Jeremiah 3:5 - Tedim Bible

⁵ nang heh tawntung ding na hi hiam, a tawp dongin lungham den ding na hi hiam?’ nong ci hi. En in, tua bang na cih hangin, na hih theih siatna khempeuh na hih khin zo hi,” a ci hi.

Tedim Bible Revision 2017

⁵ nang keima tungah heh tawntung ding na hi hiam? A tawp dongin lungham den ding na hi hiam?’ na hong ci hi. En in, tua bang na cih hangin, siatna na hih theih khempeuh na hih khinzo hi,” a ci hi.

Jeremiah 3:5 Referans Kwoze

Micah 7:3

A sia lam-a gamtat ding siam mahmah uh a, uliante leh thukhente in sumgolh ngenin, mi liante in amau’ deih teng pulak uh a, kipawlin vaihawm khawm uh hi.

Micah 2:1

A lupna tungah lumin gitlohna a geelgeelte in gimna ngah ta hen. Zingsang khua a vak ciangin, a hih theih ding hun a ngah phetun, a ngaihsutsa uh gitlohnate semkhia uh hi.

Ezekiel 22:6

Na sunga om Israel ulian khempeuh in amau’ thatang muang uh a, mi that uh hi.

Jeremiah 3:12

Pai in la, leilu lam Israel gamah hih bangin va tangko in: ‘Hong kilehkik in, a zulhzau Israel aw, Topa in kong ci hi. Hehna tawh nang kong en kei ding hi, bang hang hiam cih leh a hehpih thei pa ka hi hi, Topa in kong ci hi; ka heh tawntung kei ding hi.

Isaiah 57:16

Ka mite tungah nuntakna hu ka pia hi. Amaute ka mawhsak paisuak kei ding a, amaute tungah ka heh tawntung kei ding hi.

Isaiah 64:9

Topa aw, nakpi takin sinso kei in la, mawhna ciamtehteh kei in. En in, kote khempeuh nangma mi ka hihna uh hong ngaihsun in.

Late 85:5

Kote tungah hong heh paisuak ding na hi hiam? Khang tawntungin heh paisuak ding na hi hiam?

2 KHANG TANGTHU NIHNATE 29:10

Tu-in a lauhuai a hehna eite tung pan a kiheikhiat theih nadingin Israel Pasian, Topa tawh thuciamna khat bawl ding ka lungsim ah om hi.

Late 85:6

Nangmah kong phat theih nadingun ko na mite hong nungtasak kik lo ding na hi hiam?

Jeremiah 8:5

Tua ahih leh bang hangin hih mite lam khial-in nungkin paisuak lawmlawm uh ahi hiam? Amau in pasian zuau milimte lenkip uh a, hong kilehkik nuam lo uh hi.

Jeremiah 8:6

Amau’ thu gente ka ngaihsak a, kuamah in thuman gen lo uh hi. A gitlohna uh kuamah kisik lo a, ‘Bang hih ka hi hiam?’ ci lel uh hi. Sakol galsim ding a tai bangin amau’ tum ciat-in a pai uh hi.