Jeremiah 30:3 - Tedim Bible

³ Bang hang hiam cih leh Topa in kong cih-inah, Israel leh Judah ka mite, a saltan’na uh kong beisak kik ni a hong tung ding hi. A pute a pate-uh’ tunga ka piaksa gamah ka tun’pih kik ding a, amaute in tua gam a tang kik ding uh hi, Topa in kong ci hi,” a ci hi.

Tedim Bible Revision 2017

³ Bang hang hiam cih leh Topa in kong cih in ah, ka mi Israel le Judah-te a saltanna uh ka beisakkik ni a hong tung ding hi. A pu a pate uh tungah ka piak sa gamah ka tunpihkik dinga, amaute in tua gam a tangkik ding uh hi, Topa in kong ci hi,” hong ci hi.

Jeremiah 30:3 Referans Kwoze

Jeremiah 29:14

Topa in kong cih-inah, note in nong mu ding uh a, na saltan’na uh hong bei sakin, kong hawlkhiatna gam khempeuh leh mun khempeuh panin kong kaikhawm kik ding a, note kong lak khiatna gam mahah kong tun’pih kik ding hi, Topa in kong ci hi.

Jeremiah 16:15

Amaute in, ‘Leilu lam gam leh eite hong hawlkhiatna gam khempeuh pana Israel mite a hong lakhia Topa a nuntak bangin,’ a ci zaw ding uh hi. Bang hang hiam cih leh a pu a pate uh ka piaksa, amau’ neihsa gamah amaute ka lakik ding hi.

Ezekiel 20:42

Na pu na pate uh tungah piak dingin ka ciam Israel gam sungah note kong tun’pih ciangin Topa ka hihna thu na thei ding uh hi.

Jeremiah 30:18

“Topa in kong cih-inah: En un, keimah in Jakob’ suante’ bukte ka lamkik ding a, a teen’nate uh ka hehpih ding hi. Khuapi zong a omna sa mualtung mah ah ki lamkik ding a, kumpipa’ inn zong a omna sa mah ah omkik ding hi.

Zefaniah 3:20

Tua hun ciangin, a kithehthang na mite uh kong kaikhawm ding a, leitung mi khempeuh in note hong pahtawi-in hong phat ding uh hi. A tawpna-ah note na cithei kik ding uh hi,” Topa in ci hi, a ci hi.

Jeremiah 33:26

Jakob leh ka nasempa David’ suante ka nial ding a, Abraham, Isaak leh Jokob’ suante a uk dingin amaute’ lakah mi khat ka teel kei ding hi. Tu-in tua bang hi loin amaute ka hausak kik ding a, ka hehpih ding hi,” a ci hi.

Jeremiah 32:44

Benjamin gam, Jerusalem khua kimkot leh, Judah gam khuapite-a kipan mual tunga khuapite, Shefelah zanglei-a khuapite leh leitaw lam Negeb gama khuapite-ah sum tawh lo kilei ding a, a theihpih mite tawh thukimna min gelhin gip tawh a kikhen ding hi; bang hang hiam cih leh keimah in amaute a gam mah uhah ka om sak kik ding hi, Topa in kong ci hi,” a ci hi.

Hebru 8:8

Tua mite Pasian in mawhsak a, thu a piakna in: “Keimah in hih mi pawlte a pute a pate’ khut uh kai-in, Izipt gam pan ka paipih ni-in, amau ka piak thuciamna tawh a kilamdang, Thuciamna thak, Israel’ innkuante leh, Judah’ innkuanpihte tawh ka bawl ding hun hong tung ding hi. Bang hang hiam na cih uh leh, ka piak thuciamna-ah a kip kei uh hi. Keimah in zong a mau don loin ka om hi.

Joel 3:1

“Tua hun ciangin Judah leh Jerusalem, a nidang hun uh ka bangsak kik ding hi.

Ezekiel 36:24

Gam khempeuh leh minam khempeuhte lak panin note hong kaikhawm kikin na gam uhah kong tun’pih kik ding hi.

Late 53:6

Zion panin Israelte’ adingin hotkhiatna hong tung ta leh maw! Pasian in ama mite’ nopsakna a piak kik ciangin, Jakob nuamin Israel kipak ding hi.

Luka 21:6

Zeisu in, “Tua na muh uh nate ahih leh, a kiphelkhia lo ding suang khat tungah suang kiciang khat beek a om theih loh ding hun a hong tung ding hi,” a ci hi.

Luka 19:43

Bang hang hiam na cih leh, na galte in na kimkot ah kan bawlin hong uumcip a, mun khempeuh panin hong khakcip ding uh hi.

Luka 17:22

Zeisu in khatvei a nungzuite kiangah, “Note in Mihing Tapa’ hun leh nite khat na muh nop hun uh a hong tung ding hi; ahih hangin na mu kei ding uh hi.

Ezekiel 47:14

Hih gam amaute’ tanh dingin ka piak nading thu, na pu na pate uh tungah thupi takin ka kiciam khin zo hi. Tua ahih manin tu-in note lakah a kikim dimdiamin hawm un.

Jeremiah 32:37

En in, Ka hehna, ka thangpaihna leh ka lungkimlohna lianpi tawh ka hawlkhiatna gam khempeuh panin amaute ka kaikhawm ding a, hih munah tun’pih kikin, lungmuang takin ka teengsak ding hi.

Jeremiah 31:38

“En un, Topa in kong cih-inah, nisuahna lam Hananel Tau sangpi panin nitumna lam khua kulh Kiu Kongpi dongin khuapi a kibawl phat hun hong tung ding hi.

Jeremiah 31:31

“En un, Topa in kong cih-inah, Israel minamte leh Judah minamte tawh thuciamna thak khat ka bawl ni hun hong tung ding hi.

Jeremiah 31:27

“En un, Topa in kong cih-inah Israel gam leh Judah gam, mihing leh ganhing tawh ka dimsak hun hong tung ding hi.

Jeremiah 30:10

“Tua ahih manin Topa in kong cih-inah; Ka nasempa Jakob’ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong honkhia ding a, na suan na khakte-uh’ saltan’na panin kong honkhia ding hi. Jakob’ suante hong ciahkik ding uh a, nuam takin a teeng kik ding uh hi. Kuamah in amaute a lausak nawn kei ding hi.

Jeremiah 27:22

Tuate Babilon khua-ah kipuakhia ding a, ka kan mateng tua lai-ah a om suak ding hi. Tua khit ciangin tute ka la kik ding a, hih munah ka koih kik ding hi, Topa in kong ci hi,” ci-in ka gen hi.

Jeremiah 27:11

Ahih hangin Babilon kumpipa’ hakkol pua a, ama’ na a sem gam pen, lo kho-a a teen’ theih nadingin ama’ sung mahah ka omsak ding hi, ci-in Topa in hong gen hi,’ ci-in gen uh hen,” hong ci hi.

Jeremiah 23:5

“En un, Topa in kong cih-inah, keimah in David’ suan lak panin kumpi dingin a diktat Hiang khat ka khan’ khiatsak ni hong tung ding hi. Amah gam uk siam ding a, gam sungah thuman thutang tawh thu hong khen ding hi.

Ezra 3:12

Mi dang tampi in a aw neih zah-un lungdamin a kiko uh hangin a inn masa a mu ngeisa siampite leh Levi mite leh innkuan lutang, midang tampite in hih inn bulpi a kiphuh a muh uh ciangin kap-in thuum uh hi.

Ezra 3:8

Amaute, Jerusalem a, Pasian’ innah hong ciahkik uh a kum nihna, tua kum a kha nihna sungin Shealtiel’ tapa Zerubbabel leh Jozadak’ tapa Jeshua in nasep kipan uh a, ama Israel mipihte, siampite leh Levi mite leh salsuahna panin Jerusalem ah a hong ciahkik mite khempeuh in huh uh hi. Amaute in Levi mite kum sawmnih panin a tungsiah peuhmah Topa’ inn sungah biakna nasepte a vaan dingin seh uh hi.

Ezra 3:1

A kha sagihna hong cin’ ciangin Israel mite amau’ khuapi ciatah teeng khin uh ahih manin, khe khat khai bangin Jerusalem ah amaute hong kituah diam uh hi.

Thu-hilhkikna 30:3

Topa na Pasian un note na ngei uh hong bangsak kikin, note tungah hehpihna hong nei ding a, Topa na Pasian un note hong thehthangna minamte’ lak panin amah in note hong kaikhawm kik ding hi.

Jeremiah 31:23

A vanglian Topa, Israel mite’ Pasian in hong gen-inah: “Keimah in amaute a gam uhah ka omkik sak ciangin, Judah gam leh a khuapite uhah amaute in, ‘Thuman thutak teen’na mual siangtho aw, Topa in thupha hong pia ta hen,’ ci-in a genkik leuleu ding uh hi.

Thu-hilhkikna 30:5

note in na neih theih nadingun, na pu na pate uh neih leitangah Topa na Pasian un hong paipih ding hi; na pu na pate uh sangin a ci-thei zaw a tam zaw-in amah in note hong bawl ding hi.

Jeremiah 3:18

Tua hun ciangin Judah mite in Israel mite hong pawlpih ding uh a, leilu lam gam panin na pute na pate-uh’ luah dinga ka piak sa gamah hong paikhawm ding uh hi.

Jeremiah 29:10

“Topa in kong cih-inah: Babilon khua-ah kum sawmsagih na om khit uh ciangin, note kong kan kik ding a, kong kamciamna sa hong tangtung sakin, hih munah kong la kik ding hi.

Jeremiah 30:4

Israel leh Judah mite tawh kisai-in Topa in hih bangin a gen hi:

Jeremiah 31:16

Topa in hong cih-inah: “Kap nawn kei un la, na khitui uh nul un. Bang hang hiam cih leh Topa in kong cih-inah, na nasepna uh thaman na ngah ding uh hi. Amaute galte’ gam panin hong ciahkik ding uh hi.

Jeremiah 51:60

Jeremiah in Babilon khua tawh kisai-in Babilon khua-a a tung ding gimna khempeuh laibu khat sungah a gelh hi.

Late 126:4

Topa aw, lei keuna mun-ah guah in tui a puak bangin kote’ nopsaknate a ngei hong bangsak kik ta in!

Ezekiel 34:13

Gamdang panin amaute lakhia-in ka kaikhawm ding a, amaute’ leitangah ka tun’pih kik ding hi. Israel mual tungte, lui geite, leh mite’ ten’na mun khempeuh ah amaute ka gamta sak ding hi.

Zefaniah 2:7

Judah mi a om laite in na gamsung luah ding a, amaute in tuu cin’na-in hong nei-in, Ashkelon khua sunga innte sungah zanin lum ding uh hi. Topa ahi amaute’ Pasian in amaute ompih ding a, amaute, citheisak kik ding hi.