Jeremiah 28:15 - Tedim Bible

¹⁵ Tua ciangin kamsangpa Jeremiah in zong Hananiah kamsangpa kiangah, “Na ngai in, Hananiah aw! Topa in nang hong sawl lohpi, hih mite zuauthu na umsak hi.

Tedim Bible Revision 2017

¹⁵ Tua ciangin kei zong kamsang Hananiahʼ kiangah, “Na ngai in, Hananiah! Topa in nang hong sawl lohpi, hih mite zuau thu na umsak hi.

Jeremiah 28:15 Referans Kwoze

Jeremiah 27:15

Topa in kong cih-inah, keimah in amaute ka sawl kei hi. Ahih hangin amaute in kei’ min tawh a man lopi-in thu hilh uh a, tua hangin note leh note’ kianga thu hong hilh kamsangte kong hawlkhia khawm ding a, na si ding uh hi,” ci-in ka gen hi.

Jeremiah 23:21

Topa in, “Keimah in ka sawlkhiat hi lo napi-in tua kamsangte a kuankhia teitei uh hi. Thu bangmah ka gen lohpi, kei’ min-in thu a gen mawkmawk uh hi.

Ezekiel 22:28

Kulh nin kimlai leikang tui tawh a kizut kaang bangin a kamsangte un hih bang mawhnate iimcip uh hi. A man lopi maang mu uh a, a man lopi-in mailam thu gen uh hi. Topa ahi keimah in amaute tungah thu gen lo napi-in, Topa Pasian in hih bangin thu gen hi, ci-in zuau phuakin mite tungah thu gen uh hi.

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.

Jeremiah 29:23

Bang hang hiam cih leh amaute Israel gamah hai gamtat uh hi: a innvengte’ zite mawhpih uh a, thu ka piak lohpi ka min tawh zuauthu a gen uh hi. Keimah Topa in ka mu a, teci ka hi hi, hong ci hi,” ci-in a gelh hi.

Ezekiel 13:22

Keima gen hilo pi-in, na thu zuau gen teng uh tawh mi hoihte na lunggimsak uh a, mi gilote a nuntak theih nadingun hong kihei loh nadingin na lehhanthot zawsop uh hi.

1 KUMPI MASATE 22:23

Tua ahih ciangin tu-in en in, Topa in hih na kamsangte khempeuh’ kam sungah zuauthei kha khat koih khin hi; Topa in nang tawh kisai-in a sia gen khin hi,” a ci hi.

Jeremiah 20:6

Pashhur aw, nang leh na inn sung uh a, omte khempeuh sal dingin Babilon khua-ah na pai ding uh a, tua lai munah nang na si ding hi. Nang leh a man lopi-a na thuhilh a ngai na lawmte khempeuh tawh hong kivui ding uh hi,” a ci hi.

Zekhariah 13:3

Mi khatpeuh kamsang a kineih lai teitei leh, a pian’na a nu leh a pa mahmah in kho ding uh a, ‘Topa’ min paulamin zuauthu gen na hih manin na si ding hi,’ ci ding uh hi. Tua bangin thu a gen teitei leh, a nu leh a pa mahmah in tem tawh sun lum ding uh hi.

Jeremiah 28:11

Hananiah in zong mi khempeuhte’ om lai takin thu gen a, “Topa in, tu-a bangin Babilon kumpipa Nebukhadnezzar’ hakkol, kum nih sungin gam khempeuhte’ ngawng panin ka kuaihtan sak ding hi, a ci hi,” ci-in a gen hi. Tua ciangin Jeremiah a paikhia hi.

Jeremiah 7:8

“En un, phattuamna a om het lo zuauthu na um tazen uh hi.

Jeremiah 29:8

A vanglian Topa, Israel mite’ Pasian in kong gen-inah: note lak-a om na kamsangte uh leh na aisan theite uh’ khem sa-in ta kei un la, a mang mat hong gente uh na ngai kei un.

Ezekiel 13:6

Amaute’ maangmuhnate in zuaupi hi a, a thugen kholhnate uh zong thu zuau ahi hi. Keimah in amaute sawl lo napi-in, amaute in, ‘Topa in hih bangin gen hi,’ ci khem uh hi. Tua bang hi napi-in amaute’ thugente ka tun’sak ding a lamen lai uh hi.

Ezekiel 13:9

Zuau thu tawh maangmu kineihin, mite a khialh theih nadingin zuau thu a gen khol no kamsangte daan a hong pia ding ka hi ta hi, Ka mite a kikhop uh ciangin tuate lakah na kihel kei ding uh a, Israel mite’ min a kigelhna lakah note’ min kigelh lo ding hi. Na gam uhah na ciahkik ngei kei ding uh hi. Tua ciangin Topa Pasian ka hihna thu na thei ding uh hi.

Thu-hilhkikna 13:6

-

Thu-hilhkikna 18:20

Ahih hangin keimah in thu gen dingin thu pia lo napi-in keima min tawh thu a gen kamsangpa hita leh pasian dangte’ min tawh thu a gen kamsangpa hita leh, tua bang kamsangte si ding hi,’ hong ci hi.

Jeremiah 23:31

En un, Topa in kong gen-inah, amau’ ngaihsut tawm thu gen napi a, ‘Topa in ci hi,’ a ci khem kamsangte’ lang khatah kei ka pang hi.