Jeremiah 3:15 - Tedim Bible

¹⁵ “‘Ka lungsim bang tuucing kong pia ding-a, amaute in pilna leh siamna tawh note hong uk ding uh hi.

Tedim Bible Revision 2017

¹⁵ “‘Ka thu a hong mang makaite kong pia dinga, amaute in pilna le siamna tawh note hong uk ding uh hi.

Jeremiah 3:15 Referans Kwoze

Jeremiah 23:4

Amaute don ding makaite ka koih ding a, lau nawn lo, lungkham nawn loin khat beek a mangthang nawn kei ding uh hi, Topa in kong ci hi.

Sawltak 20:28

Tua ahih ciangin Topa in a si tawh a lei pawlpi vaak dingin Kha Siangtho in note a hong koih, tuunote leh nomau pumpi uh pha takin na kem un.

Ezekiel 34:23

Amaute a cing dingin ka nasempa David ka koih ding a, amah in amaute hoih takin an vakin kem ding hi.

Paunak 10:21

Mihoihte’ thugente in mi tampi nuamtuam sak a, mihaite in a hai sihpih uh hi.

1 KORIN MASA 2:6

A kicing mite kiangah pilna thu i gen hi. Ahih hangin leitung pilna thu ahi zongin, a mangthang ding hih leitung ukte’ pilna thu ahi zongin ka hilh kei uh hi.

Ezekiel 37:24

Ka nasempa David in amaute’ kumpi hi ding a, mi khat ukna nuai-ah amaute kigawmin, ka thukhamte hoih takin zui ding uh hi.

Luka 12:42

Topa in, “A topa in a hun a tun’ ciangin, a innkuanpihte’ annek tuidawn a hawmsak dinga a koih, a diktat a lungpil nasempa kua ahi hiam?

1 SAMUEL MASA 13:14

Ahih hangin tu-in na ukna kizom suak lo ding hi; Topa in ama lungsim bangin mi khat zong khin hi, Topa in nang hong thupiak zui lo na hih manin ama mite tungah ulian dingin Topa in amah seh khin hi,” a ci hi.

Jeremiah 31:10

“Aw, gamdangte aw, Topa’ kammal ngai un la, gamla pi, tuipi gei-a omte kiangah va gen sawn un. ‘Israel mite a kithehthangsak pa in a kaikhawm kik ding a, tuucingpa in a tuute a cin’ bangin a cing ding hi,’ va ci un.

Ezekiel 34:2

“Ezekiel aw, keima tuuhon ahi Israel mite a cingte mawhsakna thu gen in. Amaute kiangah thu gen khol in la, Topa Pasian ahi keima thugen, amaute kiangah hih bangin gen in: Israel mi a cing note aw, gimna na thuak ding uh hi. Nomau mahmah na kivak uh a, tuute na don kei uh hi.