Jeremiah 27:15 - Tedim Bible

¹⁵ Topa in kong cih-inah, keimah in amaute ka sawl kei hi. Ahih hangin amaute in kei’ min tawh a man lopi-in thu hilh uh a, tua hangin note leh note’ kianga thu hong hilh kamsangte kong hawlkhia khawm ding a, na si ding uh hi,” ci-in ka gen hi.

Tedim Bible Revision 2017

¹⁵ Topa in kong cih in ah, ‘Keimah in amaute ka sawl kei hi. Ahih hangin amaute in keiʼ min tawh a man lopi-in thu hilh uh a, tua hangin note le noteʼ kiangah thu hong hilh kamsangte kong sawl khia khawm dinga, na si ding uh hi,’ ci hi,” ci-in ka gen hi.

Jeremiah 27:15 Referans Kwoze

Jeremiah 27:10

Bang hang hiam cih leh note’ kianga hong gen uh thu in zuauthu hi a, tua hangin na gam uh panin gamla pi-ah note hong kipai khiatpih ding hi. Keimah in note kong hawlkhia ding a, note na si ding uh hi.

2 KHANG TANGTHU NIHNATE 25:16

Ahih hangin amah in thu a gen lai takin kumpipa in ama kiangah, “Kumpi tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsangpa khawl a, ahih hangin, “Nangmah in hih bang gamta-in ka thugenna ngai lo na hih manin Pasian in nang hong suksiat ding a lungsim a khentatna ka thei hi,” a ci hi.

Mangmuhna 19:20

sahang tawh, sahang mai-ah nalamdangte lakin, sahang ciamtehna nei-in, sahang milim a bia uh mite a kheem, a zuau kamsangpa in kimatna a thuak khit ciangin, amau nih in kat meiphual sungah a hing tangin kikhiatna a thuak uh hi.

Mattiu 24:24

Bang hang hiam na cih uh leh, zuauthu gen kamsangte leh Khazih zuautheite hong piang ding uh a, a teelsate nangawn a khem zawh leh a khem nadingun, lim leh nalamdang a liante hong lak ding uh hi.

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

Jeremiah 29:9

Bang hang hiam cih leh ka min tawh no’ tunga hong gen uh thute zuauthu hi a, ka sawl lohpi ahi uh hi, Topa in kong ci hi.

Jeremiah 23:21

Topa in, “Keimah in ka sawlkhiat hi lo napi-in tua kamsangte a kuankhia teitei uh hi. Thu bangmah ka gen lohpi, kei’ min-in thu a gen mawkmawk uh hi.

Jeremiah 23:15

Tua ahih manin tua kamsangte tawh kisai-in a vanglian Topa in kong gen-inah: “En un, keimah in amaute gamsai tawh ka vak ding a, gu kisawh tui ka dawnsak ding hi. Bang hang hiam cih leh Jerusalem khua kamsangte’ kiang panin gamsung mun khempeuh ah Pasian zahtak lohna hong kizel hi,” a ci hi.

Jeremiah 20:6

Pashhur aw, nang leh na inn sung uh a, omte khempeuh sal dingin Babilon khua-ah na pai ding uh a, tua lai munah nang na si ding hi. Nang leh a man lopi-a na thuhilh a ngai na lawmte khempeuh tawh hong kivui ding uh hi,” a ci hi.

Jeremiah 23:25

Ka min tawh zuau phuak-in, ‘Mang man zo ing, mang man zo ing,’ ci-a a gen kamsang zuau theite’ thuhilhnate zong ka za khin zo hi.

Jeremiah 29:8

A vanglian Topa, Israel mite’ Pasian in kong gen-inah: note lak-a om na kamsangte uh leh na aisan theite uh’ khem sa-in ta kei un la, a mang mat hong gente uh na ngai kei un.

Jeremiah 14:14

Tua ciangin Topa in, “Tua kamsangte in kei’ min suang-in zuauthu hong gen uh hi. Amaute ka sawl kei a, thu ka pia kei a, zong ka hopih kei hi. Note kianga hong gen uh thute a manlo mangmuhna, bangmah kimang lo aisanna leh amau leh amau’ lungsim kikhem tawmna thute ahi hi.

Jeremiah 38:22

En in, Judah kumpipa’ inn sunga a kinusia numei khempeuh Babilon kumpipa’ uliante kiangah kipaipih uh a, tua numeite in Zedekiah’ kiangah, ‘Na lawm muan’te in hong khem uh a, nang hong zo ta uh hi; na khe buan sungah tum ahih manin, hong nungngat ta uh hi,’ ci-in a gen uh hi.