Jeremiah 32:1 - Tedim Bible

¹ Nebukhadnezzar kumpipa a maan’ zawh kum sawm leh kum giat a phak kumin, Judah gamah Zedekiah kumpi a suah zawh kum sawm pha ta a, tua kumin Topa in Jeremiah a hopih hi.

Tedim Bible Revision 2017

¹ Nebukhadnezzar kumpipa in a uk zawh kum sawm le kum giat a phak kumin, Judah gamah Zedekiah kumpi a suah zawh kum sawm pha ta a, tua kumin Topa in Jeremiah a hopih hi.

Jeremiah 32:1 Referans Kwoze

Jeremiah 25:1

Josiah’ tapa Jehoiakim, Judah gamah kumpi a suah zawh kumli a cin’ kumin Judah mite tawh kisai-in Topa in Jeremiah a hopih hi. (Hih hun in Babilon ah Nebukhadnezzar kumpi a suah kum ahi hi.)

2 KHANG TANGTHU NIHNATE 36:11

Zedekiah in uk ding a kipatin kum sawmnih-le-khat pha a, amah in Jerusalem ah kum sawm-le-khat sung uk hi.

Jeremiah 21:1

Zedekiah kumpipa in Malkhiah’ tapa Pashhur leh Ma-aseiah’ tapa Zefaniah-te Jeremiah kiangah a sawl-a,

Jeremiah 27:1

Josiah’ tapa Zedekiah, Judah gamah kumpi a suah tungin Topa in Jeremiah hong hopih hi.

Jeremiah 34:1

Babilon kumpipa Nebukhadnezzar in a galkapte khempeuh tawh, a ukna gam khempeuh leh a mi khempeuh tawh Jerusalem khua leh a kim-a khuapite a sim laitakin Topa in Jeremiah hopih a:

Jeremiah 52:29

a kum sawm leh giat kumin Jerusalem khua panin Nubukhadnezzar in mi zagiat sawmthum-nih sal dingin a paipih a;