Jeremiah 3:25 - Tedim Bible

²⁵ Tua ahih manin, zumin lum ni: i minsiatna silh ni. Bang hang hiam cih leh i neulai akipan tu ni ciang dong eite leh i pu i pate in Topa i Pasian’ tungah i mawh khin zo hi. Topa i Pasian’ thu i mang kei khin zo hi,” a ci uh hi.

Tedim Bible Revision 2017

²⁵ Tua ahih manin maizumin lum ni. I min siatna silh ni. Bang hang hiam cih leh i neu lai a kipan tu ni ciang dong eite le i pu i pate pen Topa i Pasianʼ tungah i mawh khinzo hi. Topa i Pasianʼ thu i mang kei khinzo hi,” a ci uh hi.

Jeremiah 3:25 Referans Kwoze

Jeremiah 22:21

Na daupai laitak-un kong hopih hangin na hong ngai nuam kei uh hi. Na neu tung-ua kipan nong tua cih ngitnget uh a, ka thu nong mang ngei kei uh hi.

Jeremiah 2:26

“Guta khat a kimat cianga a zum bangin, Israel mite, a kumpite uh, uliante, a siampite uh leh a kamsangte uh zong a zum ding uh hi.

ROM (Romans) 6:21

Tua ahih leh, tu-in zumhuai na sak uh tua gamtatna na bawl lai takun, bang phattuamna na ngah uh hiam? Tua gamtatnate’ tawpna lampi in sihna ahi hi.

Daniel 12:2

A sisa mi tampite in nuntakna a ngah kik ding uh hi. Pawl khatte in nungta tawntung ding uh a, pawl khatte in a tawntung zumna leh minsiatna a ngah ding uh hi.

Ezekiel 36:32

Israel mite aw, hih thute khempeuh, note’ hangin a bawl ding ka hih lohna thu na theih ding uh ka deih hi. Na gamtatnasate uh hangin maizumin na mindai ding uh ka deihna ahi hi. Topa Pasian in hih thu kong gen khin hi.

Ezekiel 7:18

Amaute dahna limin puanhampi silh ding uh a, pumliin’ gawp ding uh hi. A sam uh kimettolsak ding a, a min uh dai ding hi.

Kah la 5:16

Kisak theih nading bang mah om nawn lo-a, mawh i hih manin gimna i thuak hi.

Kah la 5:7

Ka pute ka pate un mawhna a bawl manun a si khin uh hi. Amau’ mawhna kote in ka thuak uh hi.

Jeremiah 6:26

Ka tanu aw, ippi puan silh in la, vut lakah kikhuk in. Tapa khat neihsun sih suah bangin kap vangvang in, bang hang hiam cih leh a hong susia dingpa thakhat thu-in hong pai ding hi.

Jeremiah 2:19

Na gitlohna mah in nangmah hong thu hilh ding-a, na thu up nawn lohna in nangmah hong mawhsak ding hi. Topa na Pasian nong nusiat ciang, kei nong kihtak nawn loh ciangin, nuam hetlo-a kha keei hi, cih thu thei in la, mu in, a vanglian Topa Pasian in kong ci hi.

Jeremiah 2:17

Israel aw, Topa na Pasian in lampi-ah hong makaih laitakin amah na nusiat manin hih teng nang’ tungah hong tung hilo ahi hiam?

Jeremiah 2:2

“Pai in la, Jerusalem khua’ zak dingin va tangko in: Topa in hong cih-inah, Na khangno lai-a nong kipiakna, na mothak lai-a nong itna, a kikho nai lo gamlak-a kei’ nung nong zuih hun lai ka phawk hi.

Isaiah 50:11

Ahih hangin mei vaksak a, meilah kuang a kiguan note khempeuh aw, tu-in na meivakna leh na meilah kuang pana khuavak sungah pai-in, kalsuan un; hih in ka khut pana na ngah ding uh ahi hi. Lungkhamin na lumsuk ding uh hi.

Isaiah 48:8

Note pen a lehheek thei na hih lam uh ka thei a, na suah tung uh akipan mi lehdo thei na hihna uh ka thei hi. Tua ahih manin tanglai akipan na bil uh kihong ngei lo a, zong na thei ngei kei uh hi.

Paunak 5:13

Kei hong hilh siate’ thu ka mang nuam kei a, amau’ hong hilhnate ka don kei kha hi.

Late 109:29

Kei hong mawhsakte in mindaina silh uh hen la, puanza silh bangin amau’ maizumna tawh kituamcip ta uh hen!

Late 106:7

Ka pate un Izipt gamah a om lai-un nangma nasepna lamdangte ngaihsun lo uh hi; nangma itna kip a tampite phawk lo uh a, San Tuipi-ah Sang Penpa hong lehdo uh hi.

Thukhente 2:2

hih gam-a teeng mite tawh thuciamna na bawl kei ding uh hi; amau’ biakna taute na susia ding uh hi,’ ka ci hi. Ahih hangin note in ka thupiak na mang kei uh hi. Hih banga na gamtat uh bang ahi hiam?

Late 106:6

Ka pate uh leh kote ka khial khin uh hi; mawhna ka bawl khin uh a, ka gitloh gamtat khin uh hi.

Jeremiah 3:13

Na mawhna na phawk ding bek kisam hi, Topa na Pasian na langpan’na, singliim nuai khempeuh-ah khualmite tawh na khialh kawikawina leh ka thu nong man’ lohnate pulak in, Topa in kong ci hi.

Jeremiah 8:14

“Tua ciangin mite in, ‘Bang hangin tutu lai i hi hiam? Kikai khawm un la, khuapi muanhuaite va beel ni, tua laiah va si ni; bang hang hiam cih leh Topa tungah i mawh manin Topa i Pasian in eite a si dingin hong koih khin zo hi, i dawn dingin gutui hong piakhin zo hi.

Jeremiah 14:7

Ka mite in kei tungah, “Topa aw, ka mawhna-un in kote’ lang khatah hong pang ahi ta zongin, nangma’ min hangin hong hehpih in. Kote in tam veipi kong nungngat uh a, nang tungah kong khial zo uh hi.

Jeremiah 14:20

Topa aw, ka gitlohna uh leh ka pute ka pate’ gitlohna uh kong pulak uh hi. Bang hang hiam cih leh nang’ tungah kong mawh khin uh hi.

Jeremiah 20:18

Gimna leh dahna mu ding leh ni sim-a maizum den dingin bang hangin a gil sung panin suak khia sese ka hi hiam?

Jeremiah 31:19

Nangma’ kiang pan ka paikhiat khit phet-in ka kisik kik a, Nong thuhilh khit ciangin dah-in ka kun hi. Ka neu lai-a ka min siatna teng pua ka hih manin mai zumin ka lungam hi,’ a ci hi.

Ezekiel 2:3

“Ezekiel aw, kei hong langpan’ in a hong lehdo Israel minamte kiangah nang a hong sawl ka hi hi. A pu a pate uh mah bangin amaute in tu dongin kei hong lehdo uh hi.

Paunak 13:18

Thu kihilhna zui lo mi in zawn’na leh mindaina ngah a, thu kihilhna a zui mi in minphatna leh pahtawina ngah hi.

Jeremiah 7:19

Topa in kong cih-inah, tua hangin gimna a thuak, kei hi zenzen ka hi hiam? Hilo hi. Amau’ zum nadingin amau mah in thuak uh hi zaw lo ahi hiam?

Jeremiah 9:18

Va kinawhsak un la, i khitui a luan’ theih nading, i mitkhu a kawt theih nadingin eite hong kah uh hen.

Jeremiah 11:13

Bang hang hiam cih leh, Judah aw, na khua om zahzah uh pasian na nei uh a, Jerusalem khua kongzing om zahzah meihal biakna tawh Baal biak nading a zum huai biakna taute na bawl tazen uh hi.

Jeremiah 12:13

Amau in mangbuh a tuh uh-a ling aat uh hi. Nasep a hahkat mahmah uh hangin bangmah a ngah kei uh hi. A kihtak huai Topa’ hehna hangin an lak hun ciangin a maizum ding uh hi,” a ci hi.

Ezekiel 44:13

Amaute in keima siampi na sem loin, keima biakna na a siangtho nate nai-ah pai thei loin, Siangthopen Munah zong lut thei lo ding uh hi. Hihte pen, a muhdahhuai a gamtatnasate uh hangin a daan uh ahi hi.

Hosea 9:10

Topa in hih bangin gen hi. Israel kong muh cilin hoih mahmah a, sehnel gam sungah gah a zun kiuhkeuh leenggah tawh kibang hi. Na pu na pate uh ka muh cilin hoih mahmah a, a hun ciangin a min a zun sitset theigah muh tawh kibang hi. Ahi zongin Baalpeor a tun’ uh ciangin amaute in Baal milim bia pah uh ahih manin, amau’ biak milimte ka muhdah zahin amaute nangawn ka mudah pah hi.

Zefaniah 1:17

Topa in hih bangin thu gen a, “Mihingte tungah lungkhamna lianpi ka tungsak ding a, amaute in mittaw bangin khua zawt ding uh hi. Keima tungah amaute hong khial uh ahih manin, tui bangin a sisan uh kithehthang ding a, a luanghawm uh, leilakah muatcip ding hi,” ci hi.