Jeremiah 30:10 - Tedim Bible

¹⁰ “Tua ahih manin Topa in kong cih-inah; Ka nasempa Jakob’ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong honkhia ding a, na suan na khakte-uh’ saltan’na panin kong honkhia ding hi. Jakob’ suante hong ciahkik ding uh a, nuam takin a teeng kik ding uh hi. Kuamah in amaute a lausak nawn kei ding hi.

Tedim Bible Revision 2017

¹⁰ “Tua ahih manin Topa in kong cih in ah: Ka nasem pa Jakobʼ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong hon khia dinga, na suan na khakte uh a saltanna uh panin ka hon khia ding hi. Jakobʼ suante hong ciah ding uh a, nuam takin a tengkik ding uh hi. Kuamah in amaute a lausak nawn kei ding hi.

Jeremiah 30:10 Referans Kwoze

Hosea 2:18

Tua ciangin, ka mite a suksiat loh nadingun gamlaka om gamsate, huih laka leeng vasate, leh leitung a bokvak ganhingte tawh thuciamna ka bawl ding a, thalte, namsaute, galhiam khempeuh, leitung panin ka phiat khia ding hi. A lungnuam, lungmuang hithiatin ka mite ka om sak ding hi.

Jeremiah 29:14

Topa in kong cih-inah, note in nong mu ding uh a, na saltan’na uh hong bei sakin, kong hawlkhiatna gam khempeuh leh mun khempeuh panin kong kaikhawm kik ding a, note kong lak khiatna gam mahah kong tun’pih kik ding hi, Topa in kong ci hi.

Isaiah 43:5

Nang tawh hong omkhawm ka hih manin lau kei in; nisuahna lam panin na suan leh khakte kong paipih ding a, nitumna lam panin na mite kong kaikhawm ding hi.

Isaiah 44:2

Nangmah a hong bawl, gil sung panin nang a hong piangsak, nang a hong huh ding Topa in hih bangin ci hi: Ka nasempa Jakob aw, ka teelsa Israel aw, lau kei in.

Isaiah 35:9

Tua lai-ah humpinelkai om lo ding a, sasialne ganhing khat peuhpeuh hong pai lo ding hi; tua lai-ah ganhing lauhuaite kimu lo ding hi. Topa’ tatkhiatsa mite in tua lampi tawnin hong ciah ding uh hi.

Johan 12:15

“Zion’ tanu aw, lau kei in; En in, na Kumpipa in, Lano tungah tuangin hong pai ding hi.” a ci hi.

Jeremiah 33:16

Tua ni ciangin Judah mite kihonkhia ding a, Israel mite lungmuang takin a teeng ding uh hi. Amah a kisap nadingin a min, Topa in eite’ Diktatna ahi hi, ci-in a kiphuak ding hi.

Jeremiah 23:8

‘a hawlkhiatna leilu lam gam leh gam dangte khempeuh panin Israel mite’ suan leh khakte pai khiatpih a, a makaih Topa a nuntak bangin,’ ci-in a kiciam zaw ding uh hi. Tua ciangin amaute, amau’ gamsung mah ah a teeng ding uh hi,” a ci hi.

Jeremiah 23:3

Ka mite a om lai sun teng, ka hawl khiatna gamte panin ka kaikhawm kik ding a, a gam uhah ka ciahkik sak ding hi. Amaute pung-in a khang ding uh hi.

Jeremiah 3:18

Tua hun ciangin Judah mite in Israel mite hong pawlpih ding uh a, leilu lam gam panin na pute na pate-uh’ luah dinga ka piak sa gamah hong paikhawm ding uh hi.

Zekhariah 3:10

Tua ni ciangin note khempeuh in leenggui leh theikungte hau-in nuam na sa ding uh a, na veengte ciat un hong nekpihin hong lungdampih nadingun na sam ding uh hi, Vanglianpen Topa in ci hi,” a ci hi.

Ezekiel 38:11

A khuapite in gal nan’ nading kulh nei loin, lungmuang takin a om hithiat, a kihu tawm zo lo ding gam khat, simgawp ding na ngaihsun ding hi.

Ezekiel 16:52

Tu-in na mindaina teng na thuak kul hi. Na sanggam numeite’ mawhna sangin nangma mawhnate nak siatzaw lua ahih manin nang kiang panin amaute a mawh lo tawh kibang phial hi. Na sanggam numei dangte a siangtho bangsak phial na hih manin zahla in la, maizum in.

Jeremiah 30:3

Bang hang hiam cih leh Topa in kong cih-inah, Israel leh Judah ka mite, a saltan’na uh kong beisak kik ni a hong tung ding hi. A pute a pate-uh’ tunga ka piaksa gamah ka tun’pih kik ding a, amaute in tua gam a tang kik ding uh hi, Topa in kong ci hi,” a ci hi.

Jeremiah 23:6

Ama’ hun hong tun ciangin Judah mite a kihonkhia ding a, Israel mite lungmuang takin a teeng ding uh hi. Amah a kilawh nadingin a min, Topa IN EITE’ DIKTATNA AHI HI, ci-in a kiphuak ding hi.

Isaiah 54:4

“Lau kei in, maizumna na thuak kei ding hi; cih nading thei loin om kei in, maizumin nang hong kikoih lo ding hi; bang hang hiam cih leh na khangno lai-a na zumhuaina leh meigon’na hanga hong kikonate na phawk kha nawn kei ding hi.

Isaiah 46:13

Ka dikna kong tungsak ta a, gamla nawn lo hi; ka hotkhiatna zekai lo ding hi; keima minthan’na ahi Israel adingin, Jerusalem ka honkhia ding hi.”

Isaiah 46:11

Nisuahna gam panin sasialne vasa khat samin, keima thu a sem khia dingin gamlapi panin mi khat ka sam hi. Thu ka gen khin a, ka tungsak ding hi; ka geel khin a, ka sem ding hi.

Piancilna 15:1

Hih thute khit ciangin mang sungah Topa’ thu Abram’ tungah hong tung a, Abram aw, lau kei in, keimah in nangma' lum ka hi hi; na thaman lian mahmah ding hi,” ci hi.

Isaiah 49:25

Topa in: “A galhangpa’ mat salte kilakhia ding a, thu khauhpa’ na kilakhia ding hi; nang hong dem mite ke’n ka dem ding a, na tate ka honkhia ding hi.

Isaiah 14:3

A haksa nasep hong kisep sakna, gimna, salsuahna leh lungkhamna panin Topa in note tungah tawldamna hong piak ciangin,

Isaiah 44:1

“Ahih hangin, ka nasempa Jakob aw, ka teelsa Israel aw, tu-in za in!

Jeremiah 23:4

Amaute don ding makaite ka koih ding a, lau nawn lo, lungkham nawn loin khat beek a mangthang nawn kei ding uh hi, Topa in kong ci hi.

Jeremiah 29:11

Bang hang hiam na cih uh leh Topa in kong cih-inah, note’ mai lamah lametna kong piak ding, na siat nading uh hi loin na phattuam nading uh geelna ka neihte kei bek in ka thei hi.

Jeremiah 30:7

Nu ei! tua ni lianpi hong tung ding a, nidang tawh teh theih hi lo ding hi! Jakob’ suante’ gimna ngah hun hi ding a, ahih hangin amau a suakta veve ding uh hi.

Joel 2:21

“Lote aw, lau nawn kei un la, lungdamin kipakin om un. Topa in note adingin a lianpi hong bawlsak zo hi.

Isaiah 49:12

Ka mite a gamlapi panin hong pai ding uh a, leilu lam gam leh nitumna lam gamte panin hong pai-in, pawl khatte, leitaw lam Sinim gam panin hong ciah ding uh hi,” a ci hi.

Daniel 12:1

“Tua hun ciangin na mite a cing, a lian vantungmi Mikhael a hong kilang ding hi. Tua ciangin leitunga mihing a pian’ zawh akipan a nasia penpen gimna hun a hong tung ding hi. Tua hun a hong tun’ ciangin Pasian’ laibu sunga a min kigelh, na mite khempeuh in gupna a ngah ding uh hi.

Hosea 2:20

Kei’ aa ahi tawntung dingin nang kong la ding hi. Tua ciangin Topa ka hih lam tak nong thei ding hi.

Hosea 6:11

No Judah mite zong daan kong piak ding hun kiseh khin zo hi.

Micah 4:9

Bang hangin tu-in nakpi-in kap a, numei nausuak ding bangin na sa na hi hiam? Kumpi nei lo a, na thulamlakte si ahi hiam?