Jeremiah 29:10 - Tedim Bible

¹⁰ “Topa in kong cih-inah: Babilon khua-ah kum sawmsagih na om khit uh ciangin, note kong kan kik ding a, kong kamciamna sa hong tangtung sakin, hih munah kong la kik ding hi.

Tedim Bible Revision 2017

¹⁰ “Topa in kong cih in ah: Babylon khua ah kum sawm sagih na om khit uh ciangin, note kong kankik dinga, kong kamciamna sa hong tangtungsakin hih munah kong lakik ding hi.

Jeremiah 29:10 Referans Kwoze

Zekhariah 7:5

“Gam sung mi khempeuh leh siampite tungah hih bangin gen in: Amaute in a beisa kum sawmsagih sung kha ngana leh kha sagihna sungin an tangin a kahna uh, kei hong pahtawina uh hi lo hi.

Daniel 9:2

Amah kumpi a suah zawh a kum masa kumin keimah Daniel in, Topa in kamsang Jeremiah tunga Jerusalem kum sawmsagih sung kisia ding hi, ci-a a genna laibute simin, tua thute ka ngaihsun hi.

Jeremiah 27:22

Tuate Babilon khua-ah kipuakhia ding a, ka kan mateng tua lai-ah a om suak ding hi. Tua khit ciangin tute ka la kik ding a, hih munah ka koih kik ding hi, Topa in kong ci hi,” ci-in ka gen hi.

Jeremiah 25:12

Kum sawmsagih a cin’ khit ciangin Topa in kong cih-inah, Babilon kumpipa leh a gam amau’ mawhna hangin daan ka tat ding a, tua gam a tawntungin gam simtham ka suaksak ding hi.

Zefaniah 2:7

Judah mi a om laite in na gamsung luah ding a, amaute in tuu cin’na-in hong nei-in, Ashkelon khua sunga innte sungah zanin lum ding uh hi. Topa ahi amaute’ Pasian in amaute ompih ding a, amaute, citheisak kik ding hi.

Jeremiah 27:7

Ama’ gam kisiat hun a tun’ mateng gam khempeuh in amah-a kipan a tapa leh a tupa’ na a sepsak ding uh hi. Tua khit ciangin gam tampi leh kumpi liante in amah salin a leh neih kik ding uh hi.

2 KHANG TANGTHU NIHNATE 36:21

Tua sungin Israel leitang in a sabbathte a kicingin na tang hi. Kamsang Jeremiah tung tawnin Topa’ thugen a tun’ nadingin kum sawmsagih a cin’ nadingin leitang a kinusiat sung khempeuh leitang in sabbath tawlngakna a tang ahi hi.

Ruth 1:6

Tua ciangin tua nu a mo tegel tawh Moab gam panin a ciahkik dingin kithawi hi; bang hang hiam cih leh Topa in a mite kemin an a piakna thu Moab gam sung panin amah in za hi.

2 KHANG TANGTHU NIHNATE 36:22

Tu-in Persia kumpipa Sairas’ kum khatna kumin, Jeremiah’ kam pana Topa’ thugen a tangtun’ theih nadingin, Topa in Persia kumpipa Sairas’ lungsim hanthawn a, amah in a kumpigam sung khempeuh ah taangkona khat bawl a, lai-in zong gelh hi.

Ezra 1:1

Persia kumpipa Sairas’ kum khatna kumin, Jeremiah’ tung tawnin Topa’ thugen a tun’ theih nadingin, ama gam sung khempeuh ah tangkona khat bawlin lai-in zong a gelh nadingin Persia kumpipa Sairas’ lungsim ah Topa in suak sak hi. Amah in hih bangin hih hi:

Jeremiah 25:11

Gamsung khempeuh kisia-in gam simtham suak ding a, hih mite khempeuh kum sawmsagih sung Babilon kumpipa’ sal-in a om ding uh hi.

Jeremiah 29:28

Bang hang hiam cih leh amah in Babilon khua-ate lai hong khakin, sawt veipi saltang ding na hih manun, inn lamin a sungah teeng un la, huan bawlin a sunga na ciin’te uh ne un, hong ci hi, ci-in na gen hi,’ ci-in Zefaniah kiangah lai na khak hi,” ci-a Shemai-ah kianga gen dingin Pasian in Jeremiah a sawl hi.

Jeremiah 29:32

Topa in kong cih-inah: En un, keimah in Nehelam khuami Shemai-ah leh a suan a khakte daan ka tat ding hi. Amah in keimah hong langpan nading thu gen ahih manin ka mite ading-a a hoih ka bawl ding nate, amah leh a suan a khakte khat beek in a mu kei ding uh hi,” Topa in kong ci hi,” a ci hi.

Jeremiah 30:3

Bang hang hiam cih leh Topa in kong cih-inah, Israel leh Judah ka mite, a saltan’na uh kong beisak kik ni a hong tung ding hi. A pute a pate-uh’ tunga ka piaksa gamah ka tun’pih kik ding a, amaute in tua gam a tang kik ding uh hi, Topa in kong ci hi,” a ci hi.

Jeremiah 33:14

“En un, Topa in kong cih-inah: Israel mite leh Judah mite’ tunga ka khapsa ka tangtun’ sak hun hong tung ding hi.

Zekhariah 1:12

Tua ciangin Topa’ vantungmi in, “Vanglianpen Topa aw, Jerusalem khuapi leh Judah gam khuapite tungah kum sawmsagih sung na heh khin ta hi. Amaute hehpih loin bang tan vei om lai ding na hi hiam?” ci hi.

Ezra 1:2

“Persia kumpipa Sairas in hih bangin ci hi: Vantung Pasian, Topa in leitung kumpi gam khempeuh keima tungah hong piakhin a, Judah gam sung Jerusalem khua ah ama adingin inn khat ka lamsak ding hong sawl hi.

Late 102:14

Bang hang hiam cih leh na nasemte in tua khua suangtumte itin a leivuite nangawn pammaih sa uh hi.

Ezekiel 11:17

Tua ahih manin Topa ahi keimah in amaute kiangah ka gen thu va gen in. Amaute ka thehthangna gam panin khawm kikin, amaute tungah Israel gam ka pia kik ding hi.