Jeremiah 3:4 - Tedim Bible

⁴ Tu mahin kei nong sam a, ‘Ka pa aw, ka neu lai pek pan-a ka lawm na hi hi—

Tedim Bible Revision 2017

⁴ “Tumahin kei nong sam a, ‘Ka pa aw, ka neu lai pek pan ka lawm na hi hi

Jeremiah 3:4 Referans Kwoze

Jeremiah 2:2

“Pai in la, Jerusalem khua’ zak dingin va tangko in: Topa in hong cih-inah, Na khangno lai-a nong kipiakna, na mothak lai-a nong itna, a kikho nai lo gamlak-a kei’ nung nong zuih hun lai ka phawk hi.

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoihpen luah dingin, gam nopci khat nang hong pia ning, ci-in ka ngaihsun hi. Ka Pa aw, ci-a hong sam ding leh ka nung hong zui den ding kong sa kha hi.

Hosea 2:15

Tua lai panin a leenggui lote ka pia kik ding a, Lungkhamna Kuam pen lametna kongpi ka suaksak ding hi. Izipt panin a paikhiat a nungakno hun lai mah bangin ka thugennate hong ngai ding hi.

Jeremiah 31:9

Amaute kap kawmin hong pai ding uh a, keimah in hehnemin ka pikik ding hi. Tui omna lui geiah ka paipih ding a, lam nuamah paipih-in a tuk kei ding uh hi. Bang hang hiam cih leh Israel mite’ pa ka hi a, Efraim in ka tapa upapen ahi hi.

Late 71:17

Pasian aw, ka khangno lai-a kipanin nong thuhilh a, a lamdang na nasepnate ka gengen lai hi.

Malakhi 2:14

Bang hangin hong sang lo hiam, na ci uh hi. Na khangno lai uh a, na ten’pih na zite uh tungah na cihtak lohna uh amah in hong thei a, na zite uh tungah na cihtak tawntung nading uh Pasian tungah thuciamin, na zite uh zong na lawmnu mah uh hi napi-in amaute tawh na thuciamna uh na pelhna hang uh ahi hi.

Jeremiah 2:27

Amaute in singtawng khat kiangah, ‘Nang ka pa na hi hi,’ peuh a ci uh a, suangtum khat kiangah, ‘Ka pian’na ka nu na hi hi,’ peuh a ci uh hi. Bang hang hiam cih leh amaute in kei hong nungngat uh a, a hong maingat kei uh hi. Ahih hangin haksatna a tuah uh ciangin, ‘Tho in la, hong hon in,’ hong ci uh hi.

Paunak 1:4

Thu thei nai lote in a theih nading, khangnote in pilna leh thu ngaihsut theihna a ngah nading.

Late 119:9

Tangval khat in ama gamtatna bangci siangtho kep theih ding ahi hiam? Nangma thu mah bangin kepna tawh a gamtatna siangthosak thei ding hi.

Late 71:5

Topa aw, bang hang hiam cih leh ka neu lai-a kipanin nangmah in keima lametna, ka muan’na na hi hi, Topa aw.

Malakhi 1:6

Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.

Jeremiah 31:22

Bang tan vei lungka ding na hi hiam? a zulhzau ka tanu aw, Bang hang hiam cih leh Topa in leitungah na thak khat ka bawl a, numei in pasal a hon zo hi.”