Jeremiah 3:6 - Tedim Bible

⁶ Kumpipa Josiah a maan’ laitakin Topa in kei hong hopih a, “A zulhzau Israel, mual sang tung khempeuh-ah pai a, sing liim nuai khempeuh ah numei paktat banga om kawikawina na mu khin zo hiam?

Tedim Bible Revision 2017

⁶ Kumpi Josiah in a uk laitakin Topa in kei hong hopih a, “A zulhzau Israel, mual sang tung khempeuh ah pai-in sing liim nuai khempeuh ah numei paktat bangin a om kawikawina na mu khinzo hiam?

Jeremiah 3:6 Referans Kwoze

Ezekiel 23:11

“A nau nu Oholibah in hih thu thei napi-in, a u nu Oholah sangin zong a sia zaw, a suk zaw-in paktat lai hi.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khatpeuh peuh ahi zongin a muh uh ciangin tua bang mun khempeuh ah biakna pia uh hi. Meihal biakna a piakna uh leh tuiphih biakna a piaknate uh tawh kei hong hehsak uh hi.

Ezekiel 16:31

Kongzing citengah milim biak nading mun na bawl a, paktatna na gamta hi. Ahi zongin numei paktat dangte bangin sum a ngah zong na hi kei hi.

Jeremiah 17:2

A tate un singlim nuai khempeuh leh mualsangte’ tunga a biakna taute uh leh a nusian uh Asherah milimte a phawk veve uh a,

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amau’ gitlohna lungsim uh zui-in amau’ thuthu-in a omzaw uh a, mainawt loin a nungkin zaw uh hi.

Jeremiah 3:8

A zulhzau Israel, midang tawh a khialhna hangin kimaakna lai pia-a ka hawlkhiat zong amah in a mu hi. Ahih hangin numei gina lo Judah lau tuanloin pai a, amah zong numei paktat khat mah a va suak veve hi.

Isaiah 57:7

A lian a sang mual tungah nu-le-pa mawhna na bawl uh a, tua munah biakna pia dingin na paito uh hi.

1 KUMPI MASATE 14:23

Bang hang hiam cih leh amaute in amau’ adingin mualtung a biaknate, khuampite, leh mualsang tung khempeuh leh singnim nuai khempeuh ah Asherah milimte bawl uh hi;

2 KHANG TANGTHU NIHNATE 34:1

Josiah in uk ding a kipatin kum giat pha a, amah in Jerusalem ah kum sawmthum-le-khat sung uk hi;

Jeremiah 1:2

Amon’ tapa Josiah, Judah gamah kumpi a suah zawh kum sawm leh kum thum a cin’ kum-in Topa in Jeremiah a hopih hi.

Jeremiah 5:11

Israel minamte leh Judah minamte, Topa in ka cih-inah, kei tungah hong thuman nawn het lo uh hi.

Jeremiah 11:10

Ka thu a ngai nuam lo a pu a pate uh’ mawhna lamah a kileh hei khin zo uh a, pasian dangte’ na sem dingin a zui khin zo uh hi. Israel mite leh Judah mite in a pu a pate uh tawh ka bawlsa uh ka thuciamna a palsat khin zo uh hi.

Jeremiah 31:22

Bang tan vei lungka ding na hi hiam? a zulhzau ka tanu aw, Bang hang hiam cih leh Topa in leitungah na thak khat ka bawl a, numei in pasal a hon zo hi.”

Ezekiel 23:4

A u nu’ min in Oholah hi a, Samaria khuapi tawh kibang a cih nopna hi. A nau nu’ min in Oholibah hi a, Jerusalem khuapi tawh kibang a cih nopna ahi hi. Hih numei nihte ka ten’pih a, a nih-un kei tawh ta nei uh hi.

Hosea 4:13

Amaute in mual sangte’ dawn-a biakna munte-ah biakna pia uh a, a nuai liim hoih ahih manin mual neute tungah a po tawsaw kung, poplar kung, leh terebinth kungte nuai-ah paknamtui halin bia uh hi. Tua thu hangin na tanute uh numei paktat suak uh a, na mote un midang tawh mawhna a bawl uh hi.

Hosea 11:7

Ka mite in kei kiang panin pial ding ngaihsun tawntung ahih manin amaute in kol bulhna thuak ding uh a, kuamah in a kol sutsak lo ding hi.

Thukhente 2:17

Ahi zongin amaute in a thukhente uh thu ngai lo uh hi; bang hang hiam cih leh amaute in pasian dangte tawh paktatna gamta-in tuate mai-ah kun uh hi; Topa’ thupiakna a mang amau’ pute pate’ tot lampi panin amaute pial pah uh hi, amaute in Topa’ thu mang lo uh hi.

Late 106:39

Tua ahih ciangin amau sepna tawh amaute a nin suak uh a, amau gamtatnate tawh palhngulhna a bawl uh hi.

Isaiah 57:3

No, aisan numeite’ tapate, numei tawh a mawh mite leh numei pangtatte’ tu-le-tate aw, hih lai-ah hong nai un.

Ezekiel 16:35

“Tua ahih ciangin numei paktat aw, Topa’ thu ngai in.