Jeremiah 27:21 - Tedim Bible

²¹ Topa’ biakinnpi sung, Judah kumpipa’ inn sung leh Jerusalem khua sunga a kinusia lai beelte tawh kisai-in ahi zongin a vanglian Topa, Israel mite’ Pasian in kong gen-inah:

Tedim Bible Revision 2017

²¹ Topaʼ biakinnpi sung, Judah kumpipaʼ inn sung le Jerusalem khua sungah a kinusia lai beelte tawh kisai-in ahi zongin Vanglian Topa, Israel miteʼ Pasian in a genin ah:

Jeremiah 27:21 Referans Kwoze

Jeremiah 20:5

Tua tham loin khuapi sunga hauhna khempeuh, a nasep sa uh khempeuh, a neih a lam thupi teng khempeuh leh Judah kumpite’ sum leh pai khempeuhte a galte’ khut sungah ka pia ding a, amau in sutin, manin, Babilon khua-ah a paipih ding uh hi.

Jeremiah 27:22

Tuate Babilon khua-ah kipuakhia ding a, ka kan mateng tua lai-ah a om suak ding hi. Tua khit ciangin tute ka la kik ding a, hih munah ka koih kik ding hi, Topa in kong ci hi,” ci-in ka gen hi.

2 KUMPI NIHNATE 20:17

En in, na inn sunga om khempeuh leh na pu na pate in tu ni donga a kholte Babilon ah a kipuak ni ding hong tung ding hi; bangmah kisiit lo ding hi, Topa in ci hi.

2 KHANG TANGTHU NIHNATE 36:18

Tua ciangin Topa’ inn a, um-le-beel khempeuh a lian a neu, leh Topa’ inn a, vanmanphate leh kumpipa leh a uliante’ vanmanphate khempeuh amah in Babilon ah paipih hi.

Ezra 1:7

Tua tham loin, Nebukhadnezzar in Jerusalem panin puakhia-in ama pasiante’ inn sungah a koihsa ahi Topa’ inn-a om ngei um-le-beelte zong kumpipa Sairas in pusuah hi.

Ezra 1:11

Kham leh ngun kibawl um-le-beelte khempeuh a vekpi-in tulnga leh zali pha hi; tua hi a, Babilon panin salte a kiciahpih kik ciangin Sheshbazzar in tua nate khempeuh Jerusalem ah ciahpih hi.

Isaiah 39:6

En in, na inn sunga omte khempeuh leh na pu na pate in tu ni dong a, a kholsate, Babilon-ah a kipuak ding ni hong tung ding hi; bangmah kinusia lo ding hi, Topa in ci hi.

Kah la 1:10

A galte in a neih a lam khempeuh a laksak hi. Biakinnpi sungah lut uh a, Topa in Gentailte pai nading a khamna munah a lut uh a mu uh hi.