Jeremiah 30:5 - Tedim Bible

⁵ “Topa in kong cih-inah: Launa leh patauhna aw ka za a, lungnopna aw ka za kei hi.

Tedim Bible Revision 2017

⁵ “Topa in kong cih in ah: Launa le patauhna aw ka za a, lungnopna aw ka za kei hi.

Jeremiah 30:5 Referans Kwoze

Amos 8:10

Na lungdam pawite uh dahna ka suaksak ding a, na lasaknate uh kahna awging ka suaksak ding hi. Dahna limin puanhampi na silh ding uh a, na sam uh zong na mettol ding uh hi. A tapa khat neihsun a sihsuah nupa na bang ding uh hi. Tua hun in a tawp dongin nasia semsem ding hi.

Isaiah 5:30

Tua ni ciangin amaute in tuipi ging bangin Israel tungah ngik ding uh hi. Mi khatpeuh in leitang en leh, khuamialna leh lungzin’na bek om hi; meiite in khua mialsak hi.

Jeremiah 46:5

A bangci mawk a hia? Amaute lungmangin lah a nungkik ta uh-a! A galkapte uh kileh hawl a, lau-in taikek mang mawk uh hi. Kinunglehhei kik lo uh hi, mun khempeuh ah launa vive! Topa in a ci hi.

Jeremiah 25:36

Ngai dih un, makaite’ kahna aw leh uliante’ tauna aw kiza hi! Bang hang hiam cih leh Topa in a gam uh suksiat sak hi.

Jeremiah 9:19

Bang hang hiam cih leh Zion khua pan-a kiza kahna aw ging in, ‘I kisia khin zo hi! I zumhuai mahmah khin zo hi; bang hang hiam cih leh amau in i innte hong suksiat sak uh ahih manin, i gam i nusia ding hi,’ ci-in a gen hi,” a ci hi.

Jeremiah 8:19

Ngai un, gamsung mun khempeuh panin ka mite’ tanute kap uh hi: “Zion khua-ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawng kik a, “Bang hangin a milim bawl tawmte uh leh a gamdang milimte uh tawh kei hong hehsak uh ahi hiam?” a ci hi.

Isaiah 59:11

Eite khempeuh vom bangin i humham a, vakhu bangin i thuumthuum hi; eite in thutang i zong a, ahih hangin khat zong i mu kei hi; hong hotkhiat ding i ngen a, ahih hangin bangmah hong piang lo hi.

Jeremiah 8:16

Leilu lam Dan khua pek panin galte’ sakol nak ging kiza hi; a sakol hatte’ hamna awging in gam teng lei teng liingsak hi. Amau in i gam leh a sunga om teng tawh khuapi leh a sung-a teeng teng tawh a hong susia khin ding uh hi,’ a ci ding uh hi.

Jeremiah 12:12

Sehnel gam mualsang panin a susia dingte hong pai zo uh hi. Gam mong khat panin gammong khat dongah a lungmuang kuamah om lo hi. Bang hang hiam cih leh Topa’ namsau in mi khempeuh a vattuk hi.

Jeremiah 30:4

Israel leh Judah mite tawh kisai-in Topa in hih bangin a gen hi:

Jeremiah 6:22

Topa in, “En un, leilu lam gam panin mi hong pai uh a, leimong gamlapen panin gam lian khat galsim dingin kithawithawi hi.

Jeremiah 6:26

Ka tanu aw, ippi puan silh in la, vut lakah kikhuk in. Tapa khat neihsun sih suah bangin kap vangvang in, bang hang hiam cih leh a hong susia dingpa thakhat thu-in hong pai ding hi.

Habakkuk 1:6

A om khong thei lo, a kihtak-huai, Khaldea mite ka vang liansak ding a, leitung khempeuh ah amaute pai-in, gam khempeuh zo mang khin ding uh hi.

Habakkuk 1:10

Kumpite simmawh bawl uh a, uliante, nuihsan lel uh hi. Kulh muan’huaite zong nuihsan lel uh a, a kulh pua-ah lei sung vumin, tua tung tawnin khuapi la uh hi.