo hi,” a ci uh hi.

Jeremiah 2:7

Singgah leh a hoih nate na nek theih nadingun an tamna munah kong tun’pih hi. Ahih hangin no nong pai uh ciangin ka gam na nin sak uh a, ka neihsa gam a kihhuai mun na suak sak tazen uh hi.

Isaiah 63:10

Ahih hangin amaute in amah lehdo uh a, a Kha Siangtho dahsak uh hi; tua ahih ciangin amah pen amaute’ gal suak a, amahmah in amaute a do hi.

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

Ezekiel 23:3

Amaute Izipt-ah a om lai, a khangno lai takun, a nungakna lim uh bei-in numei paktat suak uh hi.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khatpeuh peuh ahi zongin a muh uh ciangin tua bang mun khempeuh ah biakna pia uh hi. Meihal biakna a piakna uh leh tuiphih biakna a piaknate uh tawh kei hong hehsak uh hi.

Ezekiel 20:8

Ahi zongin amaute in kei hong demin, ka thugen hong ngai lo uh hi. A muhdahhuai a milimte uh paikhia tuan lo uh a, Izipt pasiante zong nusia lo uh hi. Tua hi a, ka heh mahmahna teng Izipt gam sungah thuaksak gawp ning ci-in ka ngaihsun hi.–

Jeremiah 8:19

Ngai un, gamsung mun khempeuh panin ka mite’ tanute kap uh hi: “Zion khua-ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawng kik a, “Bang hangin a milim bawl tawmte uh leh a gamdang milimte uh tawh kei hong hehsak uh ahi hiam?” a ci hi.

Jeremiah 11:17

Israel mite leh Judah mite in mei halna tawh Baal bia-in hong heh sak-a siatna a bawl manun, nang a hong phut keimah a vanglian Topa in nang’ tungah siatna tun’ nading thu kong pia zo hi,” a ci hi.

Jeremiah 30:14

Na lawm ngaihte un hong mangngilh khin uh a, hong don nawn lo uh hi. Bang hang hiam cih leh na khialhnate uh lian lua-in, na mawhnate uh nasia lua ahih manin, galte bangin note kong bawl-a, nasia takin daan kong thuaksak hi.

Jeremiah 36:2

“Laizial khat la in la, tua sungah Josiah kumpi a suah kum, nang kong hopih masak hun-a kipan tuni ciang dong Israel gam, Judah gam leh gamdang khempeuhte’ lang khatah ka thugente khempeuh gelh in.

Jeremiah 44:3

Bang hang hiam cih leh amaute in ka heh nadingin gitlohna bawl uh a, amaute-a kipan note leh na pute na pate un a theih ngei loh uh pasiante’ na semin paknamtui hal-in a bia uh hi.

Jeremiah 25:6

pasian dangte’ nung delh loin, a na sem loin na biak kei uh a, na khut uh tawh na bawl uh milimte peuh bia-in nong hehsak kei uh leh, note bangmah kong cih kei ding hi,’ ci-in hong gen uh hi.

Jeremiah 44:8

Note in si-in, leitunga minam dang khempeuhte in kihaamsiatna-a hong zat ding uh leh a hong simmawh nadingun bang hangin na khut uh tawh milim bawl-in na teen’ nadingun na zuat uh Izipt gamah pasian dangte’ kiangah paknamtui hal-in kei hong hehsak na hi uh hiam?