Jeremiah 27:3 - Tedim Bible

³ Edom kumpipa tung, Moab kumpipa tung, Ammon mite’ kumpipa tung, Tai-ar kumpipa tung leh Sidon kumpipa tungah Judah kumpipa Zedekiah tawh kimu ding a, Jerusalem khua-a hong pai a kumpi taangmite-uh tung tawnin thu zasak in.

Tedim Bible Revision 2017

³ Edom kumpipa tung, Moab kumpipa tung, Taiar kumpipa tung le Sidon kumpipa tungah, Judah kumpipa Zedekiah tawh kimu dingin Jerusalem khua ah a hong pai a kumpi taangmiteʼ tungtawnin thu zasak in.

Jeremiah 27:3 Referans Kwoze

Amos 1:9

Topa in hih bangin ci hi: Tai-ar khuamite a khialh kikkik nilohna hangun pel loin amaute daan ka tat ding hi. Bang hang hiam cih leh amaute in, minam bup khat Edom mite tungah ap uh a, lawmta dinga a thuciamna uh zui lo uh hi.

Ezekiel 29:18

“Ezekiel aw, Babilon kumpipa Nebukhadnezzar in, Tai-ar khuapi sim hi. A galkapte, nakpi takin hanciam sak lua ahih manin a sam nangawn uh pulhmangin a liangkote uh a sa nangawn lengkhia gawp a, ahi zongin tua bangin amau’ gim thamanin kumpipa leh a galkapte in bangmah phattuamna ngah lo uh hi.

2 KHANG TANGTHU NIHNATE 36:13

Pasian tawh a kiciamsak Kumpi Nebukhadnezzar zong amah in lehdo hi; Israel Pasian, Topa’ kiang zuan kik nuam lo a, zong kisik nuam loin a lung khauhsak hi.

Isaiah 23:4

Sidon aw, maizum in bang hang hiam cih leh tuipi in thu gen khin hi, tua tuipi munmuan huai in: “Keimah in nau paii-in na ka sa ngei kei a, nau ka nei ngei kei hi; ta numei ka khoi ngei kei a, ta pasal zong ka khan’suah ngei kei hi,” ci hi.

Jeremiah 27:4

Amaute in a kumpite uh tungah, a vanglian Topa, Israel mite’ Pasian in hih bangin ci hi, ci-in gen uh hen.

Jeremiah 27:12

Judah kumpipa Zedekiah’ kiangah zong tua mah bangin ka gen-a, “Na nuntak theih nadingin Babilon kumpipa’ hakkol pua in. Amah leh a mite’ na va sem in.

Jeremiah 28:1

Tua kum mahin (Judah gamah Zedekiah kumpi suah zawh kum li leh kha nga a phak kum) Gibeon khua pana hong pai Azzur’ tapa kamsang Hananiah in Topa’ biakinnpi sungah siampite leh mi khempeuh’ om kim laitakin hong hopih a,