Jeremiah 30:23 - Tedim Bible

²³ En un, Topa’ huihpi nung! A hehna hong kinuai nainai-in hong paikhia ta a, mi gilopa’ lutang hong kiden’na ding hi.

Tedim Bible Revision 2017

²³ En un, Topaʼ huihpi nung! A hehna hong kinuai nainai-in hong paikhia ta a, migilo paʼ lutang hong kidenna ding hi.

Jeremiah 30:23 Referans Kwoze

Zekhariah 9:14

Ama mite tungah Topa kilang ding a, a thaltang lot khuaphia bang ding hi. Topa Pasian in peengkul tum ding a, leitaw lam pan-a hong nung huihpi tawh va kuankhia ding hi.

Jeremiah 25:32

“A vanglian Topa in a cih-inah: En un, gam khat panin gam khatah siatna a paipai hi. Leitung a gamlapen mun panin huihpi hong nung hi!

Paunak 1:27

Lungkhamna in huihpi’ nawk bangin note hong nawk gawpin, pingpei bangin note hong pei gawpin, lungkhamna leh sinkhamna na tuah uh ciangin kong don kei ding hi.

Late 58:9

Na beelte in lingkung kuang pen sa a sak ma-in, a hing a keu-in amah in tuate phiatkhia mang hen!

Kah la 1:12

A kim a pama pai mi khempeuh kiangah, “Hong en in, kei’ thuak zah a gimna a thuak, Topa in a heh lai taka a hong thuaksak gimna a thuak kei longal midang kuamah om lo hi” ci-in a kiko hi.

Jeremiah 4:11

Tua hun ciangin hih mite leh Jerusalem khuamite’ kiangah, “A sa mahmah huih sehnel gam a sang mun panin ka mite’ tungah hong nung ding a, tua huih pen an vaite zapsiang dinga a nung huih bang hi lo hi.