Jeremiah 30:22 - Tedim Bible

²² Tua ciangin note in ka mite na hi ding uh a, keimah in note’ Pasian ka hi ding hi,” a ci hi.

Tedim Bible Revision 2017

²² Tua ciangin note, ka mite na hi ding uh a, kei pen noteʼ Pasian ka hi ding hi,” a ci hi.

Jeremiah 30:22 Referans Kwoze

Mangmuhna 21:3

Kumpi tokhom sung pan zong, “En in, Pasian buk mite lakah om a, amah in amaute tawh a omkhawm ding hi. Amaute in zong Topa’ mipawlte suakin, Pasian mahmah in amaute tawh omkhawmin amaute Pasian ahi ding hi.

Zekhariah 13:9

Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

Ezekiel 36:28

Tua ciangin na pu na pate uh tungah ka piaksa gamah na teeng ding uh a, note in keima mi hi-in; kei in note’ Pasian ka hi ding hi.

Jeremiah 31:33

Ahih hangin Topa in kong cih-inah, tua hun hong tun’ ciangin Israel minamte tawh hih bangin thuciamna ka bawl ding hi: amaute sungah ka thukham ka koih ding a, amaute’ lungtang tungah ka gelh ding hi. Keimah in amaute’ Pasian ka hi ding a, amaute in keima’ mite ahi ding uh hi.

Jeremiah 24:7

Keimah Topa ka hih lam theihtheihna lungsim ka pia ding hi. Amaute in a lungsim khempeuh uh tawh kei kiangah hong kileh ding uh ahih manin amaute ka mi ahi ding uh a, keimah in amaute’ Pasian ka hi ding hi.

Jeremiah 31:1

“Topa in kong cih-inah, tua hun ciangin keimah in Israel mi khempeuhte’ Pasian ka hi ding a, amaute in ka mite ahi ding uh hi.”

Hebru 8:10

A nung ciangin Israel’ innkuanpihte tawh ka thuciamna in, keimah in ka thukhamte, Amaute lungsim sungah ka guang ding hi, a lungtang uhah ka gelh ding hi, amaute Pasian ka hi ding hi, amaute in ka mite ahi ding uh hi.

Hosea 2:23

Leitungah ka mite kipsakin a cithei-in ka bawl ding a, hehpih loh, a kici mite ka hehpih ding a, ka mi hi lo, a kici mite, ka mi na hi uh hi, ka ci ding a, amaute in, “Nang in kote’ Pasian na hi hi,” hong ci ding uh hi, Topa in a ci hi.

Ezekiel 37:27

Amaute tawh teeng khawmin, amaute’ Pasian ka hi ding a, amaute pen keima mite hi ding hi.

Jeremiah 32:38

Amaute ka mi ahi ding uh a, keimah in amaute’ Pasian ka hi ding hi.

Mattiu 22:32

‘Kei in Abraham’ Pasian, Isaak’ Pasian, Jakob’ Pasian ka hi hi,’ a cihna thu note in sim ngeilo na hi uh hiam? Pasian in a site’ Pasian hi lo, a nungtate’ Pasian ahi hi,” a ci hi.

Ezekiel 11:20

Tua ciangin amaute in ka thukhamte zui-in ka thupiak khempeuh citakin mang ding uh hi. Amaute in keima mi hi-in, keimah in amaute’ Pasian ka hi ding hi.

Solomon la 2:16

Ka ngaihno in keima aa hi; kei in ama aa hi’ng. Amah in unok paakte lakah a tuu cing a,

Paikhiatna 6:7

keima' mi dingin note kong la ding a, keimah in note’ Pasian ka hi ding hi; Izipt mite’ vangik nuai panin note a hong paikhiatpihpa, Topa na Pasian uh ka hihna note in na thei ding uh hi.

Jeremiah 11:4

Na pute na pate uh, sik haltuina meikhuk tawh a kiang Izipt gam pana ka lakkhiat ni-a ka thuciammna ahi hi. Tua ni-in, ka thu hong ngai a, kong thupiakna bangin na sep uh leh, note ka mi na hi ding uh a, keimah in note’ Pasian hi-in,

Zekhariah 8:8

Jerusalem khua sungah ka tun’pih kik ding hi. Amaute in keima mi hi-in, kei in amau’ Pasian ka hi ding a, amau tawh ka thuciamnate uh lim takin ka zui ding uh hi.