Biblia Todo Logo
Bib sou entènèt

- Piblisite -




Jeremiah 27:18 - Tedim Bible

18 Amaute kamsang taktak ahih uh a, Topa in ka hopih taktak ahih uh leh, Topa’ biakinnpi sung, Judah kumpipa’ inn sung leh Jerusalem khua sunga a kinusia lai beelte Babilon khua-ah a kipuak khiat nawn loh nadingin a vanglian Topa kiangah hong thuum uh hen.

Gade chapit la Kopi

Tedim Bible Revision 2017

18 Amaute kamsang taktak ahih uh a, Topa in ka hopih taktak ahih uh leh, Topaʼ biakinnpi sung, Judah kumpipaʼ inn sung le Jerusalem khua sungah a kinusia lai beelte Babylon khua ah a kipuakkhiat nawn loh nadingin Vanglian Topa kiangah hong thum uh hen.

Gade chapit la Kopi




Jeremiah 27:18
18 Referans Kwoze  

Tua ciangin Israel mite in Samuel kiangah, “Filistiate khut sung panin amah in eite hong hotkhiat theih nadingin Topa i Pasian tungah eite adingin thunget na khawl kei in,” a ci uh hi.


Hoihna pen siatna tawh a kituak ding mah ahi hiam? Ka kiat nadingin dum a to uh hi. Nangma mai-ah kong ding a, amau ading thuhoih kong gensak a, na hehna amau tungah na tun’sak loh nading kong gennate hong phawk in.


Tua ciangin note in na pasian tung uhah thu ngenin, keimah in Topa tungah thu ka ngen ding hi; tua ciangin thungetna mei tawh hong pia pasian in Pasian taktak ahi hi,” a ci hi. Tua ciangin mi khempeuh in dawngin, “Hih thugen hoih hi,” a ci uh hi.


Tua tham loin kei zong, note adingin Topa tungah thunget lohna tawh ka na khial het kei ding hi; keimah in a hoih a man lampite note kong hilh ding hi.


Tua ciangin mi khempeuh in Samuel kiangah, “Kote ka sih loh nadingun na nasemte’ adingin Topa tungah thungen in; bang hang hiam cih leh ka khialhnasate uh banah kote adingin kumpi khat ngenin hih siatna ka behlap lailai uh hi,” a ci uh hi.


Tua ciangin no siampite aw, Pasian in eite hong hehpih theih nadingin ama kiangah thuum un. Na hih ngeisa bangun na ngetnate uh hong pia lo ding a, tua in nomau’ khialhna ahi hi.


Keimah in ka hehna tawh ka suksiat ding hun ciangin kulh a ciang zo ding, kulh a kicipna munah a ding zo ding, leh gamsung a hu zo ding mi khat amaute lakah ka zong a, ahi zongin tua bang ding mi khat beek ka mu kei hi.


Noah, Daniel leh Job, hih mihing thumte nangawn, amaute’ lakah a om hi leh, amaute’ hoihna in amau’ nuntakna ciat bek mah suaktak zo ding uh hi. Topa Pasian in ci hi.


kamsangpa Jeremiah’ kiangah, “Kong thuumna uh hong ngai in la, hih a hong kinusia teng adingin Topa na Pasian’ kiangah, thu hong ngetsak in. Bang hang hiam cih leh khat vei lai-in mi tampi ka hih uh hangin tu-in nong muh mah bangin, mi tawmno khat bek ka hi ta uh hi.


Tua ciangin Topa in kei hong hopih a, “Moses leh Samuel nangawn ka mai-ah a hong ding zawzen zongun ka lungsim hih mite lam a nga tuan kei ding hi. Ka muhna panin hawlkhia un la, paikhia sak un!


“Jeremiah aw, hih mite adingin thu ngetsak kei in. Amau adingin kapin kei’ tungah hong thuumsak kei in. Bang hang hiam cih leh nong thuumna kong ngai kei ding hi.


Tua ciangin kumpipa Hezekiah leh Amoz’ tapa, kamsangpa Isaiah in hih thu hangin thu ngenin vantung lamah kiko uh hi.


Tua ciangin amaute in amau tungah a kipia bawngtal la-in bawl uh a, zingsang-a kipan sun dong Baal tungah thu ngenin, “Baal aw, kote hong dawng in!” a ci uh hi. Ahih hangin awging om lo a, kuamah in dawng lo hi. Tua ciangin amau’ bawlsa biakna tau-ah amaute diang uh hi.


Tua ciangin Abraham in Pasian' tungah thungen a, Pasian in Abimelek damsak hi. Amaute in ta a neih theih nadingin a zi leh a numei-silate zong damsak hi.


Swiv nou:

Piblisite


Piblisite