Jeremiah 27:10 - Tedim Bible

¹⁰ Bang hang hiam cih leh note’ kianga hong gen uh thu in zuauthu hi a, tua hangin na gam uh panin gamla pi-ah note hong kipai khiatpih ding hi. Keimah in note kong hawlkhia ding a, note na si ding uh hi.

Tedim Bible Revision 2017

¹⁰ Bang hang hiam cih leh noteʼ kiang a hong gen uh thu pen zuau thu hi a, tua hangin na gam uh panin gamlapi ah note hong kipaikhiat pih ding hi. Keimah in note kong hawl khia dinga, note na si ding uh hi.

Jeremiah 27:10 Referans Kwoze

Jeremiah 32:31

Hih khuapi in, a kisat cil-a kipan tu ni ciang dong hong hehsakin hong thangpaisak ahih manin ka muhna panin ka hemkhia ding hi.

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.

Jeremiah 28:16

Tua ahih manin Topa in a hong gen-inah: ‘En in, hih leitung panin nangmah kong lakhia ding hi. Topa langpan’na thu gen na hih manin tu kum sung mahin na si ding hi,’ hong ci hi,” a ci hi.

Jeremiah 27:14

Babilon kumpipa’ na sem kei un, ci-a note’ kiang-a hong gen kamsangte’ thu gennate um kei un. Bang hang hiam cih leh note kiang-a hong gen uh thu in zuauthu ahi hi.

Jeremiah 23:25

Ka min tawh zuau phuak-in, ‘Mang man zo ing, mang man zo ing,’ ci-a a gen kamsang zuau theite’ thuhilhnate zong ka za khin zo hi.

Paikhiatna 22:18

“Numei aisannu na hing khawi kei ding uh hi.

Thu-hilhkikna 18:10

Note lakah a tanu ahi a, a tapa ahi zongin biakna-in a zang, ai a saan, khong a khai, mai lam thu a gen, ai a tawi,

Jeremiah 8:19

Ngai un, gamsung mun khempeuh panin ka mite’ tanute kap uh hi: “Zion khua-ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawng kik a, “Bang hangin a milim bawl tawmte uh leh a gamdang milimte uh tawh kei hong hehsak uh ahi hiam?” a ci hi.

Jeremiah 14:14

Tua ciangin Topa in, “Tua kamsangte in kei’ min suang-in zuauthu hong gen uh hi. Amaute ka sawl kei a, thu ka pia kei a, zong ka hopih kei hi. Note kianga hong gen uh thute a manlo mangmuhna, bangmah kimang lo aisanna leh amau leh amau’ lungsim kikhem tawmna thute ahi hi.

Jeremiah 23:16

A vanglian Topa in, “Note kiangah thu hong hilh a, a hong lamen khialsak kamsangte’ thu gennate ngai kei un. Amaute in a lungsim sung uh-a a geltawm uh hong gen uh ahi a, keima kiang pana hong pai thu ahi kei hi.

Jeremiah 27:15

Topa in kong cih-inah, keimah in amaute ka sawl kei hi. Ahih hangin amaute in kei’ min tawh a man lopi-in thu hilh uh a, tua hangin note leh note’ kianga thu hong hilh kamsangte kong hawlkhia khawm ding a, na si ding uh hi,” ci-in ka gen hi.

Jeremiah 27:16

Tua ciangin siampite leh hih mi khempeuhte kiangah, “Topa in kong gen-inah, ‘En un, Topa’ biakin beelte, Babilon khua panin kila kik baih ta ding hi,’ ci-a note kianga na kamsangte-uh’ hong thu gente um kei un. Bang hang hiam cih leh note kianga hong gen uh thu in zuauthu ahi hi.

Jeremiah 28:11

Hananiah in zong mi khempeuhte’ om lai takin thu gen a, “Topa in, tu-a bangin Babilon kumpipa Nebukhadnezzar’ hakkol, kum nih sungin gam khempeuhte’ ngawng panin ka kuaihtan sak ding hi, a ci hi,” ci-in a gen hi. Tua ciangin Jeremiah a paikhia hi.

Daniel 4:7

Tua ciangin aisan theite, mitphial siamte, khongkhaitheite, aksi et siamte khempeuh hong pai uh a, amaute kiangah ka mang ka gen hi. Ahih hangin a khiatna a hong gen thei kei uh hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Zekhariah 10:2

Mihingte in milim peuh, thudotin nei uh a, a thu ngahte uh, zuauthu leh a mawkna hi lel hi. Mang khia thei-a kineite in lamlak khial uh a, amau’ hehnepnate, a mawknapi hi lel hi. Tua ahih manin, tuu bangin mite mangthang uh a, makai a neih loh manun gimna ngah uh hi.