Jeremiah 26:9 - Tedim Bible

⁹ Bang hangin, ‘Hih biakinnpi in Shiloh tawh kibang ding a, hih khuapi-ah a teeng om loin gam simtham a suak ding hi,’ ci-in Topa’ minin thu hilh na hi hiam?” ci-in a gen uh hi. Topa’ biakinnpi sungah mi khempeuh in Jeremiah a umcih uh hi.

Tedim Bible Revision 2017

⁹ Bang hangin, ‘Hih biakinnpi pen Shiloh tawh kibang dinga, hih khuapi ah a teeng om loin gam simtham suak ding hi,’ ci-in Topaʼ minin thu hilh ngam na hi hiam?” ci-in a gen uh hi. Topaʼ biakinnpi sungah a om mi khempeuh in Jeremiah a umcih uh hi.

Jeremiah 26:9 Referans Kwoze

Sawltak 22:22

Hih thute a gen khit dongin amaute in a ngai uh hi. Tua ciangin, “Hih bang mipa, leitung pan paaikhia mang un’. Amah a hing dingin a kilawm kei hi!” ci-in nakpi-in a kiko uh hi.

Sawltak 21:30

Khuazangin kigamlum a, mi tampite tai-in kikhawm uh a, Paul a mat khit uh ciangin biakna innpi sung pan a kaihkhiat khit uh ciangin kong a khak kik uh hi.

Sawltak 13:50

Ahih hangin Judah mite in Pasian a zahtak numei liante leh khua sung miliante a hansuah uh a, Paul leh Barnabas bawlsia-in, amau khua sung pan a hawlkhia uh hi.

Sawltak 6:14

Bang thu a gen hiam na cih uh leh, ‘Tua Nazareth mi Zeisu in hih inn a sugawp ding a, Moses in eite hong piak ngeina a kikheelsak ding hi,’ ci-a a gen thu ka za zo uh hi,” ci-in teci a pang uh hi.

Sawltak 5:28

siampi ukpa in, “Tua min tawh thu na hilh loh nadingun kote in pha takpi-in kong kham uh hangin, Jerusalem khua note’ thuhilhna tawh na dimsak zo uh a, kote tungah hihpa’ si hong tun’ nading note in na hanciam uh hi,” ci-in a gen hi.

Johan 8:59

Tua ahih ciangin amaute in Zeisu suang tawh deeng dingin suang tawm uh a, ahih hangin Zeisu bu-in biakna innpi sung pan a paikhia hi.

Johan 8:20

Biakna innpi sungah thu a hilh lai takin, sumkholna dei sungah hih thu a gen hi. A hun tung nai lo ahih ciangin kuamah in a man kei uh hi.

Marka 15:11

Zeisu khah loin Barabbas a khah nadingin siampi liante in mihonpi a hansuah uh hi.

Mattiu 27:20

Barabbas ngen a, Zeisu a siatsak nadingun siampi liante leh upate in mihonpi a hansuah uh hi.

Mattiu 21:23

Zeisu biakna innpi-ah lut a, thu a hilh lai takin siampi liante leh upate a kiangah pai uh a, “Hih nate bang thuneihna tawh bawl na hi hiam? Hih thu kua in hong pia ahi hiam?” ci-in a dot uh ciangin,

Micah 2:6

Amaute in kei kiangah, “Tua bang thu hong gen kei in. Tua bang thu gen dingin kilawm lo hi. Tua bangin Pasian in hong minsiasak lo ding hi,” ci uh hi.

Amos 5:10

Note in thukhen zumah thutang a deihpa na mudah uh a, thuman a genpa na hua uh hi.

Jeremiah 9:11

Jerusalem khua ninkholna ka bangsak ding a, se-alte’ teen’na ka suak sak ding hi. Judah khuapite gamlak ka suak sak ding a, kuamah a teeng nawn kei ding hi,” a ci hi.

2 KHANG TANGTHU NIHNATE 25:16

Ahih hangin amah in thu a gen lai takin kumpipa in ama kiangah, “Kumpi tungah ngaihsutna a pia dingin nang hong koih ka hi uh hiam? Khawl in! Bang hangin nang hong kithat ding ahi hiam?” a ci hi. Tua ahih ciangin kamsangpa khawl a, ahih hangin, “Nangmah in hih bang gamta-in ka thugenna ngai lo na hih manin Pasian in nang hong suksiat ding a lungsim a khentatna ka thei hi,” a ci hi.

Sawltak 3:11

Tua pa in Piter leh Johan beela a om lai takin Solomon’ Talap kici sungah mi khempeuh in lungmangin a tai uh a, amau kiangah a va kikhawm uh hi.

Sawltak 5:12

Sawltakte’ khut tungah mite mai-ah lim leh nalamdang tampi tak a kihih hi. Amaute in Solomon’ Talap-ah lungsim kikhatin a omkhawm uh hi.

Joshua 18:1

Tua ciangin Israel mihon buppi Shiloh-ah kikhawm uh a, tua lai-ah kikhopna buk lam uh hi; amaute mai-ah gam zawhsa-in om hi.

Jeremiah 32:3

Bang hang hiam cih leh Judah kumpipa Zedekiah in ama’ kiangah, “Bang hangin nangmah in thu genkhol a, ‘Topa in a cih-inah: En un, hih khuapi Babilon kumpipa’ khut sungah ka pia ding a, amah in a la ding hi.

Jeremiah 33:10

“Topa in kong cih-inah, note in, ‘Hih munah mihing, ganhing om loin mun dai suak hi,’ ci-in na gen uh mah bangin Judah gam khuapite leh Jerusalem khua kongzingte awng a, mihing ganhing kuamah a teeng kei hi.

Jeremiah 36:29

Judah kumpipa Jehoiakim’ thu tawh kisai-in hih bangin ama’ kiangah va gen in: ‘Topa in hong gen-inah, Nangmah in, “Jeremiah aw, bang hangin Babilon kumpipa hong pai taktak-in hih gam hong susia ding a, mihing leh ganhing a teeng sak nawn kei ding hi, ci-in hih lai sungah gelh na hi hiam?” ci-in na gen-a tua laizial na haltum hi.

Kah la 4:13

Hih thu a hong piang hi. Kamsangte leh siampite in mawhna a bawl manun mi siangtho midikte’ sihna a hong piang hi.