Jeremiah 30:13 - Tedim Bible

¹³ Note a hong don ding kuamah om lo a, na liamma uh ading zatui om loin, note’ dam nading om lo hi.

Tedim Bible Revision 2017

¹³ Note a hong don ding kuamah om lo a, na liamma uh ading zatui om lo a, noteʼ lungdam nading bangmah om lo hi.

Jeremiah 30:13 Referans Kwoze

Jeremiah 46:11

Gilead gamah pai un la, damna zatui va la un, Izipt-te’ nungakte aw! Zatui tampi na zat khit uh hangin, damna na ngah kei uh hi.

Jeremiah 8:22

Gilead-ah zatui om lo ahi hiam? Zato siam om lo ahi hiam? Bang hanga ka mite dam thei lo uhahi hiam?

Jeremiah 33:6

Ahih hangin en in, keimah in hih khuapi ka damsak ding a, cidamin ka om sak ding hi. A mite cidam sakin nopna leh lungmuan’na a kicing ka lak ding hi.

Jeremiah 30:17

Bang hang hiam cih leh Topa in kong cih-inah, na galte un note paampaih mi pawl, hong ci-in, ‘Kuama’ don loh Zion na hi hi,’ hong cih uh hangin note kong cidamkik sak ding a, na liammate uh ka damsak ding hi.

1 JOHAN MASA 2:1

Ka ta neute aw, note in na mawh loh nadingun hih thute lai sungah kong gelh hi. Mi khat peuhmah in a mawh leh, midik Zeisu Khazih ahi, eite hong huhpa Pasian kiangah i nei hi.

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

Nahum 3:19

Na liammate a dam theihna ding om lo a, na meimate a dam thei lo pawl ahi hi. Na thuakna thu a za mi khempeuh in lungdamin a khut uh beng ding hi. Bang hang hiam cih leh na gitlohna a thuak kha lo kuamah om lo hi.

Hosea 14:4

Ka mite tungah heh nawn lo ka hih manin ka mite ka kiangah ka sam kik ding a, lungsim takpi tawh amaute ka it ding hi.

Hosea 6:1

“Hong pai un, Topa kiangah ciahkik ni; amah in eite hong balgawp hangin hong damsak kik ding a, eite hong liamsak hangin i liamnate hong tun’sak kik ding hilo ahi hiam?

Ezekiel 22:30

Keimah in ka hehna tawh ka suksiat ding hun ciangin kulh a ciang zo ding, kulh a kicipna munah a ding zo ding, leh gamsung a hu zo ding mi khat amaute lakah ka zong a, ahi zongin tua bang ding mi khat beek ka mu kei hi.

Isaiah 59:16

Amah in kuamah mu lo-a, nenniamna a thuak mite a huh ding mi khat beek a om lohna mu hi. Tua ahih ciangin amaute a honkhia ding, leh a dikna a kip nadingin ama khut a zang ding hi.

Isaiah 1:6

Khe nuai-a kipan lutang dong nangawnin a cidamna om lo a, satnim gawpnate leh meimapite leh si luang liammate om hi; tuate pen a nai kisaal lo, kitun lo, sathau tawh kinomsak lo hi.

Late 142:4

Ka kiim ka pam enin ka khuadak a, ahih hangin kei hong huh ding kuamah om lo hi; ka belh ding kuamah om lo a, kuamah in kei hong don lo hi.

Late 106:23

Tua ahih ciangin amaute a suksiat nading a hehna panin a heikhia dingin ama mai-ah a teelpa Moses ding hi kei leh—amaute ka susia ding hi, amah in ci hi.

JOB (Job) 34:29

Pasian in bangmah hih het kei taleh zong, kuamah in Pasian mawhsak zo lo ding hi. Amah in hong maingat het kei leh zong, kuamah in bangmah cih zo tuan lo ding hi.

JOB (Job) 5:18

Bang hang hiam cih leh amah in a liamsak hangin a liamma tun ding a, ama satna liamma a damsak ding hi.

Thu-hilhkikna 32:39

“Tu-in thei un, Keimah a kicipa in Kei ka hi hi, Kei sim loh pasian dang om lo hi; ka that a, ka nungta sak hi; ka liam sak a, ka dam sak hi; ka khut sung pan a honkhia zo kuamah om lo hi.

Paikhiatna 15:26

“Note in Topa na Pasian’ thu lim takin na ngaih uh a, ama' maiah a man nate hih-in, ama' thupiakte don a, ama' ngeina kipte khempeuh na zuih uh leh, Izipt mite' tungah ka tun’sak natnate khat beek note' tungah kong tungsak kei ding hi; bang hang hiam cih leh keimah in Topa, note hong damsakpa ka hi hi,” a ci hi.

Jeremiah 17:14

Topa aw, hong damsak lecin kei ka dam ding a, hong honkhia lecin ka suakta ding hi; bang hang hiam cih leh nang kong phatpa na hi hi.

Jeremiah 14:19

Topa aw, nangmah in Judah gam nial khin siang zo na hi hiam? Zion khua kihhuai sa na hi hiam? Bang hangin kote hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi; dam nading hun ka lamen uh a, lauhuaina bekbek ka mu uh hi.

Jeremiah 6:7

Tuikhuk panin tui siang hong phul bangin, Jerusalem khua panin siatna phul hi. Khua sungah ngongtatna leh kisuksiatna ka za ngitnget a, cinatna leh liamnate ngentang ka mu hi.

Ezekiel 30:21

“Ezekiel aw, Izipt kumpipa Faro’ khut ka kuaihtansak zo hi. A khut dam kikin namsau a tawi zawh nadingin kuamah in a khut tuamsak lo hi.

Kah la 2:13

Ka it Jerusalem khuapi aw, bang ci ding ka hi hiam? Bang hong ci hehnep thei ding ka hi hiam? Nang thuak banga thuak kuamah a om kei hi. Na tuahsiatna in tuipi cia pha a, a lamet huai bangmah a om nawn kei hi.