Jeremiah 26:2 - Tedim Bible

² “Topa in kong cih-inah, Topa’ biakinnpi huang sungah va ding in la, Topa’ biakinnpi sunga bia dinga hong pai Judah gam khuapite khempeuh kiangah gen ding a, kong sawl khempeuh va gen in. Kam khat beek im kei in.

Tedim Bible Revision 2017

² “Topa in kong cih in ah, Topaʼ biakinnpi huang sungah va ding inla, Topaʼ biakinnpi sungah a bia dinga a hong pai Judah gam khuapite khempeuh kiangah gen dinga kong sawl khempeuh va gen in. Kam khat beek im kei in.

Jeremiah 26:2 Referans Kwoze

Thu-hilhkikna 4:2

Topa na Pasian un hong piak ahi keima hong thugente na zuih theih nadingun no kong thupiakte behlap loin, zong na khiam kei ding uh hi.

Sawltak 20:27

Bang hang hiam na cih uh leh, Pasian’ thu buppi note kiangah gen dingin ka pelh kei hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Jeremiah 19:14

Tua ciangin Topa in thu gen ding a, hong sawlna Tofeth panin ka ciahkik a, Topa’ biakinn sungah ding-in mi khempeuh’ kiangah,

Jeremiah 1:17

Tua ahih manin Jeremiah aw, na kawng gak in, Tho in la, kong sawl khempeuh amaute’ kiangah va gen in. Amaute kihta kei in; na kihtak leh amau mai-ah kong lau sak zawlai ding hi.

Sawltak 20:20

Note ading thupha khat beek siit loin mi kikhopna sungah ahi zongin, inn khat pan inn khatah ahi zongin, ka hong hilh hi.

Sawltak 5:42

Biakna innpi sungah ahi zongin, amau innah ahi zongin, ni simin, “Zeisu in Khazih ahi hi” ci-in Lungdamna Thu tawlnga loin hilhin, thu a gen uh hi.

Johan 18:20

Zeisu in, “Leitung mite mai-ah a kilangin ka gen zo hi. Judah mite’ kikhopna innte leh biakna innpi sungah a tawntungin thu ka hilh a, thu ka hilhsim ngei kei hi.

Ezekiel 3:10

Tua khit ciangin amah in thu hong gen thuah lai a, “Ezekiel aw, nang tungah kong thugen khempeuh lim takin ngai in la, ciamteh in.

Jeremiah 36:10

Tua ciangin Topa’ biakinn sung, a Kongpi Thak tumna gei, adei tungnunga Shafan’ tapa thuvan pipa Gemariah’ inndei sungah mi khempeuh’ zak-in Baruk in laizial sunga Jeremiah’ kammalte a simkhia hi.

Jeremiah 23:28

Kamsangpa in mang a mat leh a mang bek mah gen hen la, ahih hangin ka thu genna a za mipa in ka thu genna mah man takin gen ta hen. Buhtu leh buhtang bangci kibat theih ding ahi hiam? Topa in kong ci hi.

Jeremiah 7:2

Topa’ biakinn kongkhakpi kiangah ding in la, hih thu teng va tangko in: Topa bia ding-a kongkhak sung-a hong tum Judah mite aw, Topa’ kammal ngai dih un.

Thu-hilhkikna 12:32

“Note kong thupiak khempeuh na hih ding uh na lim ngaihsut ding uh hi; na behlap kei ding uh a, zong na khiam kei ding uh hi.

Mangmuhna 22:19

Tua genkholhna thu tawh kipawl hih laibu sungah a om thute kua mi hi taleh, a paihkhiat leh zong laibu sungah a kigelh nuntakna kung leh Khuapi Siangtho pan tua mi’ ngah ding khempeuh Pasian in a lakkhiatsak ding hi.

Sawltak 5:25

Tua lai takin mi khat hong pai a, “Thong ah na khum mite in biakna innpi sungah ding-in mite thu a hilh uh hi,” ci-in a ko hi.

Johan 8:2

Zingsang tungin biakna innpi-ah a paikik leh, mi khempeuh ama kiangah hong pai uh a, Zeisu in tua mite thu a hilh hi.

Luka 19:47

Zeisu in ni simin biakna innpi sungah thu a hilh hi. Ahih hangin siampi liante, laitheite leh miliante in amah thah nading a zong uh hi.

Jeremiah 42:4

Kamsangpa Jeremiah in zong amaute’ kiangah, “Nong genna-uh ka thei khin zo hi. En un, Topa na Pasian uh’ kiangah nong ngetna bangun thu ka ngen ding a, Topa’ hong dawn’ kikna bangbang ka hong gen ding hi. Bangmah kong im kei ding hi,” a ci hi.

Thu-hilhkikna 12:5

Topa na Pasian un na minam khempeuh uh sung panin ama min koih nadingin teelin, ama om nadinga a bawlna mun na zong ding uh hi;

Jeremiah 7:27

“Tua ahih manin Jeremiah aw, hih thute amau kiangah na va gen ding hi; ahih hangin amau in a hong ngai kei ding uh hi. Amaute na sap hangin a hong dawng kei ding uh hi.

Ezekiel 33:7

“Ezekiel aw, tu-in Israel mi nam khempeuhte’ galvilpa dingin nang kong koih hi. Nang tungah kong piak hilhkholhna khempeuh amaute tungah na gen sawn ding hi.

Ezekiel 40:4

Tua mipa in kei kiangah, “Ezekiel aw, tu-a kong lah ding nate, na mit tawh lim takin en-in, na bil tawh lim takin ngai in la, lim takin ngaihsun in. Hih lai-ah nang kong paipihna pen hih thu hang mah ahi hi. Na muh na khempeuhte, Israel mite tungah a gen ding na hi hi,” hong ci hi.

Joshua 8:35

Moses in a thupiak kammalte khempeuh Israel mi honpite, leh numeite, leh naupangte, leh amau lakah a teeng peemtate mai-ah Joshua in a sim loh khat zong om lo hi.

Jeremiah 1:7

Ahih hangin Topa in, “‘Naupang khat ka hi lel hi,’ ci kei in; bang hang hiam cih leh kong puakna khempeuhte’ kiangah na pai ding a, kong sawl peuhpeuh na gen ding hi.

Jeremiah 25:2

Kamsangpa Jeremiah in zong Judah gam mi khempeuh leh Jerusalem khuami khempeuhte’ tungah hih bangin a gen sawn hi:

Jeremiah 28:5

Tua ciangin kamsangpa Jeremiah in Topa’ biakinn pi sungah ding-a a om siampite leh mi khempeuhte’ om kim laitakin kamsangpa Hananiah hopih a,