Jeremiah 27:9 - Tedim Bible

⁹ Tua ahih manin Babilon kumpipa’ na sem kei un, ci-a note’ kianga a hong gen na kamsangte uh, na aisan theite uh, na mang man’ theite uh, na khutlamen theite uh leh na mangsan theite uh’ thu gennate um kei un.

Tedim Bible Revision 2017

⁹ Tua ahih manin Babylon kumpipaʼ na sem kei un, ci-a note kiangah a hong gen na kamsangte uh, na aisan theite uh, na mang man theite uh le na mang san theite uhʼ thugennate um kei un.

Jeremiah 27:9 Referans Kwoze

Jeremiah 14:14

Tua ciangin Topa in, “Tua kamsangte in kei’ min suang-in zuauthu hong gen uh hi. Amaute ka sawl kei a, thu ka pia kei a, zong ka hopih kei hi. Note kianga hong gen uh thute a manlo mangmuhna, bangmah kimang lo aisanna leh amau leh amau’ lungsim kikhem tawmna thute ahi hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Jeremiah 29:8

A vanglian Topa, Israel mite’ Pasian in kong gen-inah: note lak-a om na kamsangte uh leh na aisan theite uh’ khem sa-in ta kei un la, a mang mat hong gente uh na ngai kei un.

Isaiah 8:19

Amaute in note kiangah, “Phun suau-suau-in a pau mualmual vankah theite leh aisan theite kiangah thu dong un. Mite in amaute’ pasian thu dongin, mihingte’ thu pen misite dot ding mah hilo ahi hiam?” hong ci ding uh hi.

Mangmuhna 22:15

Pua lamah ahih leh, uite, mi bum theite, nu leh pa mawhna a bawl theite, mi that theite, milim biate leh a man lo nate deihin a gamta thei mite a om uh hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

Mangmuhna 18:23

Meivakna nang sungah cikmah hunin kivak nawn lo ding hi. Mo leh Mopipa’ aw nang sungah cikmah hunin kiza nawn lo ding hi. Bang hang hiam na cih uh leh, na sumbukte in leitung upate ahi ngei uh hi. Nangma bum theih siamna in zong mipawlte a kheem hi.

Mangmuhna 9:21

amaute thahnate, mi bumnate, numei leh pasal mawhnate, guktaknate zong a kisik kei uh hi.

Sawltak 8:11

Amah in mitphial bawlin, sawt veipi mite lamdang sasak ahih ciangin amaute in a thu a ngai uh hi.

Micah 3:7

Kamsanngte in maizumna thuak ding uh a, thu-mu theite in zumna thuak ding uh hi; amaute in a muk uh hum ding uh hi, bang hang hiam cih leh Pasian’ dawnna om lo hi.

Jeremiah 23:32

En un, Topa in kong gen-inah, ka sawl lohpi zuau mang manin tua thu hilh a, a zuauthu uh leh a kiphatsakna uh tawh ka mite a makaih khialhpih mite’ lang khatah kei ka pang hi. Ka mite adingin, amaute a kiman’na uh themkha beek om lo hi, Topa in kong ci hi.

Jeremiah 23:25

Ka min tawh zuau phuak-in, ‘Mang man zo ing, mang man zo ing,’ ci-a a gen kamsang zuau theite’ thuhilhnate zong ka za khin zo hi.

Jeremiah 23:16

A vanglian Topa in, “Note kiangah thu hong hilh a, a hong lamen khialsak kamsangte’ thu gennate ngai kei un. Amaute in a lungsim sung uh-a a geltawm uh hong gen uh ahi a, keima kiang pana hong pai thu ahi kei hi.

Joshua 13:22

Beor’ tapa, aisanpa Balaam zong, Israel mite in a dang a thahte lakah namsau tawh that khawm uh hi.

Thu-hilhkikna 18:14

Bang hang hiam cih leh note in na suankhiat ding uh hih minamte in khong khaite leh ai saante’ thu ngai uh hi; ahih hangin note ahih leh tua banga na gamtat ding uh Topa na Pasian un hong phal lo hi.

Paikhiatna 7:11

Tua ciangin Faro in mi pilte leh aisan siamte sam hi; amau’ Izipt mitphial siamte in zong amau’ siamna tawh tua bang teek mahin bawl thei uh hi.

Zekhariah 10:2

Mihingte in milim peuh, thudotin nei uh a, a thu ngahte uh, zuauthu leh a mawkna hi lel hi. Mang khia thei-a kineite in lamlak khial uh a, amau’ hehnepnate, a mawknapi hi lel hi. Tua ahih manin, tuu bangin mite mangthang uh a, makai a neih loh manun gimna ngah uh hi.

Efesa 5:6

A mawkna kam tawh note kuamah kikheem sak kei un. Bang hang hiam na cih uh leh, tuate hangin Pasian’ hehna in a nial thei mite tungah a tung hi.

Paikhiatna 22:18

“Numei aisannu na hing khawi kei ding uh hi.

Paunak 19:27

Thuhilhna a mang nuam lo tapa in, pilna a thei kha lo ding tapa ahi hi.

Ezekiel 21:29

No Ammon mite aw, a siangtho lo, mi gilote, a daantuah nading uh hun tungta ahih manin, sumai gawp un, ci-in a hong hanthawn, na mangmuhnate uh zuaupi hi a, na ai phate uh a mawkna hi.

Daniel 4:7

Tua ciangin aisan theite, mitphial siamte, khongkhaitheite, aksi et siamte khempeuh hong pai uh a, amaute kiangah ka mang ka gen hi. Ahih hangin a khiatna a hong gen thei kei uh hi.

Thu-hilhkikna 13:2

ama hong gen lim ahi a, nalamdang ahi zongin hong tungin, na theih ngei loh uh, ‘Adang pasiante nung zui-in amaute na sem ni,’ hong cih leh,