Jeremiah 31:4 - Tedim Bible

⁴ Aw, nungak siangtho ahi Israel aw, nang kong bawl pha kik ding hi. Na khuangte na man kik ding a, a gual nuamte’ laamna-ah na va kihel ding hi.

Tedim Bible Revision 2017

⁴ Aw, nungak siangtho Israel aw, nang kong bawl phakik ding hi. Na khuangte na mankik dinga, a gualnuamteʼ lamna ah na va kihel ding hi.

Jeremiah 31:4 Referans Kwoze

Jeremiah 33:7

Judah mite leh Israel mite ka hausak kik ding a, nidang-a a om ngei bangun ka om sak kik ding hi.

Jeremiah 31:13

Tua ciangin nungakte laam-in a lungdam ding uh a, tangvalte leh papite zong a nuam ding uh hi. Amaute’ kahnate lungdamna ka suaksak ding a, hehpihin a dahnate uh kipahna ka suaksak ding hi.

Amos 5:2

Israel puk khin a, thokik ngei nawn lo ding hi. Lei lakah lum dildel a, a phongto ding kuamah om lo hi.

Sawltak 15:16

Tua thu in: ‘Kei min tawh kiphuak Gentailte leh A om lai mite in Topa a zon’ na’ngin, A nung ciangin ka hong paikik ding a, A kipuksa David’ buk ka lamkik ding hi.

Late 149:3

Laamna tawh ama min phat un la, khuang leh laiza lasakna tawh ama tungah langaih sa un!

Luka 15:23

Khedap zong bulhsak un. Bawngno a thau hong paipihin go un la, an ne-in nuamsa ni.

Kah la 2:13

Ka it Jerusalem khuapi aw, bang ci ding ka hi hiam? Bang hong ci hehnep thei ding ka hi hiam? Nang thuak banga thuak kuamah a om kei hi. Na tuahsiatna in tuipi cia pha a, a lamet huai bangmah a om nawn kei hi.

2 KUMPI NIHNATE 19:21

Hih in amah tawh kisai-in Topa’ gensa thu ahi hi: “Zion khua pi in nang hong simmawh a, nang hong nuihsan hi; Jerusalem khuapi in na nungah a lu hong peisan hi,

Kah la 1:15

Topa in ka galkap thahatpente nuihsan lel a, Amah in kei do ding leh ka khangnote susia dingin, galkap honpi a hong kuansak hi. Amah in ka mi thahatpente lenggah gawi zan bangin a hong gawizan sak hi.

Jeremiah 31:21

“Lampi-ah ciamtehna bawl un la, lam lahnate phut un. Na paikhiatna uh lampi mah limtakin hong zong kik un. Hong kilehkik un, nungak siangtho tawh a kibang Israel mite aw, na khuapi uh hong zuankik un.

Jeremiah 18:13

“Tua ahih manin Topa in kong cih-inah: Minam dangte lakah, hih bang thu a kiza ngei hiam, dong dih un. Ka mituam Israel in a mulkimhuai na khat a hih zo hi.

Jeremiah 1:10

Gam khempeuh leh kumpi khempeuhte’ tungah a botkhia ding leh a phelkhia dingin ahi zongin, a susia ding leh a suankhia dingin ahi zongin, a lam ding leh a phut dingin ahi zongin, tu ni-in za, nang kong pia zo hi,” hong ci hi.

Late 69:35

Bang hang hiam cih leh Pasian in Zion hon-in Judah khuapite lamkik ding a, ama nasemte tua lai-ah teengin tang pah ding uh hi;

Late 51:18

Na lungkimna pha tawh Zion tungah a pha bawl in; Jerusalem kulhpite ciang kik in,

Thukhente 11:34

Tua ciangin Mizpah-a ama inn-ah Jefthah hong ciah hi; en in, amah dawn dingin a tanu khuangneute tawh lamsa-in hong paikhia hi; tua nu in ama ta khat neihsun ahi hi; amah simloh tapa ahi a, tanu ahi zongin nei lo hi.

Amos 9:11

Tua ni ciangin inn tawh kibangin a siasa David innkuan, keimah in ka puahkik ding a, a vang teng hu-in, a sia teng ka puahkik ding a, nidanga a ngeina lui mah uh ka bangsak kik ding hi.

Jeremiah 14:17

“Jeremiah aw, amaute’ kiangah hih bangin va ci in: ‘Sun-le-zanin ka khitui luangluang hen la, kang ngei kei ta hen; bang hang hiam cih leh ka mite in nakpi-in liamna a thuak uh a, nakpi takin a kisat hi.

Isaiah 37:22

amah tawh kisai-in Topa’ thugen in hih ahi hi: ‘Sennakherib aw, Zion tanungak siangtho in nang hong simmawh in hong zahko uh hi; Jerusalem mite in na nungah a lu hong peisan lel uh hi.

Late 30:11

Topa ka Pasian aw, nangma tungah lungdamna kong koh tawntung theih nading, ka lungsim in nang hong phat theih nading, a dai om mawk loh nadingin, ka thuumna ka taunate lamna tawh nong heisak a, dahna lim ahi ka puanhampi hong suahsakin nuamna nong guan hi.

Isaiah 30:32

Topa in amaute daan pia-in ciang tawh a satna a gingte tawh kituakin khuang leh laiza lasaknate tumin na gingsak ding uh hi. Amah in a khut viik-in amaute do ding hi.

Jeremiah 24:6

Amaute lim takin ka kem ding a, hih gamah ka lakik ding hi. Amaute ka khangto sak ding a, ka susia kei ding hi; ka suan ding a, ka botkhia kei ding hi.

Jeremiah 31:38

“En un, Topa in kong cih-inah, nisuahna lam Hananel Tau sangpi panin nitumna lam khua kulh Kiu Kongpi dongin khuapi a kibawl phat hun hong tung ding hi.

Jeremiah 46:11

Gilead gamah pai un la, damna zatui va la un, Izipt-te’ nungakte aw! Zatui tampi na zat khit uh hangin, damna na ngah kei uh hi.

Isaiah 14:1

Topa in Jakob hehpihin Israel teel kik ding a, amaute pen a gam uhah koih kik ding hi, khual mite in amaute pawlin Jakob innkuan beel ding uh hi.