Jeremiah 3:20 - Tedim Bible

²⁰ Ahih hangin thuman lo zi in a pasal a nusiat bangin Israel mite aw, Topa in kong cih in ah, no zong kei’ tungah nong thuman kei uh hi,’ ci-in va tangko in,” hong ci hi.

Tedim Bible Revision 2017

²⁰ Ahih hangin a thuman lo zi in a pasal a nusiat bangin Israel mite aw, Topa in kong cih in ah, no zong kei tungah nong thuman kei uh hi,’ ci-in va taangko in,” hong ci hi.

Jeremiah 3:20 Referans Kwoze

Isaiah 48:8

Note pen a lehheek thei na hih lam uh ka thei a, na suah tung uh akipan mi lehdo thei na hihna uh ka thei hi. Tua ahih manin tanglai akipan na bil uh kihong ngei lo a, zong na thei ngei kei uh hi.

Jeremiah 5:11

Israel minamte leh Judah minamte, Topa in ka cih-inah, kei tungah hong thuman nawn het lo uh hi.

Malakhi 2:11

Judah mite citak loin, Pasian’ tungah a thuciamna uh palsat uh a, Israel mite’ lak leh Jerusalem khua sungah siatna tampi gamta uh hi. Topa in a it mahmah biakinn ninsak uh hi. Topa ahi lo, pasian dang a bia numeite zi-in la-in ten’pih uh hi.

Hosea 6:7

Ahi zongin ka ciamna gam a tun’ uh ciangin amaute in Adam khua-ah ka thuciamna palsat uh a, kei tungah hong thuman lo uh hi.

Hosea 5:7

Topa’ tungah amaute citak lo uh a, midangte tawh zawlta nei uh hi. Tu-in amaute leh a neihsa khempeuh uh kisusia ding hi.

Hosea 3:1

Topa in kei kiangah thu hong gen kik a, “Lawm a ngai khinsa, pasal tawh a lumkhawmsa numei khat tawh va kingai in, Israel mite, pasian dangte kiangah pai uh a, leenggah phehkeu tawh a va biak uh hangin, amaute ka it lai veve mah bangin tua numei va it in,” hong ci hi.

Isaiah 24:16

Lei mong a gamla pen pek pan nangawnin “a thuman Pa in vanglian ta hen’ cih la i za ding hi. Ahih hangin keimah in, “Ka lungkham hi, ka lungkham hi. Gimna ngah hi ta ing! Bang hang hiam cih leh mi khemte in khemkhem lai-in sia semsem uh a, khem zawh thu ciam lailai uh hi,” ka ci hi.

Jeremiah 12:1

Topa aw, nang tawh thu i kisel ciangin nang a tawntungin na man den hi; ahih hangin thu khat nang tungah kong dong nuam lai hi. Bang hangin mi gilote a dau pai a, mi khem hatte gualzo sese ahi hiam?