Jeremiah 27:13 - Tedim Bible

¹³ Bang hangin nang leh na mite, namsau tawh, kialpi tawh, pulnatna tawh si ding na hi uh hiam? Babilon kumpipa’ na a sem lo gam khat peuhpeuh tua ci sih ding hi, ci-in Topa in a gen hi.

Tedim Bible Revision 2017

¹³ Bang hangin namsau tawh, kialpi tawh, pulnatna tawh nang le na mite si ding uh ahi hiam? Babylon kumpipaʼ na a sem lo gam khat peuhpeuh tua ci sih ding, ci-in Topa in a gen hi.

Jeremiah 27:13 Referans Kwoze

Ezekiel 18:31

Na gamtatnasa uh mawhna khempeuh nusia un la, na lungsim leh na ngaihsutna uh thaksuahsak un. Bang hangin no Israel mite si nuam na hi uh hiam?

Jeremiah 27:8

“‘Ahih hangin gam khat peuhpeuh ahih kei leh kumpi khat peuhpeuh in Babilon kumpipa Nebukhadnezzar’ na sem loin, Babilon kumpipa’ hakkol a ngawngah a puak kei leh, amah ka ukcip sak mateng tua gam, namsau tawh, kialpi tawh, pulnatna tawh ka daantat ding hi,’ Topa in kong ci hi.

Paunak 8:36

Ahi zongin kei hong mu lopa in amahmah a kisusia hi a, kei hong mudah peuhmah, a si nuam ahi hi,” hong ci hi.

Ezekiel 33:11

Amaute kiangah hih bangin gen in: Keimah in a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deihna hi zaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Ezekiel 18:24

Ahi zongin mihoih khat in a gamtat hoihna teng khawlin, migilote’ gamtat bangin a mindaihuai, gamtat siate gamtat ding hong kipan leh, amah nungta paisuak ding ahi hiam? Nungta het lo ding hi. A hoih ama gamtatnasate kiphawksak lo ding hi. Ama cihtaklohna leh ama mawhna hangin si ding hi.

Ezekiel 14:21

“Topa Pasian’ thugen in hih bang ahi hi. Mihing ganhing a sumai dingin daan nasia pen li ahi gal, kialpi, a kihtakhuai gamsate, leh natna, Jerusalem ah ka tungsak ding hi.

Jeremiah 38:20

Jeremiah in, “Amaute kiangah nang hong kipia lo ding hi. Tu-a kong gen bangin Topa’ thu mang in. Tua hi leh nang adingin hoih ding a, na nuntakna hong kihu ding hi.

Jeremiah 38:2

Jeremiah in mite’ kiangah, “Topa in hong cih-inah, Hih khuapi sunga a om mi peuhmah namsau tawh ahi zongin, kial tawh ahi zongin, pulnatna tawh ahi zongin a si ding uh hi. Ahih hangin pusuak khia-in Khaldea mite a beel peuhmah a nungta ding a, a suakta liailiai ding uh hi.

Jeremiah 24:9

Amaute ka hawlkhiat nading mun khempeuh mite in kihaamsiatna a, a zat dingun simmawhna leh zahkonate ka thuaksak ding a, amaute’ thuakna hangin leitung gam khempeuh ka lausak ding hi.

Jeremiah 17:4

Nang kong piak na gam zong na taan ding a, na theih ngei loh uh gam khatah na galte’ na ka hong semsak ding hi; bang hang hiam cih leh ka hehna kitawh kuang a, a mit nawn kei ding hi.

Jeremiah 38:23

Na zite leh na tate khempeuh Khaldea mite kiangah kipaipih ding a, nangmahmah zong amaute’ khut sung panin na suakta kei ding hi. Babilon kumpipa in hong man ding a, hih khuapi mei tawh a kangtum ding hi,” a ci hi.