Jeremiah 3:8 - Tedim Bible

⁸ A zulhzau Israel, midang tawh a khialhna hangin kimaakna lai pia-a ka hawlkhiat zong amah in a mu hi. Ahih hangin numei gina lo Judah lau tuanloin pai a, amah zong numei paktat khat mah a va suak veve hi.

Tedim Bible Revision 2017

⁸ A zulhzau Israel, midang tawh a khialhna hangin kimakna lai pia-in, ka hawlkhiat zong amah in a mu hi. Ahih hangin numei gina lo Judah lau tuan loin, amah zong numei paktat khat mah a va suak veve hi.

Jeremiah 3:8 Referans Kwoze

Thu-hilhkikna 24:1

“Mi khat in zi la-in a ten’pih ciangin, tua nu tungah kilawm lohna a muh manin numei in a pasal mit-ah maipha mu lo a, amah in makna lai gelhin numei’ tungah pia-in ama inn panin sawlkhia a, a pasal’ inn panin amah kihem khia-in,

Hosea 3:4

Hih in, kumpi ahi a, makai ahi zongin, biak piakna leh biak piakna khuampite ahi zongin, siampi puanpi leh milim pasiante nei loin hun saupi sung Israel mite om ding a cihna ahi hi.

Isaiah 50:1

Topa in: “Amah ka ciahsakna, na nu a kimakna lai koi-ah om ahi hiam? Tua ahih kei leh, nang kong zuakna ka lei batnate koi pen ahi hiam? En un, nomau’ mawhna hangin note hong kizuak a, nomau’ khialhna hangin na nu uh kipaikhiasak hi.

Ezekiel 23:9

Tua ahih ciangin a lunggulh mahmah, a it Assiria mite khut sungah amah ka pia hi.

Ezekiel 16:47

Amaute’ khekhap zui-in a muhdahhuai amaute’ gamtatnate bek tawh na lungkim zo nai kei lai a, tawmvei sungin na gamtatna khempeuh ah amaute sangin na sia zaw hi.

Jeremiah 3:1

“Mi khat in a zi ma hen la, tua nu in zong amah nusia-in, pasal dang khat’ zi suak leh, a pasal masa in tua nu la kik thei ding ahi hiam? Tua gam teng a nin suaksak khin ding hilo ahi hiam? Nang in numei paktat suak-in mi tampi tawh kingai khin zo napi cin tu’n kei’ kiang hong zuankik ding na hi hiam? Topa in kong ci hi.

Thu-hilhkikna 24:3

a pasal nunung in amah deih lo a, makna lai gelhin numei khut sungah koih a, a inn panin tua nu sawlkhia-in, tua ahih kei leh zi ding a, a la a pasal nunung a sih leh,

Jeremiah 2:19

Na gitlohna mah in nangmah hong thu hilh ding-a, na thu up nawn lohna in nangmah hong mawhsak ding hi. Topa na Pasian nong nusiat ciang, kei nong kihtak nawn loh ciangin, nuam hetlo-a kha keei hi, cih thu thei in la, mu in, a vanglian Topa Pasian in kong ci hi.

Jeremiah 33:24

“Hih mite in, Topa in a teelsa Israel leh Judah minam tegel a nusia ta hi, ci-a a gen uh thei kha lo na hi hiam? Tua bangin amaute in ka mite a simmawh uh a, amau’ muhna-ah gam khatin zong a sim nawn kei uh hi.

Ezekiel 16:46

Na u nu in leilu lam-a om Samaria leh a khuaneute ahi hi. Na nau nu in leitaw lam-a om Sodom leh a khuaneute ahi hi.

Ezekiel 16:51

Samaria in nangma gamtatsiat zah lang zong gamta lo hi. Na sanggamnu sangin gamtat sia zaw mahmah na hih manin, nang leh na sanggam numei dangte i etkak ciangin, amaute a mawh mah hi napi-in a mawh lo zah phialin hong kimu hi.

2 KHANG TANGTHU NIHNATE 21:11

Tua tham loin amah in Judah mual tung gamah mual dawn a, biak piaknate bawl a, Jerusalem a, teeng mite citak loin om sak a, Judah mite lam pial sak hi.

Jeremiah 5:7

“Na mawhna uh hong koici maisak ding ka hi hiam? Na tate un kei hong nusia zo uh a, pasian ahi lopi peuh tawh kiciam zo uh hi. Amaute a gilvah dong uh an ka vak khit ciangin, ang kawmin numei paktatte’ innah a hon om uh hi.

Ezekiel 23:44

Numei paktatte kianga hawh bangin amaute pai niloh uh hi. Tu-a bangin a gamtat hoih lo Oholah leh Oholibahte kiangah a paktat dingin amaute pai uh hi.