Jeremiah 29:6 - Tedim Bible

⁶ Zi pi un la, tanu tapa nei un. Na tapate uh ading mo la un la, na tanute uh mo khak un; tua hi leh amau in zong tanu tapa hong nei ding uh hi. Kiam kei un la, pung zaw un.

Tedim Bible Revision 2017

⁶ Zi pi unla tanu tapa nei un. Na tapate ading mo la unla, na tanute uh mo kha un; tua hileh amau in zong tanu tapa hong nei ding uh hi. Kiam kei unla, pung zaw un.

Jeremiah 29:6 Referans Kwoze

Thukhente 12:9

Amah in tapa sawmthum nei hi; ama beh pualam mite tungah tanu sawmthum mokhak a, a pualam panin a tapate adingin tanu sawmthum la hi. Amah in Israelte kum sagih sung thu khen hi.

Piancilna 29:19

Laban in, “Mi dang' tungah amah ka piak ding sangin nang' tungah amah kong piak ding hoih zaw hi; kei tawh om in,” ci hi.

Piancilna 24:51

En in, Rebekah na mai-ah om hi, amah la in la pai un, Topa’ gensa bangin na topa’ tapa’ zi hisak un,” ci uh hi.

Piancilna 21:21

Amah Paran gamsungah teng hi; a nu in Izipt gam panin ama ading zi khat la hi.

1 TIMOTI MASA 5:14

Tua ahih ciangin a khangno meigongnute in pasal a neih nading, ta zong a neih nading, a inn sung a uk nading, i galte in hong gensiat theih loh nading ahih nadingun ka deih hi.

Thukhente 14:2

Tua ciangin amah paito-in a pa leh a nu kiangah gen a, “Filistia mi nungak khat Timnah-ah ka mu hi; tu in ka zi dingin amah va la un,” a ci hi.

Piancilna 34:4

Tua ahih ciangin Shekhem in a pa Hamor kiangah, “Hih numei ka zi dingin hong laksak in,” ci hi.

Piancilna 9:7

Note, pung-in khang un la; leitungah tampi tak piangkhia un la, tampi pha-in khang un,” ci hi.

Piancilna 24:60

Amaute in Rebekah thupha pia-in ama' kiangah, “Kote’ sanggamnu aw, a tul-tul a then-thente’ nu hi ta in; na suan-le-khakte in amau a mudahte’ khuapite luah ta uh hen!” ci uh hi.

Paikhiatna 5:11

Note pai un la, na muhna peuhpeuh uh-ah na buhtu ding uh va zong tawm un; ahih hangin na nasep uh them khat zong hong kikhiam lo ding hi,’ ci hi,” ci uh hi.