Jeremiah 30:16 - Tedim Bible

¹⁶ Tua ahih manin no hong thatte kithat ding a, na galte khempeuh uh sal-in kiman khin ding hi. No hong buluhte kibuluh ding a, a hong mante, matin om zaw ding uh hi.

Tedim Bible Revision 2017

¹⁶ Tua ahih manin no hong thatte kithat dinga, na galte khempeuh uh salin kimankik ding hi. No hong buluhte kibuluh dinga, no a hong mante, matin om zaw ding uh hi.

Jeremiah 30:16 Referans Kwoze

Jeremiah 10:25

Nangmah hong thei lo gamte tung leh nangma’ min a hong lo ngeilo mite’ tungah na hehna sungsuk in; bang hang hiam cih leh amaute in Jakob’ suan leh khakte that mangin a ma’ teen’na susia khin uh hi.

Isaiah 33:1

Hong kisusia nai lo, mi a susiapa aw, gimna a ngah ding na hi ta hi. Kuamah in hong khem nai loh mi khempa aw, gimna a ngah ding na hi ta hi. Na suksiat nawn loh ciangin nang hong kisusia ding a, na khem nawn loh ciangin nang hong kikhem ding hi.

Paikhiatna 23:22

“Ahih hangin note in ama' aw lim takin ngai-in keima' gen bangin na gamtat uh leh na galte uh’ tungah gal ka hi ding a, na langte uh’ tungah lang ka hi ding hi.

Zekhariah 2:8

Hih bangin mang ka muh khit ciangin, ama mite’ na a sut gawp minam dangte kiangah thu a gen dingin Vanglianpen Topa in kei hong sawl a, “Topa’ mite a su mi peuhpeuh in a mit nauta banga a na manpha pen khat a su ahi hi.

Mangmuhna 13:10

A kiman dingte a kiman ding hi. Mi khatpeuh in namsau tawh midang a thah leh, tua in zong namsau tawh thahna a thuak ding hi. Hih thu-ah misiangthote’ thuakna leh upna a om hi.

Zekhariah 12:2

“Leenggahzu bangin Jerusalem khuapi ka bawl ding a, a kiim-a om minam dangte in a nek ciangin khamin hoi ding uh hi. Jerusalem khuapi a umcih uh ciangin Judah gam khuapi dangte zong umcih ding uh hi.

Joel 3:8

Na tanute uh leh na tapate uh, Judah mite tungah ka kizuaksak ding a, a gamlapi-a om Seba minamte tungah kizuak ding uh hi. Bang hang hiam cih leh Topa in gen khin zo hi,” a ci hi.

Isaiah 14:2

Minamte in amaute la-in amau omna munah paipih ding uh hi. Israel mite in minamte nei ding uh a, Topa’ gam sungah amaute pen sila numei sila pasal dingin nei ding uh hi; amaute a man ngei mite pen tu-in amaute in leh mat ding a, amaute a nengniam ngei mite tungah tu-in ukna nei ding uh hi.

Late 129:5

Zion a mudahte khempeuh maizumin kinungkiksak ta hen!

Zefaniah 2:8

Vanglianpen Topa in hih bangin thu gen a, “Moab mite in ka mite a simmawhna, Ammon mite in ka mite a zahkona, leh ka mite’ gam sutgawp dingin, a kisaktheih paunate uh ka za khin hi.

Habakkuk 2:16

Tua ahih manin note in zong minthan’na ngah loin, maizumin mindaina tawh na kidiah ding uh hi. Note mahmah in na hoi dongun na dawn ding uh hi. Topa in daanpiakna hai, note hong dawnsak ding a, na minthan’na uh mindaina suak ding hi.

Nahum 1:8

Tuikhang in a suksiat bangin a langte susiagawp a, a galte, khuamial sungah nawhkhia hi.

Micah 7:10

Tua hun ciangin ka galte in hih thu mu ding uh a, “Na Topa Pasian koi-ah om hiam? ci-in hong tawng ka galte maizum ding uh hi. Amaute guallel ding a, kongzing buan bangin a kisik gawp mu-in kei ka nuam ding hi.

Micah 4:11

Note a sim dingin minam tampi hong kikhawm uh hi. Amaute in, “Jerusalem kisusia ding a, a mit in hih khuapi a siasa-in mu ding hi,” ci uh hi.

Ezekiel 35:5

“Nang in Israel mite’ gal na hi tawntung a, a mawhna hangun a daan tuah ni a nunung pen, a lungkham thuak hun lai takun Israel mite na siasak mang hi.

Ezekiel 29:6

Tua ciangin Topa ka hihna thu Izipt mi khempeuh in thei ding uh hi. Bang hang hiam cih leh nangmah in Israel mite’ muan’ leh suan’ khat na hi ngei a, ahi zongin nangmah in a khauh lo pumpeng kung khat bang na hi lel hi.

Kah la 1:21

Ka tauna hong ngai in, hong hehnem ding kuamah dang a om nawn kei hi. Gimna nong thuaksak manin ka galte lungdam lua uh hi. Na ni ciam ni hong tungsak in la, kei thuak bangin ka galte zong thuaksak in.

Jeremiah 2:3

Israel mite Topa’ ading-a a tuam om hi a, ama’ an lakna-ah an palte ahi uh hi. Amaute a ne peuhpeuh a mawh suak uh a, gimna a thuak uh hi, Topa in hong ci hi, ci-in va gen in,” hong ci hi.

Isaiah 54:17

nangmah do nading a, a kibawl hiam peuhmah mavang lo ding a, thukhenna sungah nangma langa a pang mi khempeuh na nial gawp zo ding hi. Hih in, Topa’ nasemte’ gamluah leh keima kiang pan-in amaute’ dikna a kilahna ahi hi, Topa in ci hi.”

Isaiah 54:15

Mi khatpeuh in kidona a pian’sak leh, tua pen keima kiang pan hilo hi; note tawh kidona a piangsak peuhmah note’ hangin puk ding hi.

Zekhariah 14:2

Jerusalem khuapi a sim dingin Topa in minam khempeuh kaikhawm ding hi. A khuapi kila-in, innte kiluh gawpin, numeite zong kibuan ding hi. Mi a lang bang sal-in kipaikhiatpih ding a, a dangte ahih leh kipaikhiatpih lo ding hi.

Zekhariah 1:14

Vanglianpen Topa in ama tungah a gensa thute keimah in ka taangko sawn nadingin tua vantungmi in kei hong sawl a, “Ka khuapi siangtho Jerusalem, nakpi takin itin ka lunghimawh hi.

Jeremiah 50:28

“Ngai dih un! Topa i Pasian’ thuhkikna, ama’ biakinnpi hang-a a phulakna thu Zion khua-a tangko dingin ka mite in Babilon gam panin suakta-in a tai uh hi.

Jeremiah 25:12

Kum sawmsagih a cin’ khit ciangin Topa in kong cih-inah, Babilon kumpipa leh a gam amau’ mawhna hangin daan ka tat ding a, tua gam a tawntungin gam simtham ka suaksak ding hi.

Jeremiah 12:14

Topa in ka mi Israel mite luah dinga ka piak gamh a susia nuam a gilo vengte tawh kisai-in ka cih-inah: “En un, a gam uh panin amau ka botkhia ding a, amau’ sung panin Judah mite ka lakhia ding hi.

Jeremiah 8:16

Leilu lam Dan khua pek panin galte’ sakol nak ging kiza hi; a sakol hatte’ hamna awging in gam teng lei teng liingsak hi. Amau in i gam leh a sunga om teng tawh khuapi leh a sung-a teeng teng tawh a hong susia khin ding uh hi,’ a ci ding uh hi.

Jeremiah 30:15

Bang hangin na sa-in kapkap na hi uh hiam? Na natna uh a dam thei ding hi lo hi. Na khialhnate uh lian lua-in, na mawhnate uh nasia lua ahih manin hih bangin note kong thuak sak hi.

Thu-hilhkikna 30:7

Topa na Pasian un hih samsiatnate khempeuh, no hong bawlsia na galte uh leh na langte uh tungah tungsak ding hi.

1 SAMUEL MASA 17:53

Tua ciangin Filistiate a delhna panun Israelte hong ciahkik uh a, amaute in amau’ giahphual luhsak uh hi.

Paunak 22:23

Bang hang hiam cih leh Topa in amaute pan’pih ding a, amau a bawlsiate tungah phu laksak ding hi.

Kah la 1:22

A gitlohna hangun amau tungah thukhen in. Ka mawhna hanga daan nong piak mah bangin amaute zong daan pia in. Gimna ka thuak manin ka tau a, ka lungtang a gim hi.

Zekhariah 1:15

Tua banga nuam taka a om hithiat minamte tungah ka heh mahmah hi. Ka mite tungah ka hehna ki-ip tentanin ka om lai takin, hih minam dangte in ka mite’ gimna nasiasak semsem uh hi.

Zekhariah 2:12

Judah mite in gam siangtho sungah Topa’ neihtuam mite hong suakkik ding a, Jerusalem khua pen a it penpen khuapi hong hi kik ding hi.