Jeremiah 3:22 - Tedim Bible

²² Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amau in zong, “En in, nang kiangah kong pai uh hi; bang hang hiam cih leh Topa kote’ Pasian na hi hi.

Tedim Bible Revision 2017

²² Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amaute in zong, “En in, nang kiang kong pai uh hi. Bang hang hiam cih leh Topa koteʼ Pasian na hi hi.

Jeremiah 3:22 Referans Kwoze

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.

Hosea 14:4

Ka mite tungah heh nawn lo ka hih manin ka mite ka kiangah ka sam kik ding a, lungsim takpi tawh amaute ka it ding hi.

Zekhariah 13:9

Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

Hosea 13:4

Keimah in Izipt gam pana kipan note’ Topa Pasian ka hi hi. Tua hun lai-in kei sim loh Pasian dang na thei kei uh a, note a hong honkhiapa in kei bek ka hi hi.

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

Jeremiah 30:17

Bang hang hiam cih leh Topa in kong cih-inah, na galte un note paampaih mi pawl, hong ci-in, ‘Kuama’ don loh Zion na hi hi,’ hong cih uh hangin note kong cidamkik sak ding a, na liammate uh ka damsak ding hi.

Jeremiah 31:18

Efraim’ kahna aw ka za zo a, ‘Topa aw, bawngtal sin loh bangin keimah nong thuhilh khin zo hi. Kong ciahkik theih nadingin hong la kik in, bang hang hiam cih leh nangmah in Topa ka Pasian na hi hi.

Solomon la 1:4

Hong kai in la, paikhawm ni. Ka kumpi hong hi in la, na innah hong ciahpih in. Nang tawh om leeng i lung dam a, leenggahzu ne-in nuam sa ni. Nang kong ngaih khak tuahpha ing.

Hosea 14:8

Israel mite in milim bia kha nawn lo ding uh hi. Amaute’ thungetna pia-in amaute ka kem ding hi. Amaute, a hing tawntung singkung kep bangin ka kem ding a, amaute’ thupha ngah khempeuh keima kiang pan ahi hi.

Jeremiah 33:6

Ahih hangin en in, keimah in hih khuapi ka damsak ding a, cidamin ka om sak ding hi. A mite cidam sakin nopna leh lungmuan’na a kicing ka lak ding hi.

Isaiah 27:8

A kithukkim dingin amah in amaute sal suahsakna tawh daan pia hi; nisuahna huihpi a nun’ ni-in amah in a kihtak huai a ging pha tawh amaute khinkhia hi.

Isaiah 1:2

Vantungte aw, za un, leitung aw, ngai un; bang hang hiam cih leh Topa in thu hong gen khin zo hi: “Ka pattahsa tapate in kei hong lehdo uh hi.

Isaiah 57:17

Amau’ huaiham-mawhna hangin ka heh a, ka heh lungsim tawh amaute daan pia-in ka mai ka sel hi. Ahih hangin amaute a lungsim khauhin, a gamtat ngei bangun gamta veve uh hi.

Jeremiah 3:12

Pai in la, leilu lam Israel gamah hih bangin va tangko in: ‘Hong kilehkik in, a zulhzau Israel aw, Topa in kong ci hi. Hehna tawh nang kong en kei ding hi, bang hang hiam cih leh a hehpih thei pa ka hi hi, Topa in kong ci hi; ka heh tawntung kei ding hi.

Jeremiah 4:1

Topa in, “Israel mite aw, na kilehkik uh leh kei’ kiangah hong kilehkik un. Na kihhuainate uh kei kiang pan na paihkhiat uh a, na tai kawikawi kei uh leh,

Ezekiel 33:11

Amaute kiangah hih bangin gen in: Keimah in a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deihna hi zaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Isaiah 31:6

Israel mite aw, nakpi tak-a na dopa uh’ lamah kihei kik un.

Ezekiel 18:30

“Topa Pasian ahi keimah in note kiangah kong genin ah: Israel mite aw, na gamtatnasa bang ciatun thu kong khen ding hi. Kisik kikin na gamtatsiatna khempeuh panun khawl un la, na mawhna bangun kisiasak kei un.

Hosea 14:5

Gam keuna mun-a guahzu bangin Israel mite tungah nuntakna guah ka hi ding hi. Unok Paak bangin amaute palh ding a, Lebanon gama singkungte bangin zung thuk kha-in kip ding uh hi.

Joel 2:12

Topa in hih bangin ci hi, “Tu mahmah nangawnin, lungsim tak tawh kisik kikin, an tangin, kapin, thuumna tawh kei kiangah hong paikik un.