Jeremiah 29:5 - Tedim Bible

⁵ Inn lam un la, a sungah teeng un. Huan bawl un la, a sunga na ciin’te uh ne un.

Tedim Bible Revision 2017

⁵ Inn lam unla, a sungah teeng un. Huan bawl unla, a sungah na cinte uh ne un.

Jeremiah 29:5 Referans Kwoze

Jeremiah 29:28

Bang hang hiam cih leh amah in Babilon khua-ate lai hong khakin, sawt veipi saltang ding na hih manun, inn lamin a sungah teeng un la, huan bawlin a sunga na ciin’te uh ne un, hong ci hi, ci-in na gen hi,’ ci-in Zefaniah kiangah lai na khak hi,” ci-a Shemai-ah kianga gen dingin Pasian in Jeremiah a sawl hi.

Jeremiah 29:10

“Topa in kong cih-inah: Babilon khua-ah kum sawmsagih na om khit uh ciangin, note kong kan kik ding a, kong kamciamna sa hong tangtung sakin, hih munah kong la kik ding hi.

Ezekiel 28:26

Tua gam sungah lungmuang takin teeng ding uh a, amaute in inn lamin, leengguite suan ding uh hi. Israel mite a simmawh minam dangte daan ka pia ding a, Israel mite ahih leh lungmuang takin om hithiat ding uh hi. Tua ciangin keimah in Topa amau’ Pasian ka hihna thu thei ding uh hi,” hong ci hi.

Jeremiah 29:6

Zi pi un la, tanu tapa nei un. Na tapate uh ading mo la un la, na tanute uh mo khak un; tua hi leh amau in zong tanu tapa hong nei ding uh hi. Kiam kei un la, pung zaw un.