Jeremiah 32:15 - Tedim Bible

¹⁵ Bang hang hiam cih leh a vanglian Topa, Israel mite’ Pasian in a hong gen-inah: Hih gamah innte, lote leh leenggah lote mite in a lei kik ta ding hi, hong ci hi,” ci-in ka gen hi.

Tedim Bible Revision 2017

¹⁵ Bang hang hiam cih leh Vanglian Topa, Israel miteʼ Pasian in a hong genin ah: Hih gamah innte, lote le leenggah lote mite in a leikik ta ding uh hi,’ ci-in ka gen hi.

Jeremiah 32:15 Referans Kwoze

Zekhariah 3:10

Tua ni ciangin note khempeuh in leenggui leh theikungte hau-in nuam na sa ding uh a, na veengte ciat un hong nekpihin hong lungdampih nadingun na sam ding uh hi, Vanglianpen Topa in ci hi,” a ci hi.

Jeremiah 30:18

“Topa in kong cih-inah: En un, keimah in Jakob’ suante’ bukte ka lamkik ding a, a teen’nate uh ka hehpih ding hi. Khuapi zong a omna sa mualtung mah ah ki lamkik ding a, kumpipa’ inn zong a omna sa mah ah omkik ding hi.

Jeremiah 32:37

En in, Ka hehna, ka thangpaihna leh ka lungkimlohna lianpi tawh ka hawlkhiatna gam khempeuh panin amaute ka kaikhawm ding a, hih munah tun’pih kikin, lungmuang takin ka teengsak ding hi.

Jeremiah 31:24

Judah gam leh khuapite sungah lokhote leh tuucing a, vak kawikawi mite a teeng khawm ding uh hi.

Jeremiah 31:12

Amaute hong pai-in Zion mual tungah ngaihtakin la a sa ding uh a, Topa’ hehpihna ahi, buh, leenggah tui, sathau leh tuuno, bawngnote’ hangin amaute a lungdam mahmah ding uh hi. A nuntakna uh, tui kibuak huan bang ahi ding a, a lungkham ngei nawn kei ding uh hi.

Jeremiah 31:5

Samaria gam mualtung tengah leenggah na suan kik ding a, huan bawlte in suan-in a gah ne-in nuam a sa ding uh hi.

Isaiah 44:26

a nasempa’ thu kip sakin, a kamtaite’ thugente a tangtungsak; ‘Jerusalem khua-ah mi teengin, Judah khuapite kilamkik ding a,, a kisia khuate ka lamkik ding hi’;

Jeremiah 32:14

‘A vanglian Topa, Israel mite’ Pasian in a hong gen-inah: Hih gip a kikhen lai leh gip a kikhen lo lai tegel la in la, sia lo-a sau veipi a kikep thei nadingin leibel khat sungah koih in.

Ezekiel 28:26

Tua gam sungah lungmuang takin teeng ding uh a, amaute in inn lamin, leengguite suan ding uh hi. Israel mite a simmawh minam dangte daan ka pia ding a, Israel mite ahih leh lungmuang takin om hithiat ding uh hi. Tua ciangin keimah in Topa amau’ Pasian ka hihna thu thei ding uh hi,” hong ci hi.

Jeremiah 32:25

Ahih hangin Topa Pasian aw, hih khuapi Khaldea mite’ khut sung tung ding hi napi, nangmah in, “A hong theihpih ding mi sam in la,tua lo lei in,” ci-in nong sawl teitei hi,’ ci-in thu ka ngen hi,” a ci hi.