Jeremiah 28:14 - Tedim Bible

¹⁴ Bang hang hiam cih leh a vanglian Topa Israel mite’ Pasian in kong gen-inah: Hih gam khempeuhte’ ngawngah sik hakkol ka thuah khin zo a, amaute in Babilon kumpipa Nebukhadnezzar’ na a sem ding uh hi. Bang hang hiam cih leh gamsate nangawn ama’ tungah ka pia khin zo hi,’ va ci in,” a ci hi.

Tedim Bible Revision 2017

¹⁴ Bang hang hiam cih leh Vanglian Topa, Israel miteʼ Pasian in hong genin ah: Hih gam khempeuhteʼ ngawng ah sik hakkol ka thuah khinzo a, amaute in Babylon kumpipa Nebukhadnezzarʼ na a sem ding uh hi. Bang hang hiam cih leh gamsate nangawn ama tungah ka pia khinzo hi, ci hi,’ va ci in,” hong ci hi.

Jeremiah 28:14 Referans Kwoze

Thu-hilhkikna 28:48

Topa in note’ langah a hong sawl ding na galte uh’ na, gilkialna leh dangtakna, pum guak-a omna, leh na khempeuh kitangsapna tawh, na sem ding uh hi; na galte un note hong suksiat matengin note’ ngawng ah sik hakkol hong thuah ding hi.

Daniel 2:38

Amah in mi’ teen’na leitung teng, ganhing teng leh vasate uk dingin a hong koih hi. Tua kham lutang in nangmah na hi hi.

Jeremiah 40:4

Tu-in, en in, na khuta kibulh kolte, tu ni-in kong sutkhiat sak kong khah khia ta hi. Babilon khua-ah kei tawh pai ding hoih na sak leh hong pai in. Keimah in nang lim takin kong kem ding hi. Ahih hangin Babilon khua-ah kei tawh pai ding hoih nasak kei leh hong pai kei in. Gam khempeuh na mai-ah om a, na pai nopna peuhpeuh ah na pai thei hi,” a ci hi.

Jeremiah 27:4

Amaute in a kumpite uh tungah, a vanglian Topa, Israel mite’ Pasian in hih bangin ci hi, ci-in gen uh hen.

Thu-hilhkikna 4:20

Ahih hangin Topa in tu ni-a bangin sik meikhuk, Izipt panin ama neih mi dingin note hong la-in hong paikhiatpih khin hi.

Jeremiah 15:12

Mi khat in sik kuaitan zo lo ding ahih leh leilu lam-a sik le sumngo kihelkhawm kuaitan zo zaw ding ahi hiam?

Jeremiah 27:8

“‘Ahih hangin gam khat peuhpeuh ahih kei leh kumpi khat peuhpeuh in Babilon kumpipa Nebukhadnezzar’ na sem loin, Babilon kumpipa’ hakkol a ngawngah a puak kei leh, amah ka ukcip sak mateng tua gam, namsau tawh, kialpi tawh, pulnatna tawh ka daantat ding hi,’ Topa in kong ci hi.

Kah la 1:14

Amah in ka mawhnate khempeuh ciamteh a, hen-in lom khat suahin ka ngawng zangah hong khih a, gik lua mahmah ahih manin ka taang zo peuhmah kei hi. Topa in ka galte khut sungah hong pia ahih manin bang mah ka hih thei nawn kei hi.

Hosea 10:11

Israel in lim takin a kihilhsa, an a cil nuam bawngla tawh kibang hi. Ahi zongin a etlawm a ngawng zangah kol bulhin lo khawhsak ding ka ngaihsun hi. Lo khawhna leeng, Judah ka kaisak a, lei kalhkhapna singka, Israel ka kaisak hi.