Jeremiah 32:2 - Tedim Bible

² Tua hun laitakin Babilon kumpipa’ galkapte in Jerusalem khua a sim laitak hun hi a, kamsangpa Jeremiah zong Judah kumpipa’ inn huang sunga thong sungah a kikalhcip laitak ahi hi.

Tedim Bible Revision 2017

² Tua hun pen Babylon kumpipaʼ galkapte in Jerusalem khua a sim laitak hi a, kamsang pa Jeremiah zong Judah kumpipaʼ inn huang sunga thong sungah a kikhumcip laitak ahi hi.

Jeremiah 32:2 Referans Kwoze

Jeremiah 37:21

Tua ahih manin kumpipa Zedekiah in kumpi thonginn sungah a kiat zawk nading thu pia a, khua sunga anlum a bei matengin anlum sai panin ni simin anlum khat ta a piasak den hi. Tua ahih manin kumpipa’ thong sungah Jeremiah a om suak hi.

Nehemiah 3:25

leh kulh kiu ciang khawk khat sung puah hi. Uzai’ tapa Palal in a Kiu gal san teng leh kumpipa’ inn panin hong dawk khia, zum cingte’ omna ahi tausang tungnung teng puah hi.

Jeremiah 38:6

Tua ciangin amaute in Jeremiah a man uh a, thong huang sunga om kumpipa’ tapa Malkhiah’ tuikhuk sungah khau tawh a khiasuk uh hi. Tuikhuk sungah tui om loin buan bek om a, Jeremiah buan sungah a tum hi.

Jeremiah 33:1

Thong huang sungah Jeremiah a kikalhcip laitak mahin Topa in a nih veina hopih a:

Jeremiah 32:8

Tua ciangin Topa’ hong cihna mah bangin thong sungah ka inn lak sanggampa hong pai takpi-a hong hopihin, ‘Benjamin gam Anathoth khua-a ka lo hong lei in. Bang hang hiam cih leh, i ngeina bangin a nei ding leh a tankhia ding nangmah na hi hi. Nang’ adingin lei in,’ hong ci hi. Tua ciangin keimah in Topa’ hong hopihna taktak hi, ci-in ka thei hi.

Mattiu 5:12

Lungdamin na nuam un. Bang hang hiam na cih uh leh, Vantung Gamah a lian noptuamna na ngah ding uh hi. Note pian’ ma a piang kamsangte zong tua mah bangin a bawlsia uh hi.”

Jeremiah 36:5

Jeremiah in Baruk sawl a, “Topa’ biakinn ah pai dingin kei hong kiphal lo ahih manin

Jeremiah 32:3

Bang hang hiam cih leh Judah kumpipa Zedekiah in ama’ kiangah, “Bang hangin nangmah in thu genkhol a, ‘Topa in a cih-inah: En un, hih khuapi Babilon kumpipa’ khut sungah ka pia ding a, amah in a la ding hi.

Late 88:8

Ka kikholhpihte in kei hong pelh dingin nong bawl khin a, amaute tungah a cikziat huai khatin kei nong bawl hi. Ka suahtak khiat theih loh nadingin kei hong kikhumcip hi;

Jeremiah 34:1

Babilon kumpipa Nebukhadnezzar in a galkapte khempeuh tawh, a ukna gam khempeuh leh a mi khempeuh tawh Jerusalem khua leh a kim-a khuapite a sim laitakin Topa in Jeremiah hopih a:

Jeremiah 37:4

Hih hunin Jeremiah thongkia nai lo ahih manin mi lakah a vak kawikawi hi.

Jeremiah 38:13

Tua ciangin amaute in tuikhuk sung panin khau tawh Jeremiah a kai khiato uh hi. Jeremiah zong thong huang sung mahah a om lai hi.

2 KUMPI NIHNATE 25:1

Tua ahih manin ama uk a kum kua-na, tua kum a kha sawmna, tua kha a ni sawm ni-in Babilon kumpipa Nebukhadnezzar a galkap khempeuh tawh Jerusalem a sim dingin hong pai-in tua khua umcih uh hi; tua ciangin amaute in a kimkotah umcih nading panmun bawl uh hi.

Jeremiah 37:15

Kumpi uliante zong Jeremiah tungah heh mahmah uh a, a sat khit uh ciangin thong ding a, a kizang sa, kumpi thuvanpipa Jonathan’ innah thong a kia sak uh hi.