Jeremiah 32:18 - Tedim Bible

¹⁸ Nangmah in mi tul tampite’ tungah a kikhel ngeilo itna na lak a, ahih hangin pate’ mawhnate tate’ tungah na thuk hi. A vanglian Topa a kici a lian mahmah a hat mahmah Pasian aw,

Tedim Bible Revision 2017

¹⁸ Nangmah in a kikheel ngei lo itna mi tul tampiteʼ tungah na lak a, ahih hangin pateʼ mawhnate tateʼ tungah na thuk hi. Vanglian Topa a kici a lian mahmah, a hat mahmah Pasian aw,

Jeremiah 32:18 Referans Kwoze

Jeremiah 10:16

Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, Ama’ min in a vanglian Topa ahi hi.

Paikhiatna 34:7

mi tul tampite adingin itna kip a nei, mawhna, thupalsatna leh khialhna maisakin, ahih hangin bang bang hita leh mawhna a siangsak ngei lo, pate’ mawhna tate tung leh tute tung, khang thum, khang lina dongin a thukpa,” ci-in pulak hi.

Mattiu 27:25

Mi khempeuh in, “Ama si in ko tung leh ka tu ka tate tungah om tawntung ta hen,” a ci uh hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Isaiah 10:21

Jakob’ innkuan a om laite, a vanglian Pasian kiangah ciahkik ding hi.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Thu-hilhkikna 10:17

Bang hang hiam cih leh Topa na Pasian un a lian, a vanglian a kihtak huai Pasian, angvan nei loin, sumgolh a la lo, pasiante’ Pasian, topate’ Topa ahi hi.

Gamlak-vakna 14:18

Tu-in, nang tungah hong thuum ing, nangmah in thuciamin, ‘Topa heh hak a, a itna kip lianin, mawhna leh thu palsatna maisak a, ahih hangin a mawhte siangsak ngei loin, pate’ mawhna tate tungah, khang thum khang lina dongin thuk hi,’ na cih mah bangin Topa’ vangliatna liansak in.

Habakkuk 1:12

Topa aw, a cil pek-a kipan a tawntungin Pasian na hi a, nang in tawntung keima Pasian, a Siangtho Pa na hi hi. Topa aw, kote daantat dingin amaute na seh hi bek a, ka belh Suangpi aw, kote nong thuhilhna ding bekin amaute vang a pia pak bek na hi hi.

Nehemiah 1:5

Ka thungetna-ah, “Aw vantung Pasian, Topa, nang hong itin na thupiakna a zuite tungah na thuciamna lim takin a zui, a lian a kihtak-huai Pasian aw,

2 KUMPI NIHNATE 9:26

‘Zan ni-in Naboth leh a tapate a kithahna ka muh taktak mah bangin—Topa in ci hi—leitang tung hih munah nang kong thuk ding hi,’ a ci hi. Tua ahih ciangin tu-in Topa’ thugen bangin amah tawmin tua mun leitang tungah paai in,” a ci hi.

Jeremiah 31:35

Topa in sun-a khuavak dingin ni hong pia a, zan-a khuavak dingin a kikhel ngei lo kha leh aksite hong pia hi. Tuipi a lawh ciangin tuihualte ging zuazua a, ama’ min in Vanglian Topa kici hi.

Late 50:1

Vanglianpa, Topa ahi Pasian, hong pau a, nisuahna leh nitumna kikal leitung khempeuh a khawm hi.

Thu-hilhkikna 7:21

Note in amaute na kihta kei ding uh hi; bang hang hiam cih leh a lian a kihtakhuai ahi Pasian, Topa na Pasian uh note tawh a om hi.

Piancilna 49:24

ahih hangin ama' thal liing loin om a, a khutte kizaptel sak hi, Jakob’ Vanglian Pa’ khut (Israel Suangpi, Tuucingpa’ min),

Luka 6:38

Midangte na piak uh leh, note hong kipia ding hi. Seeng a, teh hoih bek tham lo, a kinengcip, a kilok a kitat a dimlet a, om na ang sung uh ah hong kisung ding hi. Bang hang hiam na cih uh leh, midangte na piakna uh seengin, note zong hong kipia kik ding hi,” a ci hi.

Paikhiatna 34:6

Ama' mai-ah Topa pai-in, “Topa, Topa, hehpihna nei-in a dik Pasian, lungduai-in itna kip leh thutakna tawh a dim,

Jeremiah 10:6

Topa aw, nang bang mi kuamah om lo hi; nang na lian a, na min vanglian mahmah hi.

Jeremiah 20:11

Ahih hangin Topa in a kihtak huai gal hangpa bangin, kei tawh hong omkhawm gige hi. Tua ahih manin kei hong bawlsiate a tuk ding uh a, kei hong zo lo ding uh hi. A tawntunga a mindaina uh kimangngilh ding hi.

Jeremiah 50:34

Ahih hangin amaute a Tankhiapa hat a, a vanglian Topa kici hi. Amah in leitungah kilemna a om nading leh Babilon mite in gimna a ngah nadingin, amaute adingin a sem ding hi.

Daniel 2:45

Kuama lawn’ loh a, mualtung pan hong tuksuk suangtum in sik, sumngo, tungman, ngun leh kham tawh kibawl milim a den paih na mu hi. A lian Pasian in mai lamah bang hong piang ding cih Kumpipa a hong hilh hi. Na mangmat pen ahi bang tektekin kong gen a, a khiatna zong a maan bangin kong gen zo hi,” a ci hi.

Late 89:9

Nangmah in tuipi khang na uk a, a tuihualte a saan’ ciangin na daisak hi.

Jeremiah 33:2

“Leitung bawla a kipsak Topa, a min Topa a kici Topa in kong gen-inah: