Jeremiah 27:12 - Tedim Bible

¹² Judah kumpipa Zedekiah’ kiangah zong tua mah bangin ka gen-a, “Na nuntak theih nadingin Babilon kumpipa’ hakkol pua in. Amah leh a mite’ na va sem in.

Tedim Bible Revision 2017

¹² Judah kumpipa Zedekiah kiangah zong tua bangmahin ka gen a, “Na nuntak theih nadingin Babylon kumpipaʼ hakkol pua in.

Jeremiah 27:12 Referans Kwoze

Jeremiah 38:17

Tua ciangin Jeremiah in Zedekiah kiangah, “Topa, a vanglian Pasian, Israel mite’ Pasian in hong gen-inah, Babilon kumpipa’ uliante na belh leh na nuntakna hong kihu ding a, hih khuapi in zong mei tawh hal tumna thuak loin nang leh na innkuanpihte na suakta ding uh hi.

Jeremiah 28:1

Tua kum mahin (Judah gamah Zedekiah kumpi suah zawh kum li leh kha nga a phak kum) Gibeon khua pana hong pai Azzur’ tapa kamsang Hananiah in Topa’ biakinnpi sungah siampite leh mi khempeuh’ om kim laitakin hong hopih a,

Jeremiah 27:8

“‘Ahih hangin gam khat peuhpeuh ahih kei leh kumpi khat peuhpeuh in Babilon kumpipa Nebukhadnezzar’ na sem loin, Babilon kumpipa’ hakkol a ngawngah a puak kei leh, amah ka ukcip sak mateng tua gam, namsau tawh, kialpi tawh, pulnatna tawh ka daantat ding hi,’ Topa in kong ci hi.

Paunak 1:33

ahi zongin, ka thugenna a ngaite in lungmuanna ngah ding a, launa nei loin nuam takin om ding uh hi,” a ci hi.

Jeremiah 17:4

Nang kong piak na gam zong na taan ding a, na theih ngei loh uh gam khatah na galte’ na ka hong semsak ding hi; bang hang hiam cih leh ka hehna kitawh kuang a, a mit nawn kei ding hi.

Jeremiah 28:2

“A vanglian Topa, Israel mite’ Pasian in hong gen-inah: Babilon kumpipa’ hakkol ka kuaitan zo hi.

Jeremiah 42:11

Na kihtak uh Babilon kumpipa kihta nawn kei un. Topa in kong cih-inah, lau nawn kei un. Bang hang hiam cih leh amah’ khut sung pana hong honkhia ding leh hong lakhia dingin keimah in kong ompih hi.

Jeremiah 21:9

Hih khuapi sunga a om mi peuhmah namsau tawh ahi zongin, kial tawh a hi zongin, pulnatna tawh a hi zongin a si ding uh hi. Ahih hangin pusuak khia-a, note a hong do Khalde mite kianga a lut peuhmah a nungta ding uh a, a suakta liailiai ding uh hi.