Jeremiah 28:4 - Tedim Bible

⁴ Jehoiakim’ tapa Judah kimpipa Jekoniah leh Judah gam pana Babilon-a sal a, a paite khempeuh zong hih munah ka la kik ding hi, Topa in hong ci hi. Bang hang hiam cih leh Babilon kumpipa’ hakkol ka kuaitan ding hi, a ci hi,” hong ci hi.

Tedim Bible Revision 2017

⁴ Jehoiakimʼ tapa Judah kumpi Jehoiakhin le Judah gam panin Babylon ah salin a paite khempeuh zong hih munah ka lakik ding hi, Topa in hong ci hi. Bang hang hiam cih leh Babylon kumpipaʼ vangliatna ka susia ding hi, ci hi,” a hong ci hi.

Jeremiah 28:4 Referans Kwoze

Jeremiah 22:24

Topa in Jehoiakim’ tapa Judah kumpipa Jekoniah’ tungah, “Kei a nungta Pasian ka hih mah bangin, nangmah in ka taklam khut-a khut zungbuh na hih hangin nang kong lakhia ding a,

Jeremiah 28:2

“A vanglian Topa, Israel mite’ Pasian in hong gen-inah: Babilon kumpipa’ hakkol ka kuaitan zo hi.

Jeremiah 24:1

Babilon kumpipa Nebukhadnezzar in Jerusalem khua panin Jehoiakim’ tapa Judah kumpipa Jekoniah leh Judah kumpi uliante, khutsiamte leh siksek siamte, Babilon khua-ah sal dingin a pai khiatpih khit ciangin Topa in hih mang hong musak hi. Topa’ biakinnpi mai-ah theigah bawm nih dim ka mu hi.

Nahum 1:13

Note tungah Assiria mite’ aana neihna ka beisak ta ding a, note hong khihna sikkhaute ka sutat ding hi,” ci hi.

Jeremiah 30:8

“A vanglian Topa in kong cih-inah, tua ni ciangin amau’ ngawng panin a hakkolte uh ka kuaihtan sak ding a, a khaute ka sutat ding hi. Amaute in gamdang mite’ sal-in a om nawn kei ding uh hi.

Jeremiah 28:10

Tua ciangin kamsangpa Hananiah in kamsangpa Jeremiah’ ngawng panin a hakkol lakkhiat sak a, a kuaihtan sak hi.

Jeremiah 24:5

Hih mun panin Khaldea mite’ gam a, ka puakkhiat Judah mi sal tangte hih theigah hoihte bangin a hoih-in ka ngaihsun ding hi.

Jeremiah 22:10

Judah mite aw, misipa Josiah kah kei un la, khasiat kei un. A kipai khiatpih Shallum adingin nakpi takin kap zaw un, bang hang hiam cih leh a pian’na gam mu dingin amah hong kilehkik nawn lo ding hi.

Jeremiah 2:20

“Sawt pek lai-a kipanin ka hakkol kuaitan-in ka ukna nong nial a, hong kihenna khau sutat-in, ‘Na na ka sem kei ding hi,’ nong ci hi. Hi hi, numei paktat na bang a, mualsang tung teng leh singliim nuai tengah milim na bia kawikawi hi.

Isaiah 9:4

Bang hang hiam cih leh Midian mite a kizawh ni-a bangin nangmah in gik a sak uh a hakkol uh, amau liangko tunga singzawl leh amaute a nengniamte in a satna ciangkhut na kuaihtan sak a, nangma mi a bawlsia minamte na zo gawp hi.

Piancilna 27:40

Na namsau tawh nang na nungta ding a, na sanggampa’ na na sem ding hi; ahih hangin nangmah in na langpan’ ciangin na ngawng panin ama' hakkol na sutan ding hi,” ci hi.

Jeremiah 27:8

“‘Ahih hangin gam khat peuhpeuh ahih kei leh kumpi khat peuhpeuh in Babilon kumpipa Nebukhadnezzar’ na sem loin, Babilon kumpipa’ hakkol a ngawngah a puak kei leh, amah ka ukcip sak mateng tua gam, namsau tawh, kialpi tawh, pulnatna tawh ka daantat ding hi,’ Topa in kong ci hi.

Siampi Laibu 26:13

Note in amau sila na hih loh nadingun Izipt gam panin note a hong paikhiatpih Topa na Pasian uh ka hi hi; keimah in note’ hakkolte kuaitanin note a dingtangin kong pai sak hi.

2 KUMPI NIHNATE 24:14

Amah in Jerusalem khempeuh, a ulian khempeuh leh a thahat a vanglian khempeuh, galmatin tulsawm, khutsiamte leh sikseekte khempeuh ciahpih hi; tua gama a zawngpente simloh kuamah om nawn lo hi.

Jeremiah 13:19

Negeb gam khua kongpite lah kikhak a, kuamah lut thei nawn lo hi; Judah mite zong salin kikai a, a vekpi-un salin kikai khin uh hi.

Jeremiah 29:1

Jerusalem khua panin Nebukhadnezzar in Babilon khua-ah sal-a a paikhiat pih ulian om laite, siampite, kamsangte leh mi khempeuhte’ tungah kamsangpa Jeremiah in Jerusalem khua panin lai khat a khak hi.

Jeremiah 29:2

Tua hunin Jekoniah kumpipa leh a nu, a kumpi inn mangte, Judah gam leh Jerusalem khua-a makai upate, khutsiamte leh sik sekte, Jerusalem khua panin kipaikhiatpih khin zo hi.