Jeremiah 32:25 - Tedim Bible

²⁵ Ahih hangin Topa Pasian aw, hih khuapi Khaldea mite’ khut sung tung ding hi napi, nangmah in, “A hong theihpih ding mi sam in la,tua lo lei in,” ci-in nong sawl teitei hi,’ ci-in thu ka ngen hi,” a ci hi.

Tedim Bible Revision 2017

²⁵ Ahih hangin Topa Pasian aw, hih khuapi Khaldea miteʼ khut sung a tung ding hi napi, nangmah in, “A hong theih pih ding mi sam inla, tua lo lei in,” ci-in nong sawl teitei hi,’ ci-in thu ka ngen hi,” a ci hi.

Jeremiah 32:25 Referans Kwoze

Jeremiah 32:24

En in, khuapi lak nadingin kan a to khin zo uh hi. Namsau tawh kithahna hang, kialpi hang leh pulnatna hangin a sim Khaldea mite’ khut sungah khuapi a kipia ding hi. Na gensa bangin hong tun’ loh phamawh ahih manin en in, nangmah in na mu ta hi.

Johan 13:7

Zeisu in, “Tu lai taka ka bawlna thu na thei kei hi. Tu nung ciangin na thei ding hi,” a ci hi.

Late 97:2

Meiipite leh khuamial sahpite ama kiim-ah om a, thumanna leh thutan’nate in ama tokhom’ bulpi ahi hi.

Late 77:19

Nangma lamlian in tuipi tung hi a, nangma lamneu in tui liante tung ahi hi; ahi zongin na khekhapte kimu lo hi.

Jeremiah 32:8

Tua ciangin Topa’ hong cihna mah bangin thong sungah ka inn lak sanggampa hong pai takpi-a hong hopihin, ‘Benjamin gam Anathoth khua-a ka lo hong lei in. Bang hang hiam cih leh, i ngeina bangin a nei ding leh a tankhia ding nangmah na hi hi. Nang’ adingin lei in,’ hong ci hi. Tua ciangin keimah in Topa’ hong hopihna taktak hi, ci-in ka thei hi.

Jeremiah 32:26

Topa in Jeremiah hopih a,

Jeremiah 32:43

Nangmah in hih gam in mihing leh ganhing’ teen’ lohna gam simtham hi a, Khaldea mite’ khut sungah kipia ding hi, ci-a na gen hangin hih gamah lo kilei kik ding hi.

Jeremiah 24:10

Namsau tawh kithahna, kialpi leh pulnatnate ka tungsak ding a, amaute leh a pu a pate’ kianga ka piaksa gam sungah khat beek ka nungta sak nawn kei ding hi.

Jeremiah 32:15

Bang hang hiam cih leh a vanglian Topa, Israel mite’ Pasian in a hong gen-inah: Hih gamah innte, lote leh leenggah lote mite in a lei kik ta ding hi, hong ci hi,” ci-in ka gen hi.

Jeremiah 34:17

Tua ahih manin Topa in kong cih-inah “Mi khempeuh in na sanggam na mipihte uh khahkhia loin suahtakna pia lo-a ka thu hong mang lo na hih uh leh en un, Topa in kong cih-inah, note kong khahkhia-a, suahtakna kong pia ta hi. Namsau tawh kithahna, pulnatna leh kialpite tawh na sih nadingun note kong khah khia a, kong suaktasak hi. Leitung gam khempeuhte’ hong lipkhap dingin kong bawl ding hi.