Jeremiah 27:4 - Tedim Bible

⁴ Amaute in a kumpite uh tungah, a vanglian Topa, Israel mite’ Pasian in hih bangin ci hi, ci-in gen uh hen.

Tedim Bible Revision 2017

⁴ Amaute in a kumpite uh tungah, Vanglian Topa, Israel miteʼ Pasian in hih bangin ci hi, ci-in gen uh hen.

Jeremiah 27:4 Referans Kwoze

Jeremiah 51:19

Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, ama’ min in a vanglian Topa ahi hi.

Jeremiah 25:27

Tua ciangin Topa in hong hopih a, “Amaute kiangah, ‘A vanglian Topa, Israel mite’ Pasian in hih bangin ci hi: Dawn un. Kham un la, lua un. Note’ kiangah namsau hong pai sak ding ka hih manin tuk un la, tho zo nawn kei un,’ va ci in.

Jeremiah 10:16

Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, Ama’ min in a vanglian Topa ahi hi.

Jeremiah 10:10

Ahih hangin Topa in Pasian man hi a, amah in a nungta Pasian leh tawntung Kumpipa ahi hi. A heh ciangin lei ki-liing-a, gamte in a hehna nang zo lo hi.

Paikhiatna 5:1

Tua khit ciangin Faro kiangah Moses leh Aaron pai-in, “Israel Pasian, Topa in hih bangin ci hi, ‘Amaute in gam lakah kei adingin pawi khat a kham theih nadingun ka mite paisak in,’ ci hi,” ci uh hi.

Jeremiah 27:3

Edom kumpipa tung, Moab kumpipa tung, Ammon mite’ kumpipa tung, Tai-ar kumpipa tung leh Sidon kumpipa tungah Judah kumpipa Zedekiah tawh kimu ding a, Jerusalem khua-a hong pai a kumpi taangmite-uh tung tawnin thu zasak in.

Jeremiah 27:5

‘Keimah in a lian mahmah ka vangliatna tawh ka khut zan-in, leitung leh leitung-a om mite leh ganhingte ka bawl a, piaktuak ka sakte’ tungah ka pia hi.

Jeremiah 28:14

Bang hang hiam cih leh a vanglian Topa Israel mite’ Pasian in kong gen-inah: Hih gam khempeuhte’ ngawngah sik hakkol ka thuah khin zo a, amaute in Babilon kumpipa Nebukhadnezzar’ na a sem ding uh hi. Bang hang hiam cih leh gamsate nangawn ama’ tungah ka pia khin zo hi,’ va ci in,” a ci hi.