Jeremiah 30:18 - Tedim Bible18 “Topa in kong cih-inah: En un, keimah in Jakob’ suante’ bukte ka lamkik ding a, a teen’nate uh ka hehpih ding hi. Khuapi zong a omna sa mualtung mah ah ki lamkik ding a, kumpipa’ inn zong a omna sa mah ah omkik ding hi. Gade chapit laTedim Bible Revision 201718 “Topa in kong cih in ah: En un, keimah in Jakob suanteʼ bukte ka lamkik dinga, a teenna uh ka hehpih ding hi. Khuapi zong a omnasa mual tung mahah kilamkik dinga, kumpipaʼ inn zong a omnasa mahah omkik ding hi. Gade chapit la |
“Ahih hangin lau kei un, ka nasempa Jakob’ suante aw; patau kei un, Israel mite aw, Bang hang hiam cih leh gamlapi panin no kong honkhia ding a, na suan na khakte uh saltan’na gam panin kong honkhia ding hi. Jakob’ suante hong ciahkik ding uh a, nuam takin a teeng ding uh hi. Kuamah in amaute a lausak nawn kei ding hi.
Ahih hangin lungdamna aw leh kipahna awte, zi nei thakte leh mothakte’ awte kiza kik ding hi. Mite in Topa’ biakinn ah hong pai-in lungdam biakna pia-in: ‘A vanglian Topa tungah lungdamna pia un. Bang hang hiam cih leh Topa hoih a, ama’ itna kip kho tawntung hi!’ ci-a a lasakna awte uh a kiza kik ding hi. Bang hang hiam cih leh Topa in kong cih-inah a masa-a mah bangin hih gam ka hausak kik ding hi.
Leilu lam Geba khua panin leitaw lam Rimmon khua dong, leitang khempeuh, zanglei suak ding hi. Ahi zongin Jerusalem khuapi pen bangmah ci loin a sangpi-in om ding a, Benjamin Kongpi pan-a kipan, ni danga kongpi a omnasa Kiu Kongpi dong, leh Hananel Tausang panin kumpipa’ leenggahcilna phual ciang dong ban ding hi.
Benjamin gam, Jerusalem khua kimkot leh, Judah gam khuapite-a kipan mual tunga khuapite, Shefelah zanglei-a khuapite leh leitaw lam Negeb gama khuapite-ah sum tawh lo kilei ding a, a theihpih mite tawh thukimna min gelhin gip tawh a kikhen ding hi; bang hang hiam cih leh keimah in amaute a gam mah uhah ka om sak kik ding hi, Topa in kong ci hi,” a ci hi.