Jeremiah 31:2 - Tedim Bible

² Topa in hong gen-inah: “Namsau tawh thahna a thuak kha lote in, gamlakah hehpihna a mu ding uh hi. Israel mite in tawldam nading a zon’ laitakun,

Tedim Bible Revision 2017

² Topa in hong genin ah: “Namsau tawh thahna a thuak lote in gamlak ah hehpihna a mu ding uh hi. Israel mite in tawldamna ding a zon laitakun,

Jeremiah 31:2 Referans Kwoze

Late 95:11

Tua ahih ciangin ka nopsakna mun-ah amaute a lut lo dingin sinso kawmin ka kiciam hi.

Gamlak-vakna 10:33

Tua ahih ciangin Topa’ mual panin ni thum lam a pai uh hi; a tawlngak nading mun uh a zon’sak dingin Topa’ thuciamna singkuang in amau mai ni thum lam na pai khol hi.

Mattiu 11:28

Van gik pua a, a gim mi khempeuhte aw, ka kiangah hong pai ta un. Tawldamna ka hong pia ding hi.

Thu-hilhkikna 1:33

Ahi zongin hih bang thu om hi napi-in, note in na puanbuk lamna mun ding uh hong lak ding leh na pai nading lampi uh hong lak dingin zan-in mei, sun-in meii tawh note mai lampi-ah a pai Topa na Pasian uh na um kei uh hi.

Jeremiah 2:2

“Pai in la, Jerusalem khua’ zak dingin va tangko in: Topa in hong cih-inah, Na khangno lai-a nong kipiakna, na mothak lai-a nong itna, a kikho nai lo gamlak-a kei’ nung nong zuih hun lai ka phawk hi.

Late 78:52

Tua ciangin amah in tuu bangin ama mite paikhiatpih a, gam lakah ganhon bangin amaute lam lak hi.

Thu-hilhkikna 12:9

bang hang hiam cih leh Topa na Pasian un note hong piak tawlngakna leh luahna ah na tung nai kei uh hi.

Thu-hilhkikna 8:16

a tawpna ah a hoih-in na gamtat theih nading uh deihna-in note hong niamkhiatin hong ze-et theih nadingin na pu na pate un a theih loh manna tawh gamlakah hong vaak ahi Topa na Pasian uh na mangngilh kha ding uh hi.

Thu-hilhkikna 2:7

Bang hang hiam cih leh khut tawh na sepna khempeuh uhah Topa na Pasian un note thupha hong pia hi; hih a zai gamlakah na paina uh amah in hong thei hi; hih kum sawmli sung Topa na Pasian uh no tawh hong om hi; bangmah na kisam kei uh hi, ci-in gen in,’ hong ci hi.

Thu-hilhkikna 1:30

-

Gamlak-vakna 14:20

Tua ciangin Topa in, “Nangma gen bangin ka maisak hi;

Paikhiatna 33:14

Amah in, “Nang tawh kong pai ding a, lungsim tawlngakna hun nang kong pia ding hi,” a ci hi.

Paikhiatna 1:22

Tua ciangin Faro in ama' mihing khempeuh thupia a, “Hebru mite sung panin tapa a suak khempeuh Nail gun sungah na khia ding uh a, ahih hangin tanu khempeuh na nungtasak ding uh hi,” ci hi.

Paikhiatna 1:16

“Hebru numeite nau domin, nausuahna tutphah tungah a tu na muh uh ciangun, tapa ahih leh a naungek na that ding uh hi; ahih hangin tanu ahih leh na nungtasak ding uh hi,” ci hi.

Paikhiatna 12:37

Israel mite numei leh naupang kisim loin pasal tul za guk Rameses panin Sukkoth-ah khe-in pai uh hi.

Paikhiatna 5:21

amaute in, “Topa in note hong enin thu hong khen hen, bang hang hiam cih leh Faro leh a nasemte’ muhna-ah kote a khial nong suaksak uh a, kote thah nadingin amau' khut sungah namsau khat na koih uh hi,” amaute tungah ci uh hi.

Paikhiatna 2:23

Tua ni tampi hun sung kikalin Izipt kumpipa si hi. Israel mite a salsuahna sung uh-ah thumin, huhna ngenin kiko khia uh a, a salsuahna sung uh-ah amau’ kikona Pasian' kiang tung hi.

Joshua 1:13

“Topa’ nasem Moses in note thu hong piakna kammal, ‘Topa na Pasian un note tawlngakna mun hong pia-in, hih leitang note hong pia ding hi,’ a cihna thu phawk un.

Hosea 11:4

Amaute, itna leh hehpihna tawh ka len a, dom toin ka biang ciangah ka tawi a, awn sukin an ka pia hi.

Ezekiel 20:35

Note pen minam tuamtuamte’ gamah kong paipih ding a, tua munah maitang kituahin note tungah thu kong khen ding hi.