Jeremiah 30:2 - Tedim Bible

² “Topa, Israel mite’ Pasian in kong gen-inah: Kong gensa thute khempeuh laibu khat sungah khum in.

Tedim Bible Revision 2017

² “Topa, Israel miteʼ Pasian in kong genin ah: Kong gen sa thute khempeuh laibu khat sungah khum in.

Jeremiah 30:2 Referans Kwoze

Jeremiah 36:32

Tua ciangin Jeremiah in zong laizial dang khat la a, Neriah’ tapa thuvanpipa Baruk a pia hi. Amah in zong Judah kumpipa Jehoiakim in meikhuk sunga a khul tumsa laizial sunga thu kigelh khempeuh, Jeremiah’ sit bangbangin a gelh hi. Kammal kibang zong tampi a kibehlap hi.

Isaiah 30:8

Tu-in pai in la, hong tung lai ding hunte ah teci ahi ngitnget dingin amaute’ mai-ah suangpeek tungah gelh in la, laizial khat sungah at in.

Mangmuhna 1:19

Tua ahih ciangin na muhsa nate ahi zongin, tu-a om nate ahi zongin, nung ciangin a piang ding nate ahi zongin gelhin koih in.

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

2 PETER NIHNA 1:21

Bang hang hiam na cih uh leh, Pasian’ kamsangte’ thu in mi’ deih bangin hong tung ngei kei hi, Kha Siangtho hansuahna ngahin mite in Pasian kiang pan a gen sawn uh hi.

1 KORIN MASA 10:11

Tua thu khempeuh in limlahna ahih nadingin tuate tungah a na tung hi. Leitung khang a nunung bela piang eite hong kihilh nadingin a kigelh hi.

ROM (Romans) 15:4

Eite in Lai Siangtho pan i ngah thuakzawhna leh hehnepna hangah lawpna i neih nadingin, Lai Siangtho-ah nidang lai-a a kigelhsa thu in eite hong thu hilhna-in a kigelh hi.

Daniel 12:4

Tu-in Daniel aw, beina hun a tun’ mateng laibu khakcip in la, a tungah ciamtehna koih in. A kal lakah mi tampite’ pilna khangin, bang thu piang hiam cih thei tel nuamin kileh kawikawi ding uh hi,” hong ci hi.

Isaiah 8:1

Tua ciangin Topa in, “Suangpeek lianpi khat la in la, tua tungah mihingte’ theihkim lai tawh, ‘Mahershalalhasbaz’ ci in gelh in,” hong ci hi.

Thu-hilhkikna 31:19

Tua ahih ciangin hih la gelh in la, Israel mite hilh in; hih la in kei’ adingin Israel mite lang khatah teci ahih theih nadingin amaute tungah hih la hilh in.

Paikhiatna 17:14

Topa in Moses' kiangah, “Keimah in vantung nuai khempeuh panin Amalek mite a kiphawkna ka phiat siangtho nading thu phawk nadingin hih thu laibu sung khatah gelh in la, Joshua’ kiangah genkik in,” a ci hi.

Jeremiah 25:13

Tua gam kisiat na’ng a, ka gensa thute khempeuh hih laibu sungah kigelh a, Jeremiah in gam khempeuhte kiangah a gen hi. Tuate khempeuh ka tungsak ding hi.

Jeremiah 30:1

Topa in Jeremiah hopih a,

Jeremiah 36:28

“Laizial dang khat la in la, tua tungah, Judah kumpipa Jehoiakim in a haltum a masa laizial sunga thu om teng khempeuh gelhkik in.