Jeremiah 32:24 - Tedim Bible

²⁴ En in, khuapi lak nadingin kan a to khin zo uh hi. Namsau tawh kithahna hang, kialpi hang leh pulnatna hangin a sim Khaldea mite’ khut sungah khuapi a kipia ding hi. Na gensa bangin hong tun’ loh phamawh ahih manin en in, nangmah in na mu ta hi.

Tedim Bible Revision 2017

²⁴ “‘En in, khuapi lak nadingin kan a to khinzo uh hi. Namsau tawh kithahna hang, kialpi hang le pulnatna hangin amaute a sim Khaldea miteʼ khut sungah khuapi a kipia ding hi. Nong gen sa bangin hong tun loh phamawh ahih manin en in, nangʼ na mu ta hi.

Jeremiah 32:24 Referans Kwoze

Jeremiah 33:4

Bang hang hiam cih leh galte’ kan tawhna leh namsaute do nadingin kizanga a kisusia gawp ding hih khuapi sunga innte leh Judah kumpite’ innte tawh kisai-in, Topa, Israel mite’ Pasian in kong cih-inah:

Jeremiah 32:36

“Jeremiah aw, nangmah in hih khuapi, namsau tawh thahna, kial leh pulnatna tawh Babilon kumpipa’ khut sungah kipia ding hi, na ci hi. Tu-in tua bang na cihna hih khuapi tawh kisai-in Topa, Israel mite’ Pasian in kong gen-inah:

Thu-hilhkikna 4:26

Jordan gal khat luah dingin na paina leitang uhah na siat maimang baih nadingun note langkhatah teci pang dingin tu ni-in van leh lei ka sam hi; tua leitang tungah note sauvei na hing kei ding uh a, na sia maimang ding uh hi.

Zekhariah 1:6

Ahi zongin ka nasem ahi kamsangte’ tung tawnin ka hilhkholhna leh ka thupiaknate in note dongin hong su kha lo ding sa na hi uh hiam? Tua ahih ciangin a tawpna-ah amaute kisik uh a, hih dinga ka lungsimah ka geelsa bangin amau’ gamtatna tawh kizui-in daan ka piakna thu phawk uh hi,’ ci in,” a ci hi.

Ezekiel 21:22

Jerusalem ah a pai ding ai a phatna a lak a thaltangte a taklam khutah tawi hi. Tua ai in Jerusalem ah a pai nading, gal nan’ nading phung a cian’ nading galsim nadingin a kiko nading, kulhpite satkham nading molhtumte a bawl nading, kidal nading phung bawlin dumte a tawh nading gen hi.

Ezekiel 14:21

“Topa Pasian’ thugen in hih bang ahi hi. Mihing ganhing a sumai dingin daan nasia pen li ahi gal, kialpi, a kihtakhuai gamsate, leh natna, Jerusalem ah ka tungsak ding hi.

Jeremiah 32:3

Bang hang hiam cih leh Judah kumpipa Zedekiah in ama’ kiangah, “Bang hangin nangmah in thu genkhol a, ‘Topa in a cih-inah: En un, hih khuapi Babilon kumpipa’ khut sungah ka pia ding a, amah in a la ding hi.

Mattiu 24:35

Van leh lei a mangthang ding hi; ka thu ahih leh a mangthang ngei kei ding hi.”

Jeremiah 52:6

A kha lina, a ni kua ni ciangin khuapi sungah kial nasia lua ahih manin, mite in an nek ding nei nawn lo uh hi.

Jeremiah 32:25

Ahih hangin Topa Pasian aw, hih khuapi Khaldea mite’ khut sung tung ding hi napi, nangmah in, “A hong theihpih ding mi sam in la,tua lo lei in,” ci-in nong sawl teitei hi,’ ci-in thu ka ngen hi,” a ci hi.

Jeremiah 24:10

Namsau tawh kithahna, kialpi leh pulnatnate ka tungsak ding a, amaute leh a pu a pate’ kianga ka piaksa gam sungah khat beek ka nungta sak nawn kei ding hi.

Jeremiah 16:4

Natna lian tawh si ding uh a, kuamah in kah loin kuamah in lah a vui kei ding uh hi. Lei laka ek kitha bang ahi lel ding uh hi. Namsau kial tawh a si ding uh a, a siluangte uh huih laka leeng vasate leh lei laka ganhingte in a ne ding uh hi.

2 SAMUEL NIHNA 20:15

Tua ciangin Joab tawh a om mi khempeuh hong pai-in Bethma-akah khua-a Abel-ah amah umcih uh hi; amaute in khuapi dona-in suangcianpi khat bawl uh a, kulhpi lang khatah ding uh hi; tua ciangin kulhpi a puk theih nadingin amaute in kulhpi nuai to uh hi.

Isaiah 37:33

“Tua ahih ciangin Assiria kumpipa tawh kisai-in Topa in hih bangin ci hi: Hih khuapi sungah amah hong pai loin, thaltang lawn lo ding a, lum tawh hong pai loin, galdo nading panmun hong bawl lo ding hi.

Jeremiah 6:6

Bang hang hiam cih leh a vanglian Topa in, “A singte phuksak un la, Jerusalem khua sim nadingin phungin ciang un. Hih khuapi daantah kul hi, bang hang hiam cih leh kinet niamna bekbek tawh a dim hi.

Jeremiah 20:5

Tua tham loin khuapi sunga hauhna khempeuh, a nasep sa uh khempeuh, a neih a lam thupi teng khempeuh leh Judah kumpite’ sum leh pai khempeuhte a galte’ khut sungah ka pia ding a, amau in sutin, manin, Babilon khua-ah a paipih ding uh hi.

Jeremiah 29:17

En un, amaute tungah namsau tawh kithahna, kialpi leh pulnatna ka tungsak ding a, amaute, a kine thei lo theigah muat ka bang sak ding hi.

Jeremiah 29:18

Amaute namsau, kialpi leh pulnatna tawh ka nung delh ding a, ka hawlkhiat nading mun khempeuh ah mite in kihaamsiatna-a a zat dingun simmawhna leh zahkonate ka thuaksak ding a, amaute’ thuakna hangin leitung gam khempeuh ka lausak ding hi.

Jeremiah 32:5

Amah in Babilon khua-ah Zedekiah a la ding a, ama tungah na ka sep mateng tua lai-ah a om ding hi. Khaldea mite na do uh hangin na zo kei ding uh hi, Topa in hong ci hi,’ ci-in bang hangin thu hilh na hi hiam?” ci-in thong sungah a khum ahi hi.

Jeremiah 32:28

Tua ahih manin, Topa in kong cih-inah: En in, hih khuapi Khaldea mite’ khut sung leh Babilon kumpipa Nebukhadnezzar’ khut sungah ka pia ding a, amah in a la ding hi.

Jeremiah 34:17

Tua ahih manin Topa in kong cih-inah “Mi khempeuh in na sanggam na mipihte uh khahkhia loin suahtakna pia lo-a ka thu hong mang lo na hih uh leh en un, Topa in kong cih-inah, note kong khahkhia-a, suahtakna kong pia ta hi. Namsau tawh kithahna, pulnatna leh kialpite tawh na sih nadingun note kong khah khia a, kong suaktasak hi. Leitung gam khempeuhte’ hong lipkhap dingin kong bawl ding hi.

Jeremiah 52:4

Tua ciangin amah kumpi a suah zawh a kum kua kum, a kha sawmna, a ni sawm ni-in Babilon kumpipa Nabukhadnezzar in a galkap khempeuh tawh Jerusalem khua sim dingin hong kuan uh a, khuapi kimkotah galdalna a phut uh hi.

Ezekiel 26:8

Gam sunga om khuapi-a teeng mite khempeuh gal kidona sungah si ding uh hi. Note hong do nadingun galte in dum toin, phung ciang-in a kidal nadingun kulh muanhuai bawl ding uh hi.

Habakkuk 1:10

Kumpite simmawh bawl uh a, uliante, nuihsan lel uh hi. Kulh muan’huaite zong nuihsan lel uh a, a kulh pua-ah lei sung vumin, tua tung tawnin khuapi la uh hi.

Ezekiel 4:2

Tua ciangin tua khuapi a kiumcihna na lah nadingin a kiim-ah dumte, phungte, galpan’na phualte leh kulh sukkhap nading molhtumte bawl in.

Ezekiel 21:27

Siacip! siacip! Hih khuapi ka siacimitsak ding a, a mel a mang zong kimu lo ding hi. A uk dingin a kilawm mipa hong om ciang bekin ama khut sungah ka pia ding hi.