Jeremiah 3:24 - Tedim Bible

²⁴ “Ahih hangin i neu lai-a kipan a zumhuai Baal pasian i biakna hangin i pute i pate’ nasep sa ahi tuute leh bawngte, a tapate le a tanute uh khempeuh i sum khin zo hi.

Tedim Bible Revision 2017

²⁴ “Ahih hangin i neu lai a kipan a zumhuai Baal pasian i biakna hangin i pu i pateʼ biakna ahi tuu le bawngte, a tapate le a tanute khempeuh uh i sum khinzo hi.

Jeremiah 3:24 Referans Kwoze

Hosea 9:10

Topa in hih bangin gen hi. Israel kong muh cilin hoih mahmah a, sehnel gam sungah gah a zun kiuhkeuh leenggah tawh kibang hi. Na pu na pate uh ka muh cilin hoih mahmah a, a hun ciangin a min a zun sitset theigah muh tawh kibang hi. Ahi zongin Baalpeor a tun’ uh ciangin amaute in Baal milim bia pah uh ahih manin, amau’ biak milimte ka muhdah zahin amaute nangawn ka mudah pah hi.

Hosea 10:6

Bang hang hiam cih leh Assiria gama kumpi lianpa tungah siah a piak dingin tua milim kipuakhia ding hi. Thu kigen zui-in milim a biakna hangun Israel mindai-in maizum ding uh hi.

Hosea 2:8

Ama tungah an, leenggahzu, leh oliv thau ka piakna, leh Baal pasian biak nadingin a zat ngun leh kham tampi tak a piapa ka hih lam phawk kha lo hi.

Ezekiel 16:63

Na gamtatnasa khempeuh kong maisak khit ciangin na gamtatnasa khempeuh na phawkkik ding a, maizum lua-in cihna ding mel thei loin na om ding hi, Topa Pasian in ci hi,” hong ci hi.

Ezekiel 16:61

Na u nu leh na nau nu na ngahkik ciangin na gamtatnasa teng phawk kikin na mai a zum ding hi. Nang tawh i thuciamna sungah a kihel loh hangin amaute pen nangma tanu bangin hong om ding uh hi.

Jeremiah 11:13

Bang hang hiam cih leh, Judah aw, na khua om zahzah uh pasian na nei uh a, Jerusalem khua kongzing om zahzah meihal biakna tawh Baal biak nading a zum huai biakna taute na bawl tazen uh hi.

Jeremiah 8:16

Leilu lam Dan khua pek panin galte’ sakol nak ging kiza hi; a sakol hatte’ hamna awging in gam teng lei teng liingsak hi. Amau in i gam leh a sunga om teng tawh khuapi leh a sung-a teeng teng tawh a hong susia khin ding uh hi,’ a ci ding uh hi.

Jeremiah 22:21

Na daupai laitak-un kong hopih hangin na hong ngai nuam kei uh hi. Na neu tung-ua kipan nong tua cih ngitnget uh a, ka thu nong mang ngei kei uh hi.

Jeremiah 44:7

Tu-in a vanglian Topa Pasian, Israel mite’ Pasian in kong gen-inah: Bang hangin’ note in hih bangin note’ siat nadingin mawhna lianpi bawl na hi uh hiam? Judah gam sungah papi, nupi, naupang leh naungek-a kipan a nungta lai kuamah om nawn kei hen, cih na deihna uh ahi hiam?

Jeremiah 9:18

Va kinawhsak un la, i khitui a luan’ theih nading, i mitkhu a kawt theih nadingin eite hong kah uh hen.

Ezekiel 16:19

Na nek dingin a limci pen annel, oliv thau, leh khuaizu kong pia a, ahi zongin milim maipha zon’ nadingin biakna-in tuate na zang hi.

Ezekiel 16:20

“Tua ciangin kei tawh na neih na tanute leh na tapate la-in milim biakna-in haltum dingin na pia hi. Kei tungah na cihtaklohna thuneu lua sa a,