Jeremiah 26:21 - Tedim Bible

²¹ Jehoiakim kumpipa leh a galkapmang khempeuh leh kumpi ulian khempeuhte in ama’ thugente a zak uh ciangin kumpipa in thah dingin a zong hi. Ahih hangin Uriah in tua thu a zak ciangin lau-in Izipt gamah a taisim hi.

Tedim Bible Revision 2017

²¹ Kumpi Jehoiakim le a galkap maang khempeuh le kumpi ulian khempeuhte in ama thugente a zak uh ciangin kumpipa in thah dingin a zong hi. Ahih hangin Uriah in tua thu a zak ciangin lau-in Egypt gamah a taisim hi.

Jeremiah 26:21 Referans Kwoze

Mattiu 10:23

Khua khatah note hong bawlsiat uh leh, khua khatah na tai un. Ke’n aman takpi kong cih-inah, Israel khua khempeuh na vak kim khit ma-un Mihing Tapa hong pai ding hi.”

Mattiu 14:5

Herod in Johan a thah nop hangin mihonpite in Johan Pasian’ kamsangpa hi sa uh ahih ciangin a lau hi.

Jeremiah 36:26

Tua ciangin kumpipa in kumpipa’ tapa Jerahme-el tawh, Azriel’ tapa Seraiah tapa, Abde-el’ tapa Shelemiah tawh a sawl a, kumpi thuvanpipa Baruk leh kamsangpa Jeremiah man dingin thu a pia hi. Ahih hangin Topa in amau tegel a seel sim hi.

2 KHANG TANGTHU NIHNATE 16:10

Tua ciangin thu-mupa tungah Asa heh a, amah kol bulhin thong sungah koih hi; bang hang hiam cih leh hih thu hangin ama tungah nakpi takin heh hi. Tua hun mahin Asa in mi pawl khat zong gitlohna tawh gimsak hi.

Marka 6:19

Herodias in Johan mudah a, a that nuam hangin that zo lo hi.

Mattiu 10:39

Ama nuntakna a ngahte in, a nuntakna a mangthang ding hi. Keimah hanga nuntakna a mangsakte in, nuntakna a ngah ding uh hi.”

Mattiu 10:28

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Paunak 29:25

Midangte kihtakna in hong lunghimawhsak a, Topa muan’na in hong lungmuangsak hi.

Late 119:109

Ni simin ka nuntakna lauhuai ngitnget a, ahih hangin nangma thu ka mangngilh tuan kei hi.

2 KHANG TANGTHU NIHNATE 24:21

Ahih hangin amaute in amah sawmsim uh a, kumpipa’ thupiakna tawh amaute in Topa’ inn tual-ah suang tawh amah denglum uh hi.

Jeremiah 26:10

Judah gam uk uliante in hih thu a zak uh ciangin kumpipa’ inn sung pan Topa’ biakinnpi ah hong paito uh a, Topa’ biakinnpi lutna Kongpi Thakah a tu uh hi.

Jeremiah 38:4

Tua ciangin kumpipa’ uliante in kumpipa’ kiangah, “Hih mipa i thatlum ding hi. Bang hang hiam cih leh hih thute a gen manin hih khuapi sunga a om lai galkapte leh mi khempeuhte lungkia sakin thazaw sak hi. Hih mipa in i gam mite’ phattuam nading zong loin a gim ngah nading uh a zong zaw hi,” a ci uh hi.

1 KUMPI MASATE 18:10

Topa na Pasian in a nungta ahih mah bangin nangmah zong dingin ka topa in a sawl lohna minam ahi a, kumpi gam ahi zongin om lo hi; amaute in, ‘Hih lai-ah amah om lo hi,’ a cih uh ciangin, amaute in nang hong muh lohna thu amah in kumpi gam ahi a, minam ahi zongin kiciamsak hi.