Jeremiah 28:1 - Tedim Bible

¹ Tua kum mahin (Judah gamah Zedekiah kumpi suah zawh kum li leh kha nga a phak kum) Gibeon khua pana hong pai Azzur’ tapa kamsang Hananiah in Topa’ biakinnpi sungah siampite leh mi khempeuh’ om kim laitakin hong hopih a,

Tedim Bible Revision 2017

¹ Tua kum mahin (Judah gamah Zedekiah kumpi a suah zawh kum li le kha nga a phak kum) Gibeon khua panin a hong pai Azzurʼ tapa kamsang Hananiah in Topaʼ biakinnpi sungah siampite le mi khempeuh a omkim laitakin hong hopih a,

Jeremiah 28:1 Referans Kwoze

Jeremiah 27:1

Josiah’ tapa Zedekiah, Judah gamah kumpi a suah tungin Topa in Jeremiah hong hopih hi.

Joshua 9:3

Ahih hangin Gibeon khua-a teeng mite in Jerikho leh Ai tungah Joshua hihnasa thu a zak uh ciangin,

Jeremiah 37:13

Benjamin Kongpi a tun’ ciangin Shelemiah’ tapa, Hananiah’ tupa Irijah a kici kong cingpa in kamsangpa Jeremiah kiangah, “Nang Khaldea mite lama tai sim ding na hi hi,” ci-in a na man hi.

Jeremiah 36:12

Kumpipa’ inn sung, thuvanpipa’ inndei sungah a paisuk a, tua lai munah thuvanpipa Elishama, Shemiah’ tapa Delaiah, Akbor’ tapa Elnathan, Shafan’ tapa Gemariah, Hananiah’ tapa Zedekiah-te akipan kumpi ulian khempeuh tu-in a na om uh hi.

Jeremiah 28:11

Hananiah in zong mi khempeuhte’ om lai takin thu gen a, “Topa in, tu-a bangin Babilon kumpipa Nebukhadnezzar’ hakkol, kum nih sungin gam khempeuhte’ ngawng panin ka kuaihtan sak ding hi, a ci hi,” ci-in a gen hi. Tua ciangin Jeremiah a paikhia hi.

Jeremiah 27:12

Judah kumpipa Zedekiah’ kiangah zong tua mah bangin ka gen-a, “Na nuntak theih nadingin Babilon kumpipa’ hakkol pua in. Amah leh a mite’ na va sem in.

Jeremiah 27:3

Edom kumpipa tung, Moab kumpipa tung, Ammon mite’ kumpipa tung, Tai-ar kumpipa tung leh Sidon kumpipa tungah Judah kumpipa Zedekiah tawh kimu ding a, Jerusalem khua-a hong pai a kumpi taangmite-uh tung tawnin thu zasak in.

Jeremiah 23:28

Kamsangpa in mang a mat leh a mang bek mah gen hen la, ahih hangin ka thu genna a za mipa in ka thu genna mah man takin gen ta hen. Buhtu leh buhtang bangci kibat theih ding ahi hiam? Topa in kong ci hi.

Isaiah 9:15

Upate leh a zahtak huai mite pen a lutang hi a, zuauthu a hilh kamsangte pen a mei ahi hi;

Joshua 10:12

Tua ciangin, Topa in Israel mite tungah Amor mite a piak ni-in Joshua in Topa tungah thu gen hi; amah in Israelte’ muhna-ah, “Ni aw, Gibeon ah, nang kha aw, Aijalon kuam ah ding cip in,” a ci hi.

1 KUMPI MASATE 3:4

Tua ciangin biakna pia dingin Gibeon ah kumpipa pai hi; bang hang hiam cih leh tua in mual tunga biakna mun lianpen ahi hi; Solomon in tua biaknatau tungah meihal biakna tam veipi tak a piaknasa mun ahi hi.

2 KUMPI NIHNATE 24:18

Zedekiah kumpi a suahin kum sawmnih-le-khat pha a, amah in Jerusalem ah kum sawm-le-khat sung uk hi. Ama nu’ min in Hamutal hi a, Libnah khuami Jeremiah’ tanu ahi hi.

2 KHANG TANGTHU NIHNATE 36:11

Zedekiah in uk ding a kipatin kum sawmnih-le-khat pha a, amah in Jerusalem ah kum sawm-le-khat sung uk hi.

Jeremiah 28:5

Tua ciangin kamsangpa Jeremiah in Topa’ biakinn pi sungah ding-a a om siampite leh mi khempeuhte’ om kim laitakin kamsangpa Hananiah hopih a,

Jeremiah 28:17

Tua kum mah a kha sagih kha-in kamsangpa Hananiah a si ta hi.

Jeremiah 37:19

Nang’ kiang a, ‘Babilon kumpipa in nang leh hih gam hong sim lo ding hi,’ ci-a thu a hong genkhol, na kamsangte tu-in koiah om uh ahi hiam?

Jeremiah 49:34

Judah gamah Zedekiah kumpi a suah tungin Elam gam tawh kisai-in Topa in kamsangpa Jeremiah a hopih hi.

Jeremiah 51:59

Neriah’ tapa, Mahseiah’ tupa, Seraiah in Zedekiah kumpipa’ thuvanpa ahi hi, Kumpipa Zedekiah Judah gamah a maan’ zawh kum li ciangin Seraiah leh kumpipa Babilon-ah a pai uh hi. Tua hun laitakin kamsangpa Jeremiah in Seraiah thu a vaikhak hi,

Hosea 7:3

Amaute in a zuaupi teng uh tawh kumpipa lungdamsak uh a, a khemna teng uh tawh a uliante nuam sak uh hi.

Jeremiah 29:15

“Note in, ‘Eite adingin Topa in Babilon khua-ah kamsang hong koihsak hi,’ ci-in gen na hih manun

Ezekiel 13:6

Amaute’ maangmuhnate in zuaupi hi a, a thugen kholhnate uh zong thu zuau ahi hi. Keimah in amaute sawl lo napi-in, amaute in, ‘Topa in hih bangin gen hi,’ ci khem uh hi. Tua bang hi napi-in amaute’ thugente ka tun’sak ding a lamen lai uh hi.