Jeremiah 3:11 - Tedim Bible

¹¹ Tua ciangin Topa in kei hong hopih-a, “A zulhzau Israel in numei gina lo Judah sangin a mawhna tamzaw hi.

Tedim Bible Revision 2017

¹¹ Tua ciangin Topa in kei hong hopih a, “A zulhzau Israel, numei gina lo Judah sangin a mawhna tam zaw hi.

Jeremiah 3:11 Referans Kwoze

Ezekiel 23:11

“A nau nu Oholibah in hih thu thei napi-in, a u nu Oholah sangin zong a sia zaw, a suk zaw-in paktat lai hi.

Hosea 11:7

Ka mite in kei kiang panin pial ding ngaihsun tawntung ahih manin amaute in kol bulhna thuak ding uh a, kuamah in a kol sutsak lo ding hi.

Hosea 4:16

A kizualsak zo lo bawngla bangin Israel mite phengphi uh ahih manin, lonona munah tuunote an vak bangin amaute bangci an vak ding ka hi hiam?

Ezekiel 16:47

Amaute’ khekhap zui-in a muhdahhuai amaute’ gamtatnate bek tawh na lungkim zo nai kei lai a, tawmvei sungin na gamtatna khempeuh ah amaute sangin na sia zaw hi.

Jeremiah 3:22

Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amau in zong, “En in, nang kiangah kong pai uh hi; bang hang hiam cih leh Topa kote’ Pasian na hi hi.

Jeremiah 3:8

A zulhzau Israel, midang tawh a khialhna hangin kimaakna lai pia-a ka hawlkhiat zong amah in a mu hi. Ahih hangin numei gina lo Judah lau tuanloin pai a, amah zong numei paktat khat mah a va suak veve hi.

Jeremiah 3:7

‘Hih teng a hih khit ciangin kei’ kiangah hong kilehkik ngawn ding hi,’ ci-a ka up hangin amah hong kilehkik tuan lo hi; tua pen numei gina lo a sanggam nu Judah in zong a mu hi.

Jeremiah 11:10

Ka thu a ngai nuam lo a pu a pate uh’ mawhna lamah a kileh hei khin zo uh a, pasian dangte’ na sem dingin a zui khin zo uh hi. Israel mite leh Judah mite in a pu a pate uh tawh ka bawlsa uh ka thuciamna a palsat khin zo uh hi.