Jeremiah 3:17 - Tedim Bible

¹⁷ Tua hun ciangin Jerusalem khua pen Topa’ kumpi tokhom kici ding a, Jerusalem khua Topa’ omna ah Topa’ min pahtawi dingin, gam khempeuh hong kikhawm ding uh hi. Amaute in amau’ mawh nopna lungsim uh a zui tentan nawn kei ta ding uh hi.

Tedim Bible Revision 2017

¹⁷ Tua hun ciangin Jerusalem khua pen Topaʼ kumpi tokhom kici dinga, Jerusalem khua Topaʼ omna ah gam khempeuh hong kikhawmin, amaute in amauʼ mawhnopna lungsim uh a zui tentan nawn kei ding uh hi.

Jeremiah 3:17 Referans Kwoze

Ezekiel 43:7

“Ezekiel aw, hih lai munah ka kumpi tokhom om hi. Israel mite lak hih lai munah ka teeng ding a, amaute ka uk tawntung ding hi. Israel mite leh a kumpite un pasian dang biakna tawh ahi a, a kumpi sisate uh phawk nading mual bawlna tawh ahi zongin ka min siangtho daisak ngei nawn lo ding uh hi.

Jeremiah 17:12

I biakinnpi in a kipat cila mual tunga om a minthang kumpi tokhom tawh kibang hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite suak ding uh hi. Topa in note hong ompih ding a, tua ciangin note kiangah kei a hong sawlna thu na thei ding uh hi.

Jeremiah 11:8

Ahih hangin amaute in ka thu hong mang loin a bil uh hong ngat lo uh a, a gitlohna lungsim uh a zui tentan uh hi. Hih thuciamna a zuih ding uh thu ka piak hangin hong nial uh ahih manin tua sunga thute a vekpi-in ka tung sak ding hi,” hong ci hi.

Isaiah 66:20

Israel mite in an tawh amau biakpiakna beel siangtho sungah tawi-in Topa’ innah hong paipih uh mah bangin, amaute in minam khempeuhte lak panin Topa’ tungah piak dingin na sanggamte khempeuh uh, sakolte, leengte, taalte, late, kalaoh hatte tungah hong pua-in ka mual siangtho Jerusalem ah hong paipih ding uh hi; Topa in ci hi.

Isaiah 56:6

“Ama na a sem ding, Topa’ min a it ding, ama nasem hi dingin Topa pawlin a beel gamdang mite, sabbath ni tangin a siasak lo mi, ka thuciamna a lenkip mi peuhmah—

Galati 4:26

Ahih hangin tung lamah a om Jerusalem khua ahih leh, eite nu ahi, sila numei hi lo numei ahi hi.

ROM (Romans) 1:21

Amaute in Pasian a thei uh hi napi-in Pasian phat ding a kilawm zahin a phat kei uh a, ama hehpihna phat lo uh tham loin, amau in mawkna-in a ngaihsun uh a, ciamteh thei loin amau lungsim uh a mial hi.

Jeremiah 31:23

A vanglian Topa, Israel mite’ Pasian in hong gen-inah: “Keimah in amaute a gam uhah ka omkik sak ciangin, Judah gam leh a khuapite uhah amaute in, ‘Thuman thutak teen’na mual siangtho aw, Topa in thupha hong pia ta hen,’ ci-in a genkik leuleu ding uh hi.

Jeremiah 18:12

Amau in, ‘Tua bang gen kul lo hi. Ko’ ngimna bangin ka zui ding uh a, mi khempeuh in ama’ lungsim sia’ deihna bangin ka gamta ding uh hi,’ hong ci ding uh hi.

Jeremiah 16:12

Note in na pu na pate sangun na siahuai zaw uh hi. Bang hang hiam cih leh, en un, note’ utna bang ciat na zui tentan uh a, ka thu nong ngai nuam kei uh hi.

Jeremiah 14:21

Nangma’ min hangin kote hong nolh kei in; a vanglian na tokhom mindai sak kei ta in. Kote tawh nong thuciamna phawk in la, hong ciam pel kei ta in.

Jeremiah 9:14

amau’ lungsim’ deihna zui tentan-in a pu a pate-uh’ hilhna bangin Baal nung a zuih man uh ahi hi.

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amau’ gitlohna lungsim uh zui-in amau’ thuthu-in a omzaw uh a, mainawt loin a nungkin zaw uh hi.

Isaiah 66:1

Topa in hih bangin ci hi: “Vantung in keima tokhom hi a, leitung in keima khe ngakna ahi hi; kei’ adingin koi lai-ah inn lam ding a, keima tawlngakna mun koi lai ahi hiam?

Isaiah 59:19

Tua ahih ciangin nisuahna pan nitumna kikal-a om mi khempeuh in amah zahtakin, a vangliatna kihta ding uh hi. Bang hang hiam cih leh Topa’ huih nung bang, tuipi khang bangin amah hong pai ding hi.

Isaiah 26:8

Topa aw, nangma thukham deihna kong zui uh a, nang kong ngak uh hi; nangmah in kote’ deih kicin’na na hi hi.

Isaiah 6:1

Uzziah Kumpipa a sih kumin, a sang mahmah, a lian kumpi tokhom tungah Topa a tu ka mu hi; ama kumpi puanpi pen biakinn sung teng dim hi.

Late 87:3

Pasian’ khuapi aw, nangma minthan’na teng hong kigen hi.

Thukhente 2:19

Ahih hangin thukhente a sih peuhpeuh ciangin amaute kihei kikin a pu a pate uh sangin a sia zaw-in gamta uh a, pasian dangte nung zui uh a, amaute’ na semin a mai uh-ah kun uh hi; amau gamtatnate uh ahi a, a lungkhauhnate uh ahi zongin khia lo uh hi.

Thu-hilhkikna 29:29

“Topa i Pasian in hong lahkhiat loh thusim om a, ahih hangin hih thukham sunga thute khempeuh i zuih theih nadingin a hong lahkhiat thute, eite leh i suan i khakte’ zuih tawntung ding ahi hi.

Gamlak-vakna 15:39

tua in, note in ut luatna tawh na zuih theih zel uh ahi nomau’ lungsim leh nomau’ mittang deihna zui loin, note in na et ding uh puanmongteep leh Topa’ thupiakte khempeuh phawkin na sep ding uh ahi hi.

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

ROM (Romans) 6:14

Bang hang hiam na cih uh leh, thukham nuai-ah om loin, hehpihna nuai-ah na om uh ahih ciangin na mawhna un note hong uk lo ding hi.

Ezekiel 1:26

Tua a kuum tung zangah, sapfeiros suangmanpha tawh a kibawl kumpi tokhom bang pian khat om a, tua tokhom tungah mi tawh a kibang pian lim khat tu hi.

Isaiah 66:18

Bang hang hiam cih leh amau nasepnate leh amau ngaihsutnate ka thei a, minam khempeuh a khawm dingin ka hong pai hi; amaute hong pai-in ka minthan’na mu ding uh hi.

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoihpen luah dingin, gam nopci khat nang hong pia ning, ci-in ka ngaihsun hi. Ka Pa aw, ci-a hong sam ding leh ka nung hong zui den ding kong sa kha hi.

Jeremiah 4:2

‘Topa a nuntak bangin,’ ci a, thuman tak, kip tak, thu tang tak-a thu na ciam nak uh leh, gam khempeuh in thupha ka piak ding hong ngen ding uh a, kei sungah amaute a lungdam ding uh hi,” a ci hi.

Jeremiah 12:15

Ahih hangin amaute ka lakkhiat khit ciangin ka hehpih kik ding a, amau’ luah ding amau’ gam ciatciat uhah ka koihkik ding hi.

Jeremiah 12:16

Tua ciangin, ka mite’ omdan hoih takin a sin uh a, Baal min tawh kiciam dingin ka mite a sinsak mah bangun ‘Topa a nuntak bangin,’ ci-a kei’ min tawh kiciam ding a sin uh leh ka mite’ lakah kip takin a om ding uh hi.

Jeremiah 16:19

Aw Topa, ka hatna leh ka kulhpi, lungkham hun cianga ka bukna aw, leitung mong panin gamdang mite nang’ kiangah hong pai ding uh a, “Ka pu ka pate un zuauthu leh bangmah a, kimang lo milimte longal bangmah a luah kei uh hi.

Jeremiah 33:9

Jerusalem khuapi in kei adingin lungdamna, minphatna leh minthan’na ahi ding hi. A sunga om mite tungah hoihna leh hauhna ka tun’sakna thu a za minam dangte in lau-in a liing ding uh hi.

Ezekiel 48:35

Khuapi kimkot a sauna tong tul sawm leh tul giat pha a, tu-a kipanin hih khuapi min in, ‘Hih lai-ah Topa om hi,’ (Jehovah Shammah) kici ding hi,” hong ci hi.

Zekhariah 8:8

Jerusalem khua sungah ka tun’pih kik ding hi. Amaute in keima mi hi-in, kei in amau’ Pasian ka hi ding a, amau tawh ka thuciamnate uh lim takin ka zui ding uh hi.

1 KUMPI MASATE 8:41

“Tua mah bangin na mi Israel a hilo gamdang mi khat nangma min hangin a gamlapi gam panin hong pai-in

Late 102:23

Amah in, kei a khangtung kimlai ka thahatna hong suktat sak a, ka hunte hong khiapsak khin hi.