Jeremiah 26:18 - Tedim Bible

¹⁸ “Judah kumpipa Hezekiah a maan’ laitakin Moresheth khuami Mikah in Judah mi khempeuhte’ kiangah: ‘Lo dingin Zion mual a kikho ding hi; Jerusalem khua a kisiazan ding a, biakinn mual in gamlak a suak ding hi, ci-in a vanglian Topa in a gen hi,’ a ci hi.

Tedim Bible Revision 2017

¹⁸ “Judah kumpipa Hezekiah in a uk laitakin Moresheth khuami Mikah in Judah mi khempeuhteʼ kiangah, ‘Lo dingin Zion mual a kikho ding hi. Jerusalem khua kisia zan dinga, biakinn mual, gamlak a suak ding hi, ci-in Vanglian Topa in gen hi,’ ci hi.

Jeremiah 26:18 Referans Kwoze

Zekhariah 8:3

Ka khuapi Zion ah ciahkikin Jerusalem ah ka teeng ding hi. Tua ciangin Jerusalem pen a citak khuapi ci-in minthang ding a, Vanglianpen Topa’ mual in mual siangtho kici ding hi.

Micah 1:1

Judah gam kumpi Jotham, Ahaz, leh Hezekiahte’ hun laitakin, Moresheth khuami Mikah tungah Topa in hih bangin thupia hi. Samaria leh Jerusalem tawh kisai-in Topa in Mikah tungah hih thute lak hi.

Nehemiah 4:2

Amah in a kikholhpihte leh Samaria galkapte’ kiangah, “Hih Judah mi niangnuangte in bang hih dinga kipan ahi uh hiam? Hih mun bawlpha ding a, kingaihsun ahi uh hiam? Biakna pia-in, a nasep uh ni khat sungin zo dingin kilamen ahi uh hiam? Amaute in a kangtumsa nin bulomtang panin suangtum bawl kik thei ding ahi uh hiam?” ci hi.

Micah 3:12

Tua ahih manin note hangin, lo khawh bangin Zion kikho-in, Jerusalem, nin kipaihna phualpi suak ding a, biakinn omna mual, gamlak suak ding hi.

Jeremiah 17:3

zanglei-a om mualte tungah zong tua mawhna a kilang hi. Na gam sung khempeuh uh-a na bawl uh mawhnate hangin na neih na lam uh leh na sum na paite uh, na galte uh ka tuahmang sak ding hi.

Jeremiah 9:11

Jerusalem khua ninkholna ka bangsak ding a, se-alte’ teen’na ka suak sak ding hi. Judah khuapite gamlak ka suak sak ding a, kuamah a teeng nawn kei ding hi,” a ci hi.

Late 79:1

Pasian aw, nangma luahna gam sungah dawi biate hong pai uh hi; amaute in nangma biakinn siangtho nin sak uh hi; amaute in Jerusalem siasak khin uh hi.

Jeremiah 51:37

Tua ciangin Babilon khuapi pen innsia losia suak ding a, se-alte’ teen’na mun suakin, a lipkhaphuai, simmawhna tawh a kiphitsan, kuama’ teen’ lohna mun a suak ding hi.

2 KUMPI NIHNATE 19:25

“Sawt pek lai-in ka ngaihsutsa ahihna za nai lo na hi hiam? Taanglai pek panin ka geel kholhsa hi, tu-a ka tun’sak ding thute, kulh a nei khuapite nin bulomtang-in na hei nading,

2 KHANG TANGTHU NIHNATE 32:26

Ahih hangin Hezekiah a lungsim kiphatsakna thu-ah amah leh Jerusalem a, teeng mite kiniamkhiat uh ahih manin amaute tungah Topa’ hehna hong tung lo hi.

Micah 4:1

Mai lam hunah, Topa’ biakinn a omna mual, a sang pen mual hong suak ding a, minam tampi in hong zuan ding uh hi.