Jeremiah 30:19 - Tedim Bible

¹⁹ Tuate sung panin lungdamna la kisa ding a, gualnopna aw kiza ding hi. Amaute ka pungsak ding a, tawmkha bek a hi kei ding uh hi. Amaute ka kipahtawi sak ding a, ka neusak kei ding hi.

Tedim Bible Revision 2017

¹⁹ Tuate sung panin lungdamna la kisa dinga, gualnopna aw kiza ding hi. Amaute ka pungsak dinga, tawm kha bek hi lo ding uh hi. Amaute ka kipahtawisak dinga, ka neusak kei ding hi.

Jeremiah 30:19 Referans Kwoze

Jeremiah 33:22

Vana aksite kisim zo loin, tuipi-a sehnelte a kiteh zawh loh bangin keimah in ka nasempa David’ suan-le-khakte ahi zongin, siampi Levi’ minamte ahi zongin ka pungsak den ding hi,” a ci hi.

Isaiah 51:11

Topa tatsa mi a kithehthangte hong ciahkik ding a, lasakna tawh Zion ah hong pai ding uh hi; amaute, lungdam tawntung ding uh a, amaute in lungdamna leh kipakna ngahin dahna leh khuisatna nei nawn lo ding uh hi.

Isaiah 60:22

A ngek pen mipa in minam khat suak ding a, a neu pente in minam lianpi suak ding hi; keimah in Topa ka hi hi; a hun ciangin keimah in thakhatin hih thu ka tungsak ding hi.

Isaiah 35:10

Topa’ tatkhiatsa mite hong ciah kikin, lungdam tawntungna mai pua-in lasa kawmin Jerusalem hong tung ding uh hi; amaute in lungdamna leh kipahna ngah ding uh a, dahna leh khuisatna om nawn lo ding hi.

Ezekiel 36:37

“Tu-a teng bek hi loin a dang zong ka hih lai ding hi. Keima tung pan Israel mite huhna ka ngensak ding a, tuuhonpi bangin Israel mite ka tamsak ding hi.

Zekhariah 10:8

Amaute samin, ka kaikhawm ding a, amaute honkhia-in, ni danga zahin mi tampi ka phasak ding hi.

Jeremiah 31:4

Aw, nungak siangtho ahi Israel aw, nang kong bawl pha kik ding hi. Na khuangte na man kik ding a, a gual nuamte’ laamna-ah na va kihel ding hi.

Zekhariah 12:8

Tua ni ciangin Jerusalem-a teeng mite, Topa in hu ding a, a gina lo pente nangawn, David zahin thahat ding hi. David’ suan-le-khakte in Topa’ vantungmi bangin ahi zongin Pasian mahmah bangin ahi zongin amaute makaih ding uh hi.

Zekhariah 8:19

amah in, “Kha lina, kha ngana, kha sagihna, leh kha sawmna sunga antan’nate pen, Judah gam mite’ adingin lungdamin kipakin pawi bawlna hun suak ta ding hi. Tua ahih manin thuman leh kilemna deih pha un,” hong ci hi.

Ezekiel 37:26

Amaute lungmuangin a om tawntung nading uh thuciamna khat ka bawl ding a, amaute thupha pia-in a mi ka pungsak ding hi. Amaute lakah a om tawntung dingin ka biakinnpi ka phut ding hi.

Isaiah 12:1

Ni khat ni ciangin mite in, “Topa aw, kei’ tungah na heh hangin na hehna dam a, nangmah in kei hong hehnem na hih manin nang kong phat ding hi.

Nehemiah 8:12

Tua ahih ciangin mi khempeuh an ne tui dawnin midangte a kholh ding leh lungdam-a om dingin ciah uh hi; bang hang hiam cih leh amaute tungah a kigen thute amaute in theitel uh hi.

Ezra 6:22

Tua hi a, amaute in lungdamna tawh ni sagih sung silngo sawhloh anlum pawi bawl uh hi; bang hang hiam cih leh amau’ lungdam nading a om theih nadingin Topa in Assiria kumpipa’ lungsim amau tungah a nuam dingin bawlsak a, tua ahih manin Israel Pasian ahi Pasian’ inn a sepna uhah kumpipa in amaute huh hi.

Isaiah 60:19

Sun hunin ni pen nangma khuavak hi loin, zan hunin kha pen nangma khuavakna hi nawn lo ding hi; Topa pen a tawntung nangma khuavak hi ding a, na Pasian pen nangma minthan’na hi ding hi.

Isaiah 52:9

A kisia Jerusalem munte aw, lasa-in kiko khawm un; bang hang hiam cih leh Topa in ama mite hehnem ta a, Jerusalem tankhia khin ta hi.

Zekhariah 2:4

Tua ciangin vantungmi a masapa in a dawntuahpa kiangah, “Va tai in la, tehna khau a tawi tangvalpa kiangah hih thu va gen in, Jerusalem khua sungah mihing leh ganhing tam mahmah ding ahih manin Jerusalem kulh huam sungah ta zo lo ding uh hi.

Jeremiah 31:27

“En un, Topa in kong cih-inah Israel gam leh Judah gam, mihing leh ganhing tawh ka dimsak hun hong tung ding hi.

Isaiah 51:3

Bang hang hiam cih leh Topa in Zion hehnem ding hi; a kisia ama munte khempeuh puah pha-in, ama gamlakte Eden huan ka bang sak ding a, a kizang thei lo ama gamte Topa’ huan ka bang sak ding hi; ama sungah lungdamna leh kipakna, lungdam kohna leh la sakna aw om ding hi.

Isaiah 27:6

Hong pai ding hunte sungah Jakob in zung kha ding a, Israel palhin dawnkhia ding a, leitung khempeuh gah tawh dimsak ding hi.

Late 53:6

Zion panin Israelte’ adingin hotkhiatna hong tung ta leh maw! Pasian in ama mite’ nopsakna a piak kik ciangin, Jakob nuamin Israel kipak ding hi.

Nehemiah 8:17

Tua hi a, salsuahna panin a hong ciahkik a kikhawm mite khempeuh in sawlbuk lamin tuate sungah om uh hi; bang hang hiam cih leh Nun’ tapa Joshua’ hun-a kipanin tua ni dongin Israel mite in tua bangin pawikham ngei lo uh hi. Tua hi a, amaute lungdam mahmah uh hi.

Johan 17:22

Eite in pumkhat i hih bangin, keimah in amaute sungah ka om a, nang keima sungah na om bangin, amaute pumkhat suak uh a, pumkhat a kicin’ nadingin nang in kei nong sawl a, keimah nong it bangin amaute na it cih leitung mite in a theih nadingun, nong piaksa minthan’na amaute kiangah ka pia zo hi.”

Isaiah 60:9

Hih teembawte pen, tuipi gei leh tuikulh-a om teembawte hi a, Tarshish teembaw lianpite in hong makaih hi. Topa in nang hong minthangsak khin ahih manin, gamlapi panin tua teembawte in nangma mite hong puak uh a, a ngun a khamte uh tawh hong puak khawm hi. Topa na Pasian, Israelte’ Siangtho Pa Pahtawina-a hong puak uh ahi hi.

Isaiah 55:5

En un, note in na theih loh uh minamte na sam ding uh a, amah in note hong minthang sak zo ahih manin, Topa na Pasian leh Israelte’ Siangtho Pa’ hangin note hong thei lo minamte note kiangah hong tai ding uh hi.

Jeremiah 17:26

Mite in Judah gam khuapite leh Jerusalem khua kim panin ahi zongin, Benjamin gam, Shefelah zanglei gam, mualtung gam leh leitaw lam Negeb gamte panin ahi zongin meihal biakna leh kithoihnate, an tawh biakna, paknamtui leh lungdam biak piaknate Topa’ biakinn-ah hong keng uh hi.

Ezekiel 37:10

Tua ahih ciangin hong sawl bangin ka gen hi. Tua pumpite sungah hin’ theihna hu lut a, tua ciangin amaute hingin a khe-un hong ding uh hi. Galkap honpi khat zah pha-in tam mahmah uh hi.

Isaiah 26:15

Ahih hangin nangmah in ko minam nong khangsak hi, Topa aw, nangmah in minam na khangsak a, gamgi khempeuh na keeksak khin hi. Hih thu hangin nangma min a thang hi.

Jeremiah 3:16

Tua hun ciangin gam sungah note pungin na tam uh ciangin Topa in kong cih-inah, mite in, “Topa’ thuciamna singkuang” ci-in genin a nei nawn kei ding uh hi. Amaute in ngaihsun kha lo ding uh a, phawk kha loin, zong a goih beek kei ding uh hi. Tham loin zong a kibawl kik nawn kei ding hi.